Azərbaycan Texniki Universitetinin (AzTU) Elmi şurasının növbəti iclası keçirilib. Rektor Vilayət Vəliyev 8 Noyabr – Zəfər Günü münasibətilə şura üzvlərini təbrik edib. Bildirib ki, Müzəffər Ali Baş Komandan, Prezident İlham Əliyevin uzaqgörən siyasəti nəticəsində bu gün Azərbaycan ərazi bütövlüyünü və suverenliyini tam bərpa edib. Bu qürurlu, şərəfli tarixləri bizə yaşadan şəhidlərimiz, qazilərimiz və hərbçilərimizin xidmətlərini heç zaman unutmayacağıq. Rektor onu da qeyd edib ki, qalib ölkənin qabaqcıl ali təhsil müəssisələrindən biri olan AzTU-nun professor-müəllim heyəti Prezident İlham Əliyevin elm və təhsillə bağlı qarşıya qoyduğu vəzifələri bundan sonra da layiqincə yerinə yetirəcək. İclasda AzTU-nun prioritet tədqiqat istiqamətləri müzakirə olunaraq qəbul edilib. Bundan başqa, universitetin Elmi-metodiki şurasının əsasnaməsində dəyişikliklər edilib.

A literary and artistic event dedicated to the 3rd year of the 44-day Patriotic War was held with the support of the Youth Fund of the Republic of Azerbaijan, the organization of the Public Union "Support to the Education of Youth", and the partnership of the Azerbaijan Technical University (AzTU). Gadir Khalilov, the executive director of the Youth Fund, and Jeyhun Mammadov, deputy of the parliament, spoke at the event. It was reported that under the leadership of the Commander-in-Chief, President Ilham Aliyev, the Azerbaijani Army liberated our lands occupied by the enemy for 30 years. The glorious Victory won in the 44-day war proved to the whole world that Azerbaijan is a winner on both the political and military levels. The event continued with musical numbers.

Noyabrın 8-də Azərbaycan Ordusunun 44 günlük Vətən müharibəsində qazandığı şanlı Qələbədən 3 il ötür. Bu münasibətlə Azərbaycan Texniki Universitetində (AzTU) tədbir keçirilib. Tədbirdə AzTU-nun rektoru Vilayət Vəliyev, şəhid ailələrinin üzvləri, qazilər, Yasamal Rayon İcra Hakimiyyətinin, YAP Yasamal rayon təşkilatının və universitetinin nümayəndələri iştirak edib. Əvvəlcə torpaqlarımızın ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad olunub. Azərbaycanın Dövlət Himni səsləndirilib.   Vətən müharibəsinin davam etdiyi 44 gün ərzində ordumuzun düşməni məhv etdiyi görüntülərdən hazırlanan videoçarx da tədbir iştirakçılarına təqdim olunub. Azərbaycanın tarixinə qızıl hərflərlə yazılmış Zəfər Günü münasibətilə təbriklərini çatdıran AzTU-nun rektoru Vilayət Vəliyev Müzəffər Ali Baş Komandan, Prezident İlham Əliyevin rəhbərliyi ilə başladılan 44 günlük Vətən  müharibəsində ordumuzun savaş strategiyasından danışıb. Bildirib ki, Azərbaycan Ordusunun 44 günlük müharibədə müasir texnologiyalardan istifadə edərək düşməni məğlub etməsi dünya hərb tarixində bir ilk idi. Rektor onu da qeyd edib ki, 2023-cü il sentyabrın 19-da Azərbaycan Ordusunun Qarabağ bölgəsində başladığı və 23 saat 43 dəqiqə davam edən lokal xarakterli antiterror tədbirləri nəticəsində ölkəmizin suverenliyi tam bərpa olundu. Bu gün Azərbaycanın Dövlət Bayrağı ölkəmizin hər bir yerində dalğalanır. Bu şərəfli tarixləri bizə yaşadan şəhidlərimiz və qazilərimizi hər an qürurla xatırlayırıq. 44 günlük müharibədə AzTU-nun tələbə və məzunları arasından 35 nəfər, lokal xarakterli antiterror əməliyyatlarında isə 2 nəfər şəhidlik zirvəsinə ucaldı. Tələbə və məzun şəhidlərimizin adlarının əbədiləşdirilməsi istiqamətində universitetdə müxtəlif tədbirlər həyata keçirilir. Onların adları təhsil aldıqları auditoriyalara verilib. Şəhidlərin əziz xatirəsi hər zaman universitetdə yad olunur və bu belə də davam edəcək. Sonra AzTU məzunları, 44 günlük Vətən müharibəsində şəhidlik zirvəsinə ucalan Rauf Əliyevin valideyni Səxavət Əliyev və Elçin Həsənlinin valideyni Xatirə Həsənli çıxış ediblər. Qeyd olunub ki, ərazi bütövlüyümüzün və suverenliyimizin bərpasında şəhid və qazilərin xidmətləri əvəzolunmazdır. Azərbaycan xalqı var olduqca, bayrağımız yüksəklərdə dalğalandıqca şəhidlərimizin xatirəsi də əbədi yaşayacaq. AzTU TV studiyasının hazırladığı fləşmobun videoçarxının təqdimatından sonra, Sosial İnkişaf Mərkəzinin əməkdaşı Naqiyə Rzayevanın rəhbərliyi ilə tələbələr Fatmasura Ramazanova, Züleyxa Şirinli, Həmidə Hüseynova, Əminə Əliyeva, Əli Abbasov və Vüsal Vəliyevin hazırladığı, detalların birləşdirilməsindən yaranan “Azərbaycan xəritəsi” rəsm kompozisiyası nümayiş olunub. Tədbir tələbələrin ifasında şeir və musiqi nömrələri ilə davam edib.

Azərbaycan Texniki Universitetinin (AzTU) İdman sarayında ulu öndər Heydər Əliyevin anadan olmasının 100 illiyinə və 8 Noyabr - Zəfər Gününə həsr olunmuş tələbə, müəllim və əməkdaşlar arasında keçirilən turnirə yekun vurulub. Əvvəlcə torpaqlarımızın ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad olunub. Azərbaycanın Dövlət Himni səsləndirilib.   Turnirin bağlanış mərasimində çıxış edən AzTU-nun rektoru Vilayət Vəliyev komandaları təbrik edib. Universitetdə idmanın, bədən tərbiyəsinin inkişafının hər zaman diqqətdə saxlanıldığını deyən rektor bununla bağlı müxtəlif yarışların, spartakiadaların keçirilməsinin təqdirəlayiq addım olduğunu deyib. İştirakçılara gələcək yarışlarda uğurlar arzulayan rektor idmanın insan sağlamlığında mühüm əhəmiyyətindən də danışıb.   Daha sonra təltifetmə mərasimi olub. Tələbələr arasında keçirilən yarışlarda İnformasiya və telekommunikasiya texnologiyaları fakültəsinin komandası ümumi komanda hesabında qalib olub. Müəllim və əməkdaşlar arasında keçirilən yarışlarda isə ümumi komanda hesabında Maliyyə və təminat departamentinin komandası birinci yerə layiq görülüb. Sonda qalib komandalara diplom, medal və kubok təqdim olunub. Qeyd edək ki, 18 gün davam edən turnirdə tələbələr arasında 7 (basketbol, voleybol, dama, şahmat, stolüstü tennis, sərbəst güləş, futzal), müəllim və əməkdaşlar arasında isə 5 idman növü (voleybol, dama, şahmat, stolüstü tennis, futzal) üzrə yarışlar keçirilib.

As part of the “Erasmus+KA2” program, the international expert Jean Noel Pachoud visited the Azerbaijan Technical University (AzTU). The visit was made within the framework of the project titled “Strategic Quality Management and Risk Management in Healthcare: Bachelor’s and Master’s Education in Open and Distance Learning Formats in the Russian Federation, Kazakhstan, and Azerbaijan” (LMQS). The guest met with AzTU’s rector, Vilayat Valiyev, and provided an overview of the project’s implementation timeline and the work done so far. He also discussed the relevance of the new Master’s program on “Quality and Risk Management in Healthcare” both in Europe and in the beneficiary countries of the project. Jean Noel Pachoud also met with the project team, toured the work done at AzTU within the project framework, and discussed the upcoming tasks. During the visit, the guest was introduced to the newly established Mastery and Training Center as part of the project.

Azərbaycan Texniki Universitetinin (AzTU) Maşınqayırma və robototexnika fakültəsinin qida mühəndisliyi ixtisasında təhsil alan tələbələrinin Azərbaycan Qida Təhlükəsizliyi İnstitutunun (AQTİ) əməkdaşları ilə görüşü keçirilib. İştirakçıları salamlayan Maşın dizaynı və sənaye texnologiyaları kafedrasının müdiri professor İsa Xəlilov bildirib ki, görüş Azərbaycan Respublikası Prezidentinin 29 aprel 2019-cu il tarixli Sərəncamı ilə təsdiq edilmiş “Azərbaycan Respublikasında qida təhlükəsizliyinin təmin edilməsinə dair 2019-2025-ci illər üçün Dövlət Proqramı”ı əsasında hazırlanan Tədbirlər Planına uyğun təşkil olunub. Qida təhlükəsizliyi sahəsində beynəlxalq təcrübə nəzərə alınmaqla, təhsilin müxtəlif səviyyələri üçün yeni müvafiq tədris proqramlarının hazırlanmasının, eləcə də sağlam və rasional qidalanma istiqamətində təşviqat işlərinin aparılmasının Tədbirlər Planında xüsusi yer tutduğu da vurğulanıb. Görüşdə AQTİ İdarə Heyəti sədrinin müşaviri Hüseyn Məmmədov Azərbaycan Qida Təhlükəsizliyi Agentliyi nəzdində fəaliyyət göstərən “Qida Təhlükəsizliyi Könüllüləri” təşəbbüs qrupu haqqında məlumat verib. Könüllülərin fəaliyyət istiqamətləri, təcrübə proqramları, mükafatlandırılması qaydaları, əldə edəcəkləri faydalar və digər məqamlar tələbələrin diqqətinə çatdırılıb. AQTİ-nin Xidmətlərin təşkili şöbəsinin mütəxəssisi Səbinə Nuruzadə Azərbaycan Qida Təhlükəsizliyi İnstitutunun yaradılması tarixi, fəaliyyət istiqamətləri, qida təhlükəsizliyi, bitki və heyvan sağlamlığı, kompleks tədqiqat laboratoriyaları, eləcə də ölkənin laboratoriyalar şəbəkəsindən danışıb. Bundan başqa, AQTİ-nin həyata keçirdiyi təlimlər haqqında da tələbələrə məlumat verilib. Tədbirin sonunda tələbələrin və əməkdaşların sualları cavablandırılıb.

Azərbaycan Texniki Universitetinin (AzTU) Kimya texnologiya, təkrar emal və ekologiya kafedrası ilə Avrasiya Enerji və Dayanıqlı İnkişaf İctimai Birliyi arasında görüş keçirilib. Görüşdə universitet-qht əməkdaşlığının inkişafı, birgə layihələrin yerinə yetirilməsində görüləcək işlərlə bağlı müzakirələr aparılıb. Eyni zamanda ikitərəfli əməkdaşlığın insanların həyat şəraitinin yaxşılaşdırılması və ətraf mühitin inkişafına töhfələr verəcəyi də qeyd olunub. AzTU-nun professoru Fəxrəddin Yusifov bildirib ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin elan etdiyi müsabiqələrdə birgə layihələrlə iştirak yeni əməkdaşlığın möhkəmlənməsinə zəmin yaradacaq.

Azərbaycan Texniki Universitetinin (AzTU) Maşın dizaynı və sənaye texnologiyalarıkafedrasının təşkilatçılığı ilə qida mühəndisliyi ixtisası üzrə bakalavriat səviyyəsində təhsil alan II kurs tələbələrinin Ağsu rayonunda “AzGranata” Məhdud Məsuliyyətli Cəmiyyətinə ekskursiyası təşkil olunub.   Tələbələr burada məhsulun qəbulu və emalı sexləri ilə tanış olub, şirələrin alınması və qablaşdırılması proseslərini izləyiblər. Tədqiqat laboratoriyasında qida məhsullarının tədqiqi üsulları və avadanlıqