Second-year master's students of the Faculty of Energy and Automation of Azerbaijan Technical University (AzTU) visited “Azerenergy” JSC. During the visit, organized by the head of the Department of Electrical Engineering of AzTU, Hikmet Aliyev, and associate professor Ahmad Mammadov, the students were given detailed information about the working principle of “Azerenergy” OJSC. Here, the students visually observed the processes of relay protection of electrical networks and systems and anti-failure automation, and also acquired certain knowledge.

İnnovasiya və Rəqəmsal İnkişaf Agentliyinin təşkilatçılığı ilə Azərbaycan Texniki Universitetinin (AzTU) və “Nokia” şirkətinin nümayəndə heyəti arasında görüş keçirilib. Görüşdə AzTU-nun elm və innovasiya üzrə prorektoru Sübhan Namazov, beynəlxalq əlaqələr üzrə prorektoru Fariz Məmmədov və rəqəmsallaşma və layihələr üzrə prorektoru Rəşad Əliyev iştirak edib. Görüş zamanı universitet daxili tədqiqat və inkişaf mərkəzlərinin formalaşdırılması, eləcə də yeni növ tələblərə cavab verən texniki avadanlıqların iş prinsipi ilə tanışlıq və tətbiq imkanlarının artırılmasını təmin etmək məqsədilə AzTU ilə “Nokia” şirkəti arasında əməkdaşlığa dair ilkin razılaşma əldə olunub. Qeyd olunub ki, əməkdaşlıq çərçivəsində AzTU-nun nəzdində GPON texnologiyası əsasında “Nokia” şirkətinin müasir avadanlıqlarla təchiz etdiyi laboratoriya fəaliyyətə başlayacaq. İlkin mərhələdə universitetin radiotexnika və telekommunikasiya mühəndisliyi ixtisasında təhsil alan 800-ə yaxın tələbəyə və müəllim heyətinə avadanlıqlardan düzgün istifadə qaydalarına dair təlimatlar veriləcək. Bu da elmi-tədqiqatların aparılması, həmçinin “Nokia” şirkəti ilə universitet-sənaye işbirliyi çərçivəsində əməkdaşlığın daha da inkişaf etdirilməsinə səbəb olacaq. Bundan başqa “Nokia” şirkətinin ekspertlərinin iştirakı ilə mütəmadi olaraq universitetdə təlimlər və master-klasslar keçiriləcək.    

İsrailin Texnion Universitetinin Nəqliyyat Tədqiqatları İnstitutunda tədqiqat qrupunun rəhbəri, Ruppin Akademik Mərkəzində mühazirəçi, İsrailin İntellektual Nəqliyyat Tədqiqatları Mərkəzinin komitə rəhbəri Ayelet Gal-Tzur Azərbaycan Texniki Universitetində (AzTU) tələbə və müəllim heyəti ilə görüşüb. Ayelet Gal-Tzur İsrailin İntellektual Nəqliyyat Tədqiqatları Mərkəzi və Ruppin Akademik Mərkəzinin fəaliyyəti haqqında məlumat  verib, nəqliyyat sektorunun tənzimləməsi üzrə həyata keçirilən işlər və elmi-tədqiqatlar barədə geniş təqdimatla çıxış edib.  Daha sonra AzTU-nun Logistika və Nəqliyyat İnstitutunun direktoru Fuad Daşdəmirov təqdimatla çıxış edib. O, institutda görülən işlər və həyata keçirilən layihələr haqqında qonağa məlumat verib. Görüş zamanı AzTU-nun Logistika və Nəqliyyat İnstitutu ilə İsrailin Texnion Universitetinin Nəqliyyat Tədqiqatları İnstitutu, Ruppin Akademik Mərkəzi və İsrailin İntellektual Nəqliyyat Tədqiqatları Mərkəzi arasında yeni əməkdaşlıq istiqamətləri müzakirə olunub.    

Azərbaycan Texniki Universitetinin (AzTU) tərəfdaş olduğu “Erasmus+” proqramının “Azərbaycanda Rektorlar Konfransının yaradılması” (ECAR) layihəsi çərçivəsində Belçikada yerləşən “EFMD Global” qurumuna təşkil olunan səfər davam edir. AzTU-nun rektoru Vilayət Vəliyev, ümumi işlər üzrə prorektor Fariz Mustafayev və Beynəlxalq əlaqələr şöbəsinin müdiri Orxan Vətənxah səfərdə iştirak edir. Səfərin növbəti günü Avropa Komissiyasının Avropa Mədəniyyət, Təhsil və Audiovizual Agentliyində görüş keçirilib. Qonaqları qarşılayan Kommunikasiya sektorunun müdiri Wim Vansteenkiste onlara qurum haqqında ətraflı məlumat verib. Daha sonra layihə məsləhətçisi Lucia Giannini “Ali təhsildə potensialın gücləndirlməsi” mövzusunda çıxış edib. Avropa Komissiyasının siyasət üzrə mütəxəssisi Kinga Bereza-Husak isə “Erasmus+” layihələrinin Azərbaycan üçün əhəmiyyəti, nəzərdə tutulan fəaliyyətlər barədə iştirakçıları məlumatlandırıb.   Görüşün sonunda tədbir iştirakçılarının sualları ətraflı cavablandırılıb.  “Azərbaycanda Rektorlar Konfransının yaradılması” layihəsinin meneceri Gülşən Bayramova Azərbaycan nümayəndə heyəti adından çıxış edərək maraqlı görüş və müzakirələrə görə təşəkkürünü bildirib.   Qeyd edək ki, 12-17 dekabr tarixlərini əhatə edən səfərdə Azərbaycan Respublikasının Elm və Təhsil Nazirliyinin, layihə konsorsiumunun üzvü olan Azərbaycanın 17 ali təhsil müəssisəsindən 50-ə yaxın nümayəndə heyəti - rektorlar, prorektorlar və digər məsul şəxslər, o cümlədən xarici tərəfdaşlar qismində İsveçin Kral Texnologiya Universitinin, İspaniyanın Alicante Universiteti, İspan Rektorlar Konfransının, Avropa Beynəlxalq Təhsil Assosiasiyasının, Avropa İttifaqının Tədqiqatlar və İnnovasiyalar üzrə Baş Müdirliyinin, Alman Akademik Mübadilə Xidmətinin (DAAD) nümayəndələri iştirak edirlər.    

Azərbaycan Texniki Universitetinin (AzTU) və Sumqayıt Dövlət Universitetinin (SDU) təşkilatçılığı ilə energetika sahəsində mühəndis kadrların hаzırlаnmasına həsr olunmuş “Enerji səmərəliliyi və yaşıl enerji texnologiyaları” mövzusunda respublika elmi-texniki konfransı işinə başlayıb.  Konfransın açılış mərasimində AzTU-nun tədris işləri üzrə prorektoru Nurəli Yusifbəyli və elm və innovasiya üzrə prorektoru Sübhan Namazov çıxış edib.  Qeyd olunub ki, müasir dövrdə həm istehsalda, həm də istehlakda enerji səmərəliliyinin artırılması məsələsi xüsusi əhəmiyyət kəsb edir. Enerji səmərəliliyi problemləri istehsalın ekoloji təhlükəsizliyinin artırılması və sosial məsuliyyətin gücləndirilməsi ilə yanaşı, sənaye müəssisələrinin idarə edilməsinin müasir nəzəriyyə və təcrübəsində mərkəzi tədqiqat obyektinə çevrilir. Bu mənada AzTU və SDU-nun təşkil etdiyi konfrans energetika sahəsində mühəndis kadrların hаzırlаnması və enerji sektorunda elmi-texniki tərəqqinin nailiyyətlərinin praktiki tətbiqi üçün mühüm vasitələrdən biridir.  O da vurğulanıb ki, enerji səmərəliliyinin artırılması enerji resurslarından səmərəli istifadəyə, ətraf mühitə mənfi təsirləri azaltmağa, yaşıl texnologiyaların tətbiqinin genişləndirilməsinə və sənaye sahələrinin inkişafının innovativ potensialının artırılmasına imkan verəcək. Bölmə iclasları ilə davam edən konfrans dekabrın 16-da işini yekunlaşdıracaq.

Səhiyyə Nazirliyinin Respublika QİÇS-lə Mübarizə Mərkəzi “Azərbaycanda Avropa İİV-ə Testləşmə həftəsi” çərçivəsində Azərbaycan Texniki Universitetində (AzTU) müayinə və maarifləndirmə tədbiri keçirib. Tədbir insan sağlamlığına ciddi təhlükə olan İnsanın İmmunçatışmazlığı Virusunun (İİV) ölkəmizdə yayılmasının qarşısını almaq, tələbələri sağlam həyat tərzi barədə məlumatlandırmaq məqsədilə təşkil olunub. Görüşdə təcrübəli həkimlər İİV/QİÇS-lə (Qarşılıqlı İmmun Çatışmazlığı Sindromu) bağlı xəstəliyin tarixi, yoluxma yolları, profilaktikası, müayinə və müalicəsi barədə ətraflı məlumat veriblər. İİV testindən keçmənin könüllü olduğu diqqətə çatdırılıb. Həmçinin tələbələrə İİV/QİÇS-ə aid broşurlar, bukletlər təqdim olunub. Sonra tələbələri maraqlandıran suallar cavablandırılıb.  

Azərbaycan Texniki Universitetinin (AzTU) Kitabxana İnformasiya Mərkəzinin direktoru Xəyalə Hacıyeva və kitabxana proseslərinin avtomatlaşdırılması və rəqəmsallaşdırılması üzrə baş məsləhətçisi İltifat İbrahimov Bilkent Universitetində səfərdə olub. Səfər zamanı AzTU nümayəndələri Bilkent Universitetinin kitabxanasının əməkdaşları ilə görüşüb, onların iş təcrübəsi ilə tanış olublar. Bilkent Universitetinin kitabxanasının xidmət şöbəsinin müdiri kitabxananın fəaliyyəti ilə bağlı məlumat verib, daha sonra isə kitabxana ilə tanışlıq olub. Səfər çərçivəsində AzTU əməkdaşları kitabxananın Rəqəmsallaşdırma şöbəsinin işi ilə tanış olublar. Daha sonra rəqəmsallaşdırma mütəxəssisləri AzTU əməkdaşlarının suallarını cavablandırıblar. Həmçinin kitabxananın istifadə etdiyi avtomatlaşdırılmış kitabxana sistemi, rəqəmsal arxiv təcrübəsi, informasiya resurslarının rəqəmsallaşdırma texnologiyası və digər proqram təminatı kimi mövzularda müzakirələr aparılıb. Texniki xidmətlər şöbəsində AzTU nümayəndələrinə kitabxananın ədəbiyyat qəbulu metodları, sorğu formaları, istifadə olunan kataloqlaşdırma standartları, kitabın texniki işlənmə qaydaları, müasir inventarlaşma metodu və təhlükəsizlik etiketlənməsi ilə bağlı məlumat verilib. Elektron xidmətlər şöbəsində kitabxana işinin digər bir istiqaməti olan xarici verilənlər bazalarının iş prinsipləri nümayiş olunub. Burada beynəlxalq verilənlər bazalarının universitet profilinə uyğun dəyərələndirilməsi, danışıqların həyata keçirilməsi, sınaq bazalarının əldə olunması haqqında fikirlər dinlənilib.

