“Code Academy”nin “Code For Future” layihəsinin növbəti məzun günü keçirilib. Tədbiri giriş sözü ilə açan AzTU SABAH qruplarının rəhbəri Aytən Sadıqova “Code for Future” layihəsinin tələbələrin peşəkar inkişafında mühüm rol oynadığını bildirib. İnformasiya texnologiyaları və telekommunikasiya fakültəsinin dekan müavini Aytən Mövsümova məzunları təbrik edib və layihə çərçivəsində qazanılmış bilik və bacarıqları gələcək həyatlarında inkişaf etdirərək ölkənin texnologiya sahəsində yeniliklər edə biləcəklərini vurğulayıb. “Code for Future” layihəsinin baş koordinatoru Asya Rüstəmova, “Code Academy”nin biznesin inkişafı üzrə baş direktoru və Akademik şöbənin rəhbəri Tuğrul Kapucuoğlu məzunları təbrik edib və tələbələrə uğurlar arzulayıblar. Bildirilib ki, AzTU-nun III və IV kurs tələbələri layihə çərçivəsində proqramlaşdırma və kibertəhlükəsizliyin əsasları “bootcamp”larına müraciət edib, daha sonra seçilmiş tələbələrə 1 semestrlik dərslər keçirilib və final iş kimi tələbələr 21 gün ərzində öz praktiki layihələrini hazırlayıblar. “Code Academy”nin layihələrin idarə edilməsi üzrə aparıcı mütəxəssisi Ülvi Səfərli qeyd edib ki, iki semestr ərzində AzTU-nun tələbələri heç də asan olmayan 207 beynəlxalq dərəcəli sertifikat (Certiport - HTML and CSS, Certiport - Networking, Cisco CCST Networking, Cisco CCST Cybersecurity, Cisco CCNA, Fortinet Certified Fundamentals, Fortinet Certified Associate, CompTIA Core 1, CompTIA Core 2, RHCSA (Red Hat Certified System Administrator)) qazanıblar.  Daha sonra ən yaxşı layihələrin müəllifləri olan AzTU tələbələri təqdimatlarla çıxış ediblər. AzTU-nun informasiya texnologiyaları ixtisasının tələbəsi Orxan Kərimov https://lix.az/ layihəsini təqdim edərək bildirib ki, sayt linklərin qısaldılması, müxtəlif qurumlara, bizneslərə rəqəmsal formada dəstək barədə platformadır.  AzTU-nun informasiya təhlükəsizliyi və proseslərin avtomatlaşdırılması mühəndisliyi ixtisaslarının tələbələri Nihad Əlizadə və Toğrul Hacıyev Laçın şəhəri üçün düşünülmüş kibertəhlükəsizlik və logistik məsələlərinin həllinə dair “Zabux Logistics” layihəsini təqdim ediblər. AzTU-nun kompüter mühəndisliyi ixtisasının III kurs tələbəsi Mirhüseyn Talıbzadə isə “Voxafly” layihəsini təqdim edərək vurğulayıb ki, burada insanlar süni intellektin dəstəyi ilə səsli formada səyahətlər üçün bilet bron edə, uçuş və hava yolu ilə səfərlər barədə müxtəlif məlumatlar və tövsiyələr əldə edə bilərlər. Elm və Təhsil Nazirliyinin dəstəyilə həyata keçirilən “Code Academy”nin “Code For Future” layihəsinin icrasına ilk dəfə 2021-ci ildə AzTU-da başlanılıb. Layihə çərçivəsində AzTU-da ümumilikdə 1211 tələbə təhsil alıb, əmək bazarının tələblərinə uyğun kadr kimi formalaşaraq bir sıra üstünlüklərə sahib olublar. Tədbirin sonunda “Code For Future” layihəsinin 2023-2024 yaz və 2024-2025 payız semestri üzrə məzun olmuş 247 AzTU tələbəsinə diplom (150 nəfər), yüksək şərəf diplomu (35 nəfər), şərəf diplomu (61 nəfər) və iştirak sertifikatları təqdim olunub.

