The Telecommunications and Radiotechnology Museum has been inaugurated at Azerbaijan Technical University (AZTU). The opening ceremony was attended by the university administration, faculty members, students, and industry specialists. The museum has been established to preserve achievements in the fields of telecommunications and radiotechnology and to pass this knowledge on to future generations. It features unique exhibits reflecting different stages of development in the field, including communication devices, radio equipment, and measurement instruments from various periods. The museum will also serve as an additional resource in the educational process. Students will have the opportunity to strengthen their practical knowledge, become familiar with real equipment, and gain a deeper understanding of their specialties. This initiative also contributes to the United Nations Sustainable Development Goals (SDGs), particularly SDG 4 (Quality Education) by enhancing practical learning opportunities, and SDG 9 (Industry, Innovation and Infrastructure) by promoting technological awareness and innovation among students. It is planned to further enrich the museum with new exhibits and expand interactive opportunities for students. The AZTU administration emphasized that such initiatives play an important role in strengthening the university’s scientific potential and increasing young people’s interest in technical fields.

Azərbaycan Texniki Universitetində (AzTU) tələbələrin karyera inkişafına dəstək məqsədilə "Azersun Holding" MMC-nin təşkilatçılığı ilə “Azersun Karyera Günü” adlı tədbir keçirilib. Tədbir çərçivəsində tələbələr “Azersun Holding”in təqdim etdiyi təcrübə və iş imkanları, karyera inkişafı perspektivləri və əmək bazarına hazırlıq mövzularında vacib məlumatlar əldə edib. “Çay saatı” formatında tanışlıq və ünsiyyət sessiyası isə tələbələrə şirkət nümayəndələri ilə ünsiyyət qurmaq və suallarını birbaşa ünvanlamaq imkanı yaradıb. Sonda tədbirin fəal iştirakçılarına şirkətin hədiyyələri təqdim olunub.

Azərbaycan Texniki Universitetinin (AzTU) Tələbə Elmi Cəmiyyətinin təşkilatçılığı ilə İnkubasiya Mərkəzi tərəfindən tələbələr və innovasiya ilə maraqlanan gənclər üçün infosessiya təşkil olunub. Tədbirdə AzTU İnkubasiya Mərkəzinin Məsləhət Şurasının sədri Osman Gündüz çıxış edərək startap ekosisteminin əhəmiyyəti barədə tövsiyələr verib. İnfosessiyada AzTU İnkubasiya Mərkəzinin koordinatoru Azad Musayev çıxış edərək mərkəzin fəaliyyəti və təqdim olunan imkanlar barədə iştirakçılara ətraflı məlumat verib, tələbələrə innovasiya proqramlarında iştirak yollarını izah edib və mərkəzin yenilənmiş rəsmi saytını nümayiş etdirib. Tədbir çərçivəsində mərkəz tərəfindən həyata keçirilən layihələr və əsas fəaliyyət istiqamətləri barədə iştirakçılara geniş məlumat verilib. AzTU İnkubasiya Mərkəzinin əsas fəaliyyət istiqamətləri – inkubasiya proqramı, Startap Günləri, hakatonlar, startap yönümlü təlimlər və tələbələrin innovativ layihələrinin inkişafına göstərilən dəstək haqqında məlumat verilib. İnfosessiya çərçivəsində AzTU-nun beynəlxalq səviyyədə keçiriləcək yarışlarda iştirakı barədə də məlumat verilib. Həmçinin AzTU-nu Özbəkistanda keçiriləcək tədbirlərdə təmsil edəcək komandalar təqdim olunub. Mərkəzin fəaliyyəti çərçivəsində təşkil olunan təlim proqramları, mentor dəstəyi və startap komandalarının inkişaf mərhələləri barədə iştirakçılarla müzakirələr aparılıb. Tədbirdə müxtəlif innovasiya müsabiqələri və Startap Günləri layihəsi çərçivəsində formalaşmış startap komandalarının uğurları nümayiş etdirilib. Sonda iştirakçıların sualları cavablandırılıb. Qeyd edək ki, AzTU İnkubasiya Mərkəzinin əsas məqsədi tələbələrin ideyalarını real layihələrə və startaplara çevirməsinə dəstək göstərmək, texnoloji sahibkarlıq bacarıqlarını inkişaf etdirmək və universitet daxilində innovasiya yönümlü ekosistemin formalaşdırılmasına töhfə verməkdir.

Azərbaycan Texniki Universitetinin (AzTU) Elm və innovasiyalar üzrə prorektoru Sübhan Namazov və Tədqiqat, inkişaf və reputasiya departamentinin direktoru Bəxtiyar Bədəlov Türkiyənin Ankara və İstanbul şəhərlərində yerləşən aparıcı universitetlərlə birgə tədqiqatlar sahəsində yeni əməkdaşlıqların qurulması və inkişaf etdirlməsi məqsədilə səfərdə olublar. Səfər çərçivəsində AzTU nümayəndə heyəti Yıldız Texniki Universiteti, Gazi Universiteti, Qəbzə Texniki Universiteti, Çankaya Universiteti, İstanbul Ticarət Universiteti, İstinye Universiteti, Bağçaşəhər Universitetinin rəhbər heyəti və tədqiqatçıları ilə müzakirələr aparıblar. Müzakirələr zamanı tədqiqat platformalarının birgə istifadə edilməsi, hər bir tədqiqatçının ən az bir partnyor tədqiqatçı ilə əməkdaşlığı üçün dəstək verilməsi işinin təşkili, birgə konfransların keçirilməsi və s. kimi məsələlər barədə müvafiq razılıqlar əldə edilib. Qəbzə Texniki Universitetinin prorektorları Prof. Dr. Elif Damla Arısan, Prof.Dr. Hasari Çələbi ilə müzakirələr zamanı birgə daxili qrant layihələrinin həyata keçirilməsi, Qəbzə Texniki Universitetinin laboratoriya bazasından və TEXNOPARK-ının bazasından birgə istifadə barədə razılıq əldə olunub. Yıldız Texniki Universitetinin prorektoru Prof. Dr. Güleda Engin rəhbərlik etdiyi nümayəndə heyəti ilə müzakirələr zamanı birgə elmi konfransların təşkili barədə razılıqlar əldə edilib və professor-müəllim heyətinin qarşılıqlı mübadiləsinin dəstəklənməsi mexanizmi müzakirə olunub. İstanbul Ticarət Universitetinin prorektoru Prof. Dr. Berk Ayvaz və nümayəndə heyəti ilə görüş zamanı professor-müəllim heəyətinin qarşlıqlı mübadiləsi, birgə tədqiqat fəaliyyəti və doktorant hazırlığının aparılması barədə razılıq əldə olunub. Müzakirələr zamanı birgə elmi araşdırmaların aparılması, beynəlxalq qrant proqramlarında ortaq iştirak, doktorant və gənc tədqiqatçıların mübadiləsi, elmi konfrans və seminarların təşkili kimi istiqamətlərdə əməkdaşlıq perspektivləri nəzərdən keçirilib. Həmçinin innovasiya fəaliyyəti, texnologiya transferi və tətbiqi tədqiqatların inkişafı sahəsində təcrübə mübadiləsinin aparılmasının vacibliyi qeyd olunub. Görüşlərdə universitetlər arasında əməkdaşlığın inkişaf etdirilməsinin elmi potensialın gücləndirilməsi, tədqiqat mühitinin inkişafı və beynəlxalq akademik əlaqələrin genişlənməsi baxımından mühüm əhəmiyyət daşıdığı vurğulanıb. Səfər çərçivəsində AzTU nümayəndələri universitetlərdə fəaliyyət göstərən tədqiqat mərkəzləri və innovasiya infrastrukturu ilə tanış olub, elmi fəaliyyətin təşkili və idarə olunması istiqamətində fikir mübadiləsi aparıblar.

