Azərbaycan Texniki Universitetində (AzTU)  xalq şairi Hüseyn Arifin 100 illik yubileyinə həsr olunan tədbir keçirilib. AzTU-nun Humanitar fənlər kafedrası və Tələbə Həmkarlar İttifaqı Komitəsinin (THİK) birgə təşkilatçılığı ilə keçirilən tədbirdə əvvəlcə Azərbaycanın əməkdar artisti, mərhum müğənni Nəzakət Məmmədovanın Hüseyn Arifin misralarına köklənmiş ifası səsləndirilib. AzTU-nun Humanitar fənlər kafedrasının müdiri Həbib Mİrzəyev Hüseyn Arif  yaradıcılığının ölkə ictimaiyyətinə daha dolğun çatdırılması məqsədilə keçirilən tədbirlərin əhəmiyyətini xüsusi vurğulayıb. O, Hüseyn Arif yaradıcılığının Azərbaycan ədəbiyyatına dəyərli töhfə olduğunu bildirib. Hüseyn Arifin ailəsi adından çıxış edən şairin nəvəsi Tural Rəhmanzadə babasının 100 illik yubiley tədbirinin keçirilməsi, onun yaradıcılığının yüksək səviyyədə dəyərləndirilməsinə görə AzTU rəhbərliyinə təşəkkür edib. Tədbirin bədii hissəsində Azərbaycanın xalq artisi, pedaqoq  Gülyaz Məmmədova şairin şeirlərinə bəstələnmiş mahnılarla tədbir iştirakçılarına xoş ovqat  bəxş edib. Daha sonra AzTU  məzunu, "TRT Müzik" kanalında yayımlanan "Ben şarkı söylersem" musiqi yarışmasının qalibi Fərhad Rəhimli, Milli Konservatoriyanın tələbəsi Tahir Alxanov, AzTU-nun tələbələri Əlican Əliyev, Batuan Eroğlu, İsmail Eren Doğandemir, İbrahim Ulucan şairin sözlərinə bəstələnmiş musiqi nömrələri ilə çıxış ediblər.  Tədbirdə AzTU tələbələrinin Hüseyn Arifin poeziya nümunələri əsasında hazırladıqları kompozisiyalar, o cümlədən şairin həyat və yaradıcılığına həsr olunmuş videoçarx nümayiş olunub.

Azərbaycan Texniki Universitetində (AZTU) “Rusiya Federasiyası, Qazaxıstan və Azərbaycanda səhiyyədə strateji keyfiyyət menecmenti və risklərin idarə olunması üzrə açıq və distant təhsil formatında peşə bakalavrı və magistr hazırlığı” (LMQS) layihəsi çərçivəsində təlimlər  keçirilib. “Erasmus+KA2” proqramı üzrə həyata keçirilən təlimlər AzTU və Naxçıvan Dövlət Universitetinin (NDU) akademik heyəti üçün təşkil olunub. Təlimlərdə AzTU-nun  İqtisadiyyat və idarəetmə fakültəsinin müəllimləri iştirak edib. Təlimçilər rəqəmsal səhiyyə, səhiyyə xidmətləri sistemi və səhiyyə iqtisadiyyatı fənləri ilə bağlı akademik heyət üçün təqdimatlar edib. Bununla yanaşı, “Səhiyyə xidmətlərində keyfiyyət və risklərin idarə olunması” mövzusunda seminar keçirilib, Azərbaycan və Avropada səhiyyə xidmətlərinin təşkilinə dair fikir mübadiləsi aparılıb. Təlimlər Yunanıstanın Qərbi Attika Universitetinin əməkdaşları professor Panos Yannakopoulos, dosent Georgios Vassilopoulos, dosent Konstantinos Vasalos və Aggeliki Liarigkovinou tərəfindən aparılıb.

Dekabrın 10-11-də Bakıda Daxili İşlər Nazirliyinin (DİN) təşkilatçılığı və Ümumdünya Səhiyyə Təşkilatının təşəbbüsü ilə Avropa Yol Polisi Təşkilatlarının Regional Şəbəkəsinin “Yol hərəkəti təhlükəsizliyinə dair yol polisinin fəaliyyəti üzrə" 2-ci yüksək səviyyəli iclası “ keçirilib. Tədbirdə Azərbaycan Texniki Universitetinin (AzTU) Nəqliyyat logistikası və hərəkətin təhlükəsizliyi kafedrasının müdiri dosent Razim Bayramov “Yol hərəkəti təhlükəsizliyinin beynəlxalq təcrübələr əsasında yüksəldilməsi yolları ” mövzusunda məruzə edib. Dünyanın 24 ölkəsindən 43 nümayəndənin, eləcə də çoxsaylı qeyri-hökumət təşkilatlarının və ekspertlərin iştirak etdiyi beynəlxalq əhəmiyyətli tədbir yol hərəkəti təhlükəsizliyinin təmin edilməsi sahəsində birgə fəaliyyət imkanlarının genişləndirilməsi, polis orqanları arasında regional əməkdaşlıq və qarşılıqlı təcrübə mübadiləsinin aparılmasına həsr olunub.8 sessiyadan, eləcə də 2 yüksək səviyyəli paneldən, 9 təqdimat və 4 açıq müzakirədən ibarət proqram əsasında iki gün davam edən iclasda yol hərəkəti təhlükəsizliyinin təmin edilməsi sahəsində birgə fəaliyyət imkanlarının genişləndirilməsi, regional əməkdaşlıq və qarşılıqlı təcrübə məsələlərinə toxunulub.Sessiyalar və panel müzakirələrdə yol hərəkəti təhlükəsizliyinin təmin edilməsi sahəsində mövcud problemlər və onların həlli yolları, yol-nəqliyyat hadisələrinin, xüsusilə ağırlıq dərəcəsi yüksək olan yol qəzalarının sayının, habelə iqtisadiyyata və ətraf mühitə vurduğu zərərin minimuma endirilməsi üçün innovativ həllərin tətbiqi və bu sahədə ictimai iştirakçılığın təmin edilməsi, yol hərəkəti təhlükəsizliyinin effektiv idarə olunmasında informasiya texnologiyalarının tətbiqi üzrə texniki səviyyədə bilik və təcrübə mübadiləsi müzakirə olunub.

Recently, taking into account the large number of Turkish citizens among Azerbaijani and foreign students at Azerbaijan Technical University (AzTU), the Turkish Engineering and Management School was established at the university at the master's level under the Higher Education Institute. The school's goal is to provide quality education in Turkish based on advanced educational programs and to train industry professionals, guided by the values ​​and traditions of Turkish-Azerbaijani brotherhood. AzTU's roadmap for implementing the COP29 recommendations was also presented.

Elm və Ali Təhsil üzrə Dövlət Agentliyi tərəfindən "Elm və ali təhsilin beynəlmiləlləşməsi" mövzusunda tədbir təşkil edilib. Tədbirdə Elm və Təhsil Nazirliyinin, ali təhsil müəssisələrinin və digər yerli və xarici qurumların nümayəndələri iştirak edib. Müzakirələr "Elmi universitetə necə gətirməli?" və "Ali təhsilin beynəlmiləlləşməsi" mövzularını əhatə edən panel sessiyalarla davam etdirilib. Tədbirdə Azərbaycan Texniki Universiteti (AzTU) beynəlxalq tələbələrlə iş sahəsində xüsusi nailiyyətlərinə görə təltif olunub.

Azərbaycan Texniki Universitetinin (AzTU) tərəfdaş olduğu “Erasmus+KA2” proqramının “Rusiya Federasiyası, Qazaxıstan və Azərbaycanda səhiyyədə strateji keyfiyyət menecmenti və risklərin idarə olunması üzrə açıq və distant təhsil formatında peşə bakalavrı və magistr hazırlığı” (LMQS) layihəsi çərçivəsində təlim təşkil edilib. Şərq-Qərb Tibb Mərkəzində “Səhiyyədə sahibkarlıq” mövzusunda təşkil edilən təlim AzTU-nun İqtisadiyyat və statistika kafedrasının baş müəllimi Mürşüd Mehdiyev tərəfindən keçirilib.  Təlim zamanı səhiyyədə yeni biznes strategiyalarının qlobal trendləri, süni intellektin səhiyyədə tətbiqi, səhiyyə sahəsində uğurlu texnoloji layihələr, səhiyyə idarəetməsində sahibkarlığın rolu, innovasiya yolu ilə səhiyyədə keyfiyyətin yüksəldilməsi mövzularında ətraflı məlumat verilib.

Azərbaycan Texniki Universiteti (AzTU) və Yeni Azərbaycan Partiyası (YAP) Yasamal rayon təşkilatının birgə təşkilatçılığı ilə Ulu Öndər Heydər Əliyevin anım gününə həsr olunan tədbir keçirilib.  AzTU-nun Heydər Əliyev Mərkəzində təşkil olunan tədbirində Ulu Öndərin xatirəsi bir dəqiqəlik sükutla yad edilib. Azərbaycanın Dövlət Himni səsləndirilib. Tədbirdə çıxış edən AzTU-nun rektoru Vilayət Vəliyev, YAP Yasamal rayon təşkilatının sədri Bəxtiyar Nəbiyev, millət vəkili Göydəniz Qəhrəmanov, Türkiyə-Azərbaycan Universitetinin (TAU) prorektoru Mehmet Şimşir, AzTU-nun Humanitar fənlər kafedrasının müdiri Həbib Mirzəyev Ulu Öndər Heydər Əliyevin Azərbaycan xalqı qarşısında xidmətlərindən, uzaqgörən siyasətindən, böyük xilaskarlıq missiyasından danışıblar. Qeyd olunub ki, ötən əsrin 90-cı illərinin əvvəllərində xalqın təkidli tələbi ilə yenidən hakimiyyətə qayıdan Ümummilli Lider ölkədə genişmiqyaslı islahatlara başladı. Ulu Öndər Heydər Əliyevin Azərbaycana bəxş etdiklərini tarix boyunca ondan əvvəl heç kim bacarmayıb. Onun ən böyük arzusu Azərbaycanı bütöv görmək idi. Ulu Öndərin bu arzusu onun layiqli davamçısı, Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyevin qətiyyəti və siyasi iradəsi nəticəsində reallığa çevrildi. Azərbaycan var olduqca Ulu Öndər Heydər Əliyev ideyalarının yaşayacağı çıxışlarda xüsusi vurğulanıb.

Müasir müstəqil Azərbaycan dövlətinin memarı və qurucusu, dünyaşöhrətli siyasi xadim, xalqımızın Ümummilli Lideri Heydər Əliyevin vəfatından 21 il ötür. Azərbaycan Texniki Universitetinin (AzTU) və Türkiyə-Azərbaycan Universitetinin (TAU) rəhbərliyi, professor-müəllim heyəti və tələbələri xalqımızın Ümummilli Lideri Heydər Əliyevin məzarını ziyarət ediblər, xatirəsinə ehtiramlarını bildiriblər. Görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə gül dəstələri düzülüb.

Ulu öndər Heydər Əliyevin anım günü  ilə əlaqədar Azərbaycan Texniki Universiteti (AzTU), Azərbaycan Dövlət Neft və Sənaye Universiteti (ADNSU), Azərbaycan Universiteti, Dövlət Gömrük Komitəsinin Akademiyası və Azərbaycan Əmək və Sosial Münasibətlər Akademiyasının Tələbə gənclər təşkilatlarının (TGT) birgə təşəbbüsü ilə “Əbədi lider – Heydər Əliyev” həftəsinin açılış mərasimi keçirilib. AzTU-nun Heydər Əliyev Mərkəzində təşkil olunan tədbirdə Humanitar fənlər kafedrasının müdiri, filologiya üzrə fəlsəfə doktoru, dosent Həbib Mirzəyev, AzTU TGT sədri Ruslan Qənbərov, Dövlət Gömrük Komitəsinin Akademiyasının TGT sədri Osman Müşəyev, Azərbaycan Universiteti TGT sədri Rəsul Dadaşov, ADNSU TGT sədri Cavanşir Abdullayev və Azərbaycan Əmək və Sosial Münasibətlər Akademiyasının TGT sədri Ömər Sərxanlı çıxış ediblər.  Çıxışlarda ulu öndər Heydər Əliyevin azərbaycançılıq idealogiyası, gənclərə diqqət və qayğısı, həmçinin dahi şəxsiyyətin siyasi xəttinin gələcək nəsillərə örnək olduğu xüsusi vurğulanıb.

Azərbaycan Texniki Universitetinin (AzTU) Kommunikasiya şöbəsinin və 19 saylı Mediasiya Təşkilatının birgə təşkilatçılığı ilə tələbələr üçün “Kommunikasiya və mediasiya” mövzusunda təlim keçirilib. Tədbirdə çıxış edən AzTU-nun Kommunikasiya şöbəsinin müdiri Səfa Bağırov bildirib ki, ölkəmizdə mediasiya prosesinin tətbiqinə 2021-ci ildən başlanılmasına baxmayaraq, qısa müddət ərzində sözügedən istiqamətdə mühüm işlər həyata keçirilib. O, Mediasiya Şurasının yaradılmasını Azərbaycanda həyata keçirilən hüquqi islahatların uğurlu nəticələrindən biri kimi qiymətləndirib və tələbələr üçün təşkil olunan bu kimi tədbirlərin mediasiya institutunun təbliğində vacib rol oynadığını vurğulayıb. 19 saylı Mediasiya Şurasının rəhbəri Mehri Rzayeva təlim zamanı mediasiya prosesinin məqsəd və prinsiplərindən, onun tətbiq edildiyi sahələrdən, keyfiyyətli mediasiyanın mükəmməl kommunikasiyanın inkişafındakı rolundan və Mediasiya Şurasının funksiyalarından bəhs edib. Təlimçi çıxışı çərçivəsində kimlərin mediator ola biləcəyinə də aydınlıq gətirib. Sonda tələbələri maraqlandıran suallar cavablandırılıb.