Azərbaycan Texniki Universitetində (AzTU) Maşınqayırma və robotexnika fakültəsinin tələbələri üçün alman dilinin onlayn formada öyrənmə imkanlarına həsr olunmuş məlumatlandırma sessiyası təşkil olunub. Sessiya AzTU-da fəaliyyət göstərən alman dili müəllimi Klaudio Kasperl tərəfindən keçirilib. Məlumatlandırma sessiyasında Klaudio Kasperl “Nicos Weg” adlı müasir və interaktiv alman dili kursunu tələbələrə təqdim edib. Alman dilinin A1 səviyyəsindən B1 səviyyəsinə qədər mərhələsini əhatə edən bu kurs Almaniyanın beynəlxalq yayım qurumu DW (Deutsche Welle) tərəfindən hazırlanıb və internet üzərindən tamamilə ödənişsiz şəkildə təqdim olunur. Kursun türk, rus və digər bir neçə dildə mövcud olması tələbələr üçün onu daha əlçatan və anlaşılan edir. Sessiyada “Nicos Weg” kursunun hazırda intensiv istifadəçisi olan universitetin əməkdaşı İlahə Ağazadə öz təcrübəsini paylaşıb. O, kursun gündəlik öyrənmə prosesində faydasından və onun imkanlarından yararlanmaq barədə tələbələrə məlumat verib. Sessiya ərzində Klaudio Kasperl tələbələrə kursun quruluşu, istifadəsi və fərdi öyrənmə imkanları ilə bağlı ətraflı məlumat verib və bu interaktiv vəsaitin dərsdən kənar alman dilinin öyrənilməsinə maraq göstərən tələbələr üçün faydalı resurs olduğunu qeyd edib. Sonda tələbələrin sualları cavablandırılıb.

  Türkiyənin Türk Hava Kurumu Universitetinin rektoru professor Rahmi Erin rəhbərlik etdiyi nümayəndə heyəti Azərbaycan Texniki  Universitetinin (AzTU) qonağı olub. Qonaqlar AzTU-nun rektoru professor Vilayət Vəliyevlə görüşüb. Görüşdə Türkiyə-Azərbaycan Universitetinin (TAU) prorektoru professor Mehmet Şimşir və AzTU-nun nümayəndələri iştirak edib. Səmimi qonaqpərvərliyə görə təşəkkürünü bildirən Türk Hava Kurumu Universitetinin rektoru Rahmi Er rəhbərlik etdiyi universitetdə görülən işlər barədə məlumat verib. Qonaqları AzTU-da görməkdən məmnunluğunu bildirən rektor Vilayət Vəliyev hər iki universitetin uyğun istiqamətlər üzrə əməkdaşlığının mümkünlüyü barədə danışıb. Görüşdə qarşılıqlı maraq doğuran digər məsələlər ətrafında fikir mübadiləsi aparılıb.  

Azərbaycan Texniki Universitetində (AzTU) fəaliyyət göstərən Cənubu Koreyadan olan professor Woojik Chun (Vujik Çun) universitet əməkdaşlarına "ID əsaslı kommunikasiyalarda tədqiqat istiqamətləri" mövzusunda seminar keçib.    Seminarda informasiya texnologiyaları sahəsində fəaliyyət göstərən professor-müəllim heyəti və əməkdaşlar iştirak edib. Seminarın sonunda mövzu ətrafında müzakirələr aparılıb. Qeyd edək ki, professor Chun 2024-cü ilin sentyabr ayından AzTU-da pedaqoji fəaliyyətə başlayıb. O, Koreya Beynəlxalq Əməkdaşlıq Agentliyinin (KOICA) dəstəyi ilə Koreya Respublikasının Ticarət, Sənaye və Energetika Nazirliyi yanında Milli İnformasiya Texnologiyaları Sənayesinin Təşviqi Agentliyinin (NIPA) “Dünyanın Dostları Koreya (WFK) Məsləhətçiləri Proqramı” çərçivəsində AzTU-da fəaliyyət göstərir.

Azərbaycan Texniki Universitetinin (AzTU) Xarici dillər  kafedrası və “Azərbaycanda alman dilini tədris edən müəllimlər” DLV İctimai Birliyinin  təşkilatçılığı ilə məktəb və universitet müəllimləri üçün “Süni intellekt və alman dilinin tədrisində rəqəmsallaşma” mövzusunda  peşəkar inkişaf seminarı və vebinarı keçirilib. Seminar və vebinar Claudio Kasperi və Lətifə Qurbanova tərəfindən təqdim olunub. 6 saat davam edən görüşdə “ChatGPT” kimi süni intellekt alətlərinin tədris prosesində daha səmərəli tədbiqini müzakirə etməklə yanaşı, süni intellektin ənənəvi tədris yanaşmalarına inteqrasiyası haqqında geniş fikir mübadiləsi aparılıb. Seminarın nəticəsi olaraq iştirakçılar əldə etdikləri metod və yanaşmaları öz dərslərinə inteqrasiya edərək fərdi tədris planları hazırlayıblar. Sonda iştirakçılara sertifikat təqdim olunub.