Azərbaycan Texniki Universitetinin (AzTU) tərəfdaş olduğu “Erasmus+” proqramının “Azərbaycanda Rektorlar Konfransının yaradılması” (ECAR) layihəsi çərçivəsində növbəti səfər Belçikada yerləşən “EFMD Global” qurumuna təşkil olunub. 12-17 dekabr tarixlərini əhatə edən səfərin məqsədi ali təhsilin beynəlmiləlləşdirilməsində potensialın gücləndirilməsidir. Səfərdə AzTU-nu rektor Vilayət Vəliyev, ümumi işlər üzrə prorektor Fariz Mustafayev və Beynəlxalq əlaqələr şöbəsinin müdiri Orxan Vətənxah təmsil edir. Layihə çərçivəsində “EFMD Global” və digər Avropa partnyorları tərəfindən keyfiyyətin təminatı, tədqiqatın və tədrisin beynəlmiləlləşməsi, beynəlmiləlləşmə strategiyalarının inkişaf etdirilməsi, beynəlxalq layihələr kimi mühüm mövzularda seminarlar və təqdimatlar keçiriləcək. Həmçinin tədbir iştirakçılarının Avropa Komissiyasının Avropa Mədəniyyət, Təhsil və Audiovizual Agentliyi ilə “Erasmus+” layihələri üzrə işgüzar görüşünün keçirilməsi də nəzərdə tutulub. Qeyd edək ki, səfərdə Azərbaycan Respublikasının Elm və Təhsil Nazirliyinin, layihə konsorsiumunun üzvü olan Azərbaycanın 17 ali təhsil müəssisəsindən 50-ə yaxın nümayəndə heyəti - rektorlar, prorektorlar və digər məsul şəxslər, o cümlədən xarici tərəfdaşlar qismində İsveçin Kral Texnologiya Universitinin, İspaniyanın Alicante Universiteti, İspan Rektorlar Konfransının, Avropa Beynəlxalq Təhsil Assosiasiyasının, Avropa İttifaqının Tədqiqatlar və İnnovasiyalar üzrə Baş Müdirliyinin, Alman Akademik Mübadilə Xidmətinin (DAAD) nümayəndələri iştirak edirlər.    

“Karmasis Azərbaycan” şirkəti Azərbaycan Texniki Universitetinin (AzTU) tələbələri (bakalavriat və magistratura) üçün “Karmasis-in kibertəhlükəsizlik həlləri” mövzusunda məlumatlandırma sessiyası keçirib. Tədbirdə “Karmasis Azərbaycan”ın baş meneceri Berna Baysal və “Karmasis Türkiyə”nin biznes inkişaf meneceri Burak Baysal geniş təqdimatla çıxış ediblər. Berna Baysal şirkətin yaranma ideyası, fəaliyyət istiqamətləri, təklif etdiyi kibertəhlükəsizlik həlləri və biznes müştəriləri haqqında geniş məlumat verib. Burak Baysal isə Karmasis məhsulları “Infraskope SIEM++”, “Screen recorder” və “Dataskope DAM/P” haqqında ətraflı məlumat verib, bu məhsulların təyinatı, iş prinsipləri, arxitekturası, istifadəsi, rəqiblərlə müqayisədə təklif etdiyi orijinal yanaşmaların mahiyyəti barədə geniş təqdimatla çıxış edib. Daha sonra sözügedən məhsullar tələbələrə nümayiş etdirilib. Sonda tələbələri maraqlandıran suallar cavablandırılıb. Qeyd edək ki, Karmasis məhsulları əsasında AzTU tələbələri üçün peşəkar inkişaf proqramı hazırlanıb. Proqramın həyata keçirilməsi üçün zəruri infrastrukturun yaradılması və təlimçilərin hazırlanması barədə qarşılıqlı razılıq əsasında işlər aparılır.    

Müasir müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın ümummilli lideri Heydər Əliyevin vəfatından 19 il keçir.  Azərbaycan Texniki Universitetinin (AzTU) rəhbərliyi, professor-müəllim heyəti və tələbələri Fəxri xiyabanda ulu öndər Heydər Əliyevin məzarını ziyarət edib, xatirəsinə ehtiramlarını bildiriblər. Görkəmli oftalmoloq-alim, akademik Zərifə Əliyevanın da xatirəsi anılıb.