Azərbaycan Texniki Universitetində (AzTU) təhsil alan əcnəbi tələbələr bir semestrlik təqaüdlü təhsil hüququ qazanıb. Belə ki, AzTU Elmi şurasının qərarı ilə təsdiq olunmuş qaydalara əsasən, hər əvvəlki semestrin nəticələrinə görə akademik göstəriciləri ən yüksək olan bakalavriat və magistratura səviyyələrində əyani təhsil alan əcnəbi tələbələr növbəti semestrdə təqaüdlü təhsil hüququ qazanır. Qaydalara uyğun olaraq, 2025-2026-cı tədris ilinin payız semestrini yüksək akademik göstəricilərlə bitiən 5 əcnəbi tələbə yaz semestrinin təhsil haqqından azad olunub. Bu təşəbbüs universitetdə təhsil alan əcnəbi tələbələrin akademik nailiyyətlərinin təşviq edilməsi və onların təhsil motivasiyasının artırılması məqsədi daşıyır.

Multikulturalizm prinsiplərinə önəm verən Azərbaycan Texniki Universitetində (AzTU) bütün tədbirlər AzTU-da təhsil alan əcnəbi tələbələrlə birgə keçirilir.  “Yurdumuza bahar gəlir” adlı Novruz tədbirində Türkiyə, Pakistan, Şri-Lanka, Somali, Çin, Liviya, Özbəkistan və Ukraynadan olan əcnəbi tələbələr təmsil etdikləri ölkələrin mədəniyyətini təqdim edib. Onlar milli mətbəxlərinə xas müxtəlif təamlar və bayram atributları ilə çıxış edərək, iştirakçılara fərqli mədəniyyətləri yaxından tanımaq imkanı yaradıb. Əcnəbi tələbələrin öz ana dillərində səsləndirdikləri musiqili çıxışlar isə, tədbirə xüsusi rəng qatıb.

Azərbaycan Texniki Universitetində (AzTU) Həmkarlar İttifaqı Komitəsi (HİK) və Tələbə Həmkarlar İttifaqı Komitəsinin (THİK) birgə təşkilatçılığı ilə “Yurdumuza bahar gəlir” adlı tədbir keçirilib.Əvvəlcə fakültələrin və tələbə təşkilatlarının Novruz bayramı münasibətilə hazırladıqları stendlərə baxış keçirilib. Tədbir torpaqlarımızın ərazi bütövlüyü və suverenliyi uğrunda canlarından keçən Vətən övladlarının xatirəsinin bir dəqiqəlik sükutla yad edilməsi və Azərbaycanın Dövlət Himninin səsləndirilməsi ilə başlayıb. Novruz bayramı münasibətilə təbriklərini çatdıran AzTU-nun rektoru Vilayət Vəliyev birlik və həmrəylik rəmzi sayılan bu əziz bayramın ənənələrindən danışıb. Baharın gəlişini müjdələyən Novruzun Azərbaycanda hər il təntənə ilə qeyd olunduğunu deyən rektor, bu tədbirlərin qədim adət-ənənələrimizin gələcək nəsillərə ötürülməsi baxımından önəmini bildirib. Daha sonra universitetin sosial-ictimai həyatında fəallıq nümayiş etdirmiş tələbələrə təşəkkürnamə təqdim olunib.Rəsmi hissədən sonra tədbir konsert proqramı ilə davam edib.

“Master School” təhsil mərkəzinin abituriyentlərinin Azərbaycan Texniki Universitetinə (AzTU) infoturu təşkil olunub. Əvvəlcə abituriyentlər AzTU-nun fakültələri ilə tanış olublar. Burada onlara fakültənin ixtisasları barədə məlumat verilib, tədris auditoriyaları təqdim olunub. Abituriyentlər həmçinin laboratoriya və emalatxanalarda görülən işlər və aparılan tədqiqatlarla da tanış olublar. İnfotur çərçivəsində abituriyentlər üçün kofe və çay masası təşkil olunub.   Daha sonra AzTU-nun rektoru abituriyentlərlə görüşüb. Rektor AzTU-da görülən işlər, əmək bazarının tələblərinə uyğun kadr hazırlığı istiqamətində aparılan yeniliklər, universitet-sənaye əməkdaşlığı və beynəlxalq əlaqələr barədə məlumat verib.  Qeyd edək ki, abituriyentlərin AzTU-ya infoturu mütəmadi olaraq davam etdiriləcək.

Azərbaycan Texniki Universitetində (AzTU) beynəlxalq qabaqcıl universitetlərin (əsasən RWTH Aachen, ICL, MIT, ODTÜ və İTÜ) təcrübələri əsasında uzun müddət aparılan institusional islahatların ümumiləşmiş nəticəsi olaraq Universitetin Elmi şurasının qərarı ilə yeni hibrid akademik idarəetmə modeli tətbiq olunub. Bu model çərçivəsində: (1) bakalavr təhsil proqramlarının sahibliyi və  idarə olunması fakültələrə məxsusdur; (2) magistr və doktorantura proqramlarının akademik sahibiliyi və idarə edilməsi Yüksək Təhsil İnstitutudur (YTİ); (3) tədqiqat fəaliyyətinin koordinasiyası ixtisas klasterləri üzrə yaradılmış Tədqiqat İnstitutları (Tİ) vasitəsilə həyata keçirilir; (4) tədris və tədqiqat fəaliyyətinin əsas icra vahidi isə “Academic Department” modeli əsasında təşkil edilmiş kafedralardır. Yeni model Fakültə – YTİ – Kafedra – Tİ strukturuna əsaslanır və universitetdə tədris və tədqiqat fəaliyyətinin daha səmərəli təşkilinə, xüsusilə tədqiqat yönümlü təhsilin inkişafına, multidissiplinar elmi əməkdaşlığın genişlənməsinə, sənaye ilə universitet əməkdaşlığının güclənməsinə və beynəlxalq tədqiqat layihələrinin artırılmasına xidmət edəcək. Yeni akademik modeldə ilk dəfə olaraq Aparıcı Tədqiqatçı (AP) əsaslı tədqiqat qrupu sistemi tətbiq edilib. Bu sistem professor və tədqiqatçıların elmi fəaliyyətinin inkişafına, qrant layihələrinin artırılmasına və gənc tədqiqatçıların hazırlanmasına imkan yaradır. Bu islahat AzTU-nun tədqiqat universitetinə transformasiya strategiyasının mühüm mərhələsi hesab olunur.

Teachers and students of the Department of Chemical Technology, Recycling and Ecology of Azerbaijan Technical University (AzTU) conducted field research on the coast of the Caspian Sea within the framework of the United Nations Sustainable Development Goal SDG 14 – Life Below Water. The visit aimed to strengthen practical knowledge related to the protection of marine and ocean ecosystems, reduction of marine pollution, and conservation of underwater biodiversity. During the research, students collected water samples from different points of the Caspian Sea coastline. The collected samples were analyzed in laboratory conditions to assess water quality, determine the level of marine pollution, study the ecological condition of the aquatic environment, and evaluate the health of marine ecosystems. The fieldwork provided students with the opportunity to gain practical experience in important areas such as marine water quality monitoring, identification of marine pollution, protection of coastal ecosystems, conservation of underwater biodiversity, sustainable use of marine resources, and environmental monitoring. These activities are directly linked to the key priorities of SDG 14, including the protection of seas and oceans, conservation of life below water, restoration of marine ecosystems, reduction of anthropogenic pollution, and sustainable management of marine resources. Such field studies play an important role in developing students’ knowledge and skills in marine environmental protection, sustainability of marine ecosystems, conservation of underwater biodiversity, and addressing global environmental challenges.