Azərbaycan Texniki Universitetində (AzTU) Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə “Dəqiq kənd təsərrüfatında süni intellektin tətbiqi” layihəsi çərçivəsində növbəti vorkşop keçirilib. Tədbir aqrar sahədə rəqəmsal yanaşmaların genişləndirilməsi və müxtəlif sahələrin mütəxəssislərinin bilik mübadiləsinin təşviqi baxımından mühüm əhəmiyyət daşıyır.Tədbirdə çıxış edən AzTU-nun rektoru Vilayət Vəliyev kənd təsərrüfatının müasir dövrdə yüksək texnologiyalarla inteqrasiyasının zəruriliyini vurğulayıb. O qeyd edib ki, bu cür layihələr elm, texnologiya və istehsalat arasında körpü yaradır və ölkənin dayanıqlı ərzaq təhlükəsizliyinə töhfə verir.Aqrar İnnovasiya Mərkəzinin direktoru Anar Cəfərov isə bildirib ki, layihə süni intellekt alətlərindən istifadə etməklə təsərrüfat sahiblərinə daha dəqiq, daha çevik və resurslara qənaət edən qərarlar vermək imkanı yaradaq. O, layihənin davamlılığının təmin olunması və real təsərrüfatlarda praktiki nəticələrin əldə olunmasının prioritet olduğunu qeyd edib.Vorkşop zamanı Aqrar İnnovasiya Mərkəzinin fəaliyyət istiqamətlərini əks etdirən videoçarx təqdim olunub. Ardınca müxtəlif sahələr üzrə mütəxəssislərin çıxışları dinlənilib.

On April 17, 2025, a seminar on the ISO 21001:2018 – Management System for Educational Organizations Standard was organized at Azerbaijan Technical University (AzTU) by the Quality Association. The event brought together active participation from staff members representing various faculties and structural units of the university. The main objective of the seminar was to provide detailed information to participants about the core principles, structure, and implementation mechanisms of the ISO 21001:2018 standard, as well as to emphasize its role in the development and enhancement of quality assurance systems in higher education institutions. During the seminar, presentations were delivered by experts from the Quality Association, showcasing real-world examples and discussing the practical significance of the standard. Participants also engaged in discussions focused on the potential for implementing ISO 21001:2018 at AzTU, and their questions were addressed by the presenters. At the end of the event, the Quality Assurance Department of AzTU conducted a feedback survey to assess the effectiveness of the seminar. The insights gathered will serve as a reference for improving the quality of future training and awareness activities. Such educational events play a vital role in strengthening the culture of quality at the university, promoting the adoption of international standards, and ensuring continuous institutional development.

Azərbaycan Texniki Universitetində (AzTU) Azərbaycan Kibertəhlükəsizlik Mərkəzinin (AKM) növbəti infosessiyası keçirilib. İnfosessiya zamanı Rəqəmsal İnkişaf və Nəqliyyat Nazirliyi (RİNN), İnnovasiya və Rəqəmsal İnkişaf Agentliyinin (İRİA) və İsrailin “Technion” Texnologiya İnstitutu ilə birgə təsis etdiyi Azərbaycan Kibertəhlükəsizlik Mərkəzi (AKM) təlimlərinin VI dalğası üçün qeydiyyat açıq elan olunub. AzTU-nun SABAH qruplarının rəhbəri Aytən Sadıqova kibertəhlükəsizlik sahəsinin inkişafının əhəmiyyətindən danışıb. O, AzTU rəhbərliyinin bu sahəyə ciddi əhəmiyyət verdiyini, tələbələrin sözügedən istiqamətdə bilik və bacarıqlarının artırlması üçün universitetdə hər cür şərait yaradıldığını deyib. AKM-in mentoru Sənan Novruzlu dünyada və ölkədə mövcud kiber təhdidlər, onun zərərləri, dövlət əhəmiyyətli dataların oğurlanması, eləcə də özəl sektorların datalarına olan kiber hücumlar haqqında ətraflı məlumat verib. Bildirib ki, AKM təlimlərinin keçirilməsində məqsəd ölkədəki kibertəhlükəsizlik kadrlarının ən yüksək səviyyədə bilik və bacarıqlarını formalaşdırmaqdır. AKM-in mentoru Səxavət Abdıyev AKM haqqında AzTU tələbələrinə ətraflı məlumat verib. O bildirib ki, AKM-in ilk 6 dalğası üçün ümumi olaraq 360 nəfərə təlim keçirilməsi nəzərdə tutulub, ilk 4 dalğadan 240 nəfər məzun olub, hazırda 5-ci dalğanın təlimləri bitmək üzrədir. Bütün məzunlar həm dövlət qurumlarında, həm də özəl sektorda mərkəzi təmsil edirlər. Mərkəzin nümayəndəsi AzTU tələbələrini aktiv olmağa və təlimlərin son 6-cı dalğasına qoşulmağa çağırıb. Təlimlərə qeydiyyat mayın 7-də yekunlaşacaq. AKM-in mentoru Osman Əliyev infosessiya zamanı vurğulayıb ki, Mərkəzin icra etdiyi təlimlər İsrailin “Technion” Texnologiya İnstitutunun təlim proqramına əsaslanır və hər təlim periodu üçün 60 mütəxəssisin hazırlanması nəzərdə tutulur. Mərkəzin əməkdaşı qeyd edib ki, xarici təlimçilər komandası təlimlərə müraciət etmiş iştirakçıların həm ingilis dili səviyyəsini, həm İT biliklərini, həm psixoloji durumunu yoxlayır, həm də müsahibə bacarıqlarını testdən keçirir. Nəticədə bütün mərhələləri uğurla keçmiş namizədlərə “Blue team” (müdafiə) və “Red team” (hücum) istiqamətində 6 aylıq təlimlər keçirilir. Təlimi uğurla bitirənlərə “Technion” İnstitutunun rəsmi sertifikatı verilir. Sonda AKM-in nümayəndələri AzTU tələbələrini maraqlandıran sualları cavablandırıb.

Azərbaycan Texniki Universitetində (AzTU) İnnovasiya və Rəqəmsal İnkişaf Agentliyi (İRİA), Azərbaycan Respublikasının Təhsil İnstitutu (ARTİ), AzTU-nun Təhsildə İnformasiya Texnologiyaları və Metodik Dəstək İnstitutu və “ÖzünÖyrən” MMC-nin birgə təşkilatçılğı ilə “Bebras” İnformatika və Alqoritmik Düşüncə müsabiqəsinin final mərhələsi keçirilib. Müsabiqənin əsas məqsədi interaktiv məsələlərlə informasiya texnologiyaları və kompüter elmləri sahəsinə şagirdlərin marağını artırmaqdır. Müsabiqənin final turunda iştirak edən 418 şagirdin alqoritmik təfəkkürü, kompüter vərdişləri yoxlanılıb və avtomatik üsulla qiymətləndirilib. Müsabiqə https://bebras.az/ portalı vasitəsilə keçirilib və iştirakçılara suallar üçün 45 dəqiqə vaxt verilib. Müsabiqənin yekun - super-final mərhələsi 2025-ci ilin iyun ayında keçiriləcək.

Azərbaycan Texnologiya Universiteti (ATU), Təhsilin İnkişafı Fondu (TİF), İnnovasiya və Rəqəmsal İnkişaf Agentliyinin (İRİA) təşkilatçılığı ilə Gəncədə "GreenTech II" startap və yaşıl texnologiyalar müsabiqəsinin final mərhələsi keçirilib. Müsabiqədə ölkənin 30 universitetindən 80 komanda 4 kateqoriya (Rəqəmsal ekologiya, Robototexnika, Yaşıl nəqliyyat texnologiyaları və Davamlı inkişaf üçün sosial innovasiyalar) üzrə mübarizə aparıb. "GreenTech" startap və yaşıl texnologiyalar müsabiqəsində Azərbaycan Texniki Universitetini (AzTU) 2 komanda təmsil edib. AzTU-nun Nəqliyyat və logistika fakültəsinin ikinci və üçüncü kurs tələbələri  Rəsul Şahverənli və Vasif Məmmədovun iştirak etdiyi “City Mobility” komandası “Yaşıl nəqliyyat texnologiyaları” kateqoriyası üzrə  2-ci yerə layiq görülüb. “Kiçik şəhərlərdə mikromobillik  planının tətbiqi perspektivləri”  (Biləsuvar şəhərinin timsalında) adlı qalib layihənin mentoru AzTU-nun Nəqliyyat və logistika fakültəsinin dekanı Allahverdi Şərifovdur. Münsiflər heyətinin dəyərləndirməsindən sonra qalib komandalar sertifikat və qiymətli hədiyyələrlə mükafatlandırılıb.