“Bilim Bakı” Mərkəzinin direktoru, “TEKNOFEST”in Azərbaycandakı rəsmi nümayəndəsi Ahmet Köse Azərbaycan Texniki Universitetinin (AzTU) rektoru Vilayət Vəliyevlə görüşüb. Görüşdə Türkiyə-Azərbaycan Universitetinin (TAU) prorektoru Mehmet Şimşir, həmçinin AzTU nümayəndələri iştirak edib. Söhbət zamanı AzTU və TAU ilə əməkdaşlığın genişləndirilməsi istiqamətində fikir mübadiləsi aparılıb. Sonra “Bilim Bakı” Mərkəzinin direktoru, “TEKNOFEST”in Azərbaycandakı rəsmi nümayəndəsi Ahmet Kösenin AzTU və TAU tələbələri üçün infosessiyası keçirilib. Əvvəlcə AzTU-nun elm və innovasiyalar üzrə prorektoru Sübhan Namazov açılış nitqi ilə çıxış edib. Bildirib ki, tələbələr hər il “TEKNOFEST”ə böyük həvəslə hazırlaşırlar. Yarışmanın əhəmiyyətindən danışan prorektor onun tələbələr üçün yeni imkanlar açdığını da qeyd edib. Daha sonra Ahmet Köse “TEKNOFEST-2025”lə bağlı geniş təqdimatla çıxış edib. Sonda tələbələrin sualları cavablandırılıb. 

Azərbaycan Gənc Müəllimlər Assosiasiyasının (AGMA) təşkilatçılığı ilə keçirilən “Gənc Müəllimlərin IV Şəbəkələşmə Forumu”nda 600-dən çox müəllimin iştirakı ilə faydalı müzakirələr aparılıb. Forumun “Süni intellekt və etika: Təhsildə dürüstlük və məxfilik məsələləri” adlı I plenar iclasında Azərbaycan Texniki Universitetinin (AzTU) Təhsildə İnformasiya Tenologiyaları və Metodik Dəstək İnstitutunun direktoru Etibar Seyidzadə çıxış edib. O, süni intellekt və akademik dürüstlük, məlumat məxfiliyi və təhsildə süni intellektin tətbiqi, süni intellekt və təhsil sistemində ədalətlilik mövzularında çıxış edərək süni intellektin təhsildə tətbiqində faydalı və zərərli tərəflərini şərh edib.

Azərbaycan Həmkarlar İttifaqları Konfederasiyasının (AHİK) üzv təşkilatı olan Azərbaycan Təhsil İşçiləri Azad Həmkarlar İttifaqı Respublika Komitəsi (ATİAHİRK) tərəfindən təhsildə və tələbə həmkarlar ittifaqı hərəkatında fəal iştirak edən 100 tələbəyə adlı təqaüd təqdim edilib. Onlar arasında Azərbaycan Texniki Universitetinin (AzTU) 7 tələbəsi (Vüsal Bayramov – İnformasiya texnologiyaları və telekommunikasiya fakültəsi IV kurs, 641a2 qrup tələbəsi, Fidan Hümbətzadə – İqtisadiyyat və idarəetmə fakültəsi IV kurs, 951a1 qrup tələbəsi, Arif Əliyev– Metallurgiya və kimya texnologiya fakültəsi IV kurs, 411a1 qrup tələbəsi, Fatimə Bədəlzadə – Maşınqayırma və robototexnika fakültəsi III kurs, 502a qrup tələbəsi, Aqil Baxşıyev – SABAH qrupları fakültəsi IV kurs, 681s1 qrup tələbəsi, Orxan Həsənov – Nəqliyyat və logistika fakültəsi IV kurs, 161a1 qrup tələbəsi, Əhədov İbrahim – Xüsusi texnika və texnologiya fakültəsi III kurs, 742a qrup tələbəsi) var. Qeyd edək ki, ATİAHİRK-nın “Adlı təqaüd” layihəsi 1995-ci ildən həyata keçirilir, ölkənin müxtəlif ali məktəblərində əla və yaxşı qiymətlərlə təhsil alan, eyni zamanda tələbə həmkarlar ittifaqı hərəkatında fəal iştirak edən tələbələrin təhsildəki inkişafına dəstək məqsədi daşıyır. 

Azərbaycan Respublikası Elm və Təhsil Nazirliyi və Azərbaycan Respublikasının Təhsil İnstitutunun (ARTİ) təşkilatçılğı ilə Azərbaycan Texniki Universitetində (AzTU)  Respublika Fənn Olimpiadalarının  informatika fənni üzrə yarımfinal turu keçirilib. 2 gün davam edən müsabiqədə 8, 9, 10 və 11-ci sinif şagirdləri (ümumilikdə 200 iştirakçı) iştirak edib. İştirakçılara 3 saat ərzində 4 alqoritmik məsələni C++, “Python” proqramlaşdırma dillərində həll etmək tapşırığı verilib. Qiymətləndirmə avtomatik qiymətləndirmə sistemi ilə aparılıb.

A delegation led by the Rector of the Tashkent International University of Finance and Technology, Azizkhon Nodirov, visited Azerbaijan as part of their trip and was hosted by Azerbaijan Technical University (AzTU). The guests met with AzTU's Rector Vilayet Valiyev and university representatives. During the meeting, discussions were held on establishing cooperation between the universities in relevant fields. Specifically, the preparation of joint programs in economics and management and the implementation of research were discussed. At the end of the meeting, a Memorandum of Understanding was signed between AzTU and the Tashkent International University of Finance and Technology.

Türkiyənin Kırşehir Ahi Evran Universitetinin rektoru Mustafa Kasım Karahocagilin rəhbərlik etdiyi nümayəndə heyəti Azərbaycan Texniki Universitetinin (AzTU) qonağı olub. Qonaqlar AzTU-nun rektoru Vilayət Vəliyev və universitetin nümayəndələri ilə görüşərək müzakirələr aparıb. Görüş zamanı tədrisdə keyfiyyətin yüksəldilməsi və müxtəlif sahələrdə birgə tədqiqatların yerinə yetirilməsi ilə bağlı müzakirələr aparılıb. Müzakirələrdən sonra universitetlər arasında Anlaşma Memorandumu imzalanıb.

Antiinhisar və İstehlak Bazarına Nəzarət Dövlət Xidmətinin tabeliyində olan Azərbaycan Metrologiya İnstitutunun (AzMİ) baş direktoru Xamis Seyranovun rəhbərlik etdiyi nümayəndə heyəti Azərbaycan Texniki Universitetində (AzTU) olub. Qonaqlar AzTU-nun rektoru Vilayət Vəliyev və universitetin nümayəndələri ilə görüşüb, müvafiq istiqamətlərdə müzakirələr aparıblar. Söhbət zamanı universitetlə institut arasında müvafiq sahələrdə əməkdaşlığın qurulması istiqamətində fikir mübadiləsi aparılıb. AzTU tələbələrinin AzMİ-nin laboratoriyalarından istifadə etməklə elmi-tədqiqat işləri aparması, magistr səviyyəsində ikili rəhbərlik, eləcə də metrologiya sahəsində yeni layihələrin hazırlanması və əməkdaşlığın genişləndirilməsi məsələləri müzakirə edilib. Bundan əlavə, müvafiq ixtisaslar üzrə tələbələrin AzMİ-də istehsalat təcrübəsi keçmələri və praktiki biliklərini artırmaları ilə bağlı məsələlər ətrafında da fikir mübadiləsi aparılıb.

Fevralın 14-də Elm və Təhsil Nazirliyinin Yüksək Texnologiyalar Parkı (YTP) və Azərbaycanın aparıcı ali təhsil müəssisələri arasında strateji əməkdaşlığa dair Anlaşma Sazişi imzalanıb. Sazişə əsasən, Bakı Dövlət Universiteti, Azərbaycan Texniki Universiteti (AzTU) və Azərbaycan Dövlət Neft və Sənaye Universitetinin İT, mühəndislik və elm istiqamətlərində seçilmiş SABAH qrupları proqramlarının tədrisinin 2026-cı ildən etibarən YTP ərazisində yeni qurulacaq “SABAH.city” şəhərciyində keçirilməsi nəzərdə tutulur. Tədbirin açılış nitqi ilə çıxış edən Elm və Ali Təhsil üzrə Dövlət Agentliyinin direktoru Ülkər Səttarova “Ali təhsildə yeni məzmunlu təhsil proqramlarının əhatə dairəsinin genişləndirilməsi və maliyyələşdirilməsi barədə” ölkə başçısının Sərəncamına əsasən SABAH proqramının əhatə dairəsinin mərhələlərlə genişləndirilməsi barədə aparılan işlər barədə ətraflı məlumat verib və YTP ilə bu istiqamətdə “SABAH.city” innovasiya şəhərciyi çərçivəsində baş tutacaq əməkdaşlığın biznes mühiti ilə elm və ali təhsil arasındakı əlaqələrə yeni yanaşma gətirəcəyini qeyd edib. Daha sonra Bakı Dövlət Universitetinin rektoru Elçin Babayev, Azərbaycan Texniki Universitetinin rektoru Vilayət Vəliyev və Azərbaycan Dövlət Neft və Sənaye Universitetinin rektoru Rüfət Əzizov rəhbərlik etdikləri universitetlərdə SABAH proqramları çərçivəsində görülən işlər haqqında çıxış edərək ali təhsilin keyfiyyətini yüksəltmək üçün yeni yanaşmaların tətbiqinin zəruriliyini qeyd ediblər. Yüksək Texnologiyalar Parkının baş direktoru Nihat Məcidov “SABAH.city” innovasiya şəhərciyi və ali təhsil müəssisələri arasında əməkdaşlıq barədə təqdimat edərək bildirib ki, bu layihə çərçivəsində müasir standartlara cavab verən infrastruktur, yenilənmiş kurikulum, innovativ tələbə qiymətləndirmə sistemi və yüksək ixtisaslı professor-müəllim heyəti ilə təhsilin keyfiyyəti daha da yüksəldiləcək. Qeyd edək ki, bakalavr və magistr tələbələrini əhatə edən bu təşəbbüs tədqiqat və innovasiya yönümlü akademik mühitin inkişafı, iştirakçı universitetlərdə qabaqcıl akademik ekosistemin yaradılması və tələbələri daim yenilənən əmək bazarına hazırlamaq üçün innovativ təhsil modellərinin tətbiqini hədəfləyir.

Azərbaycan Texniki Universitetinin (AzTU) Rəqəmsal Transformasiya Şurasının işçi qrupunun iclası keçirilib. İclasda universitetin “Rəqəmsal Transformasiya Strategiyası”nın hazırlanması müzakirə olunub. Bundan başqa, yerli və xarici universitetlərin rəqəmsal transformasiya təcrübələri, əmək bazarının tələblərinə uyğun kadr hazırlığında yeni yanaşmalar, təhsil və tədrisin keyfiyyətini beynəlxalq səviyyəyə uyğunlaşdrmaq və s. mövzularda fikir mübadiləsi aparılıb.

Azərbaycan Texniki Universitetinin (AzTU) tərəfdaşı olduğu “Erasmus+ KA2” proqramı çərçivəsində icra edilən “Şərqi, Mərkəzi Asiya və Asiyada qonşuluqda təhsil və innovasiya vasitəsilə ikili yaşıl və rəqəmsal keçidlərin təşviq edilməsi” (GreenTech Horizons) layihəsinin növbəti onlayn görüşü keçirilib. Görüş zamanı layihə tapşırıqlarının icrası vəziyyəti barədə ətraflı məlumatlar verilib, əldə olunan nəticələr barədə hesabat dinlənilib və fikir mübadiləsi aparılıb. Eyni zamanda, layihənin icrasında izlənilən çətinliklər və növbəti aylarında planlaşdırılan tədbirlər barədə məlumatlar verilib.  Görüşdə layihənin meneceri AzTU-nun Elektrotexnika kafedrasının müdiri Hikmət Əliyev və Beynəlxalq layihələrin idarə olunması sektorunun əməkdaşları iştirak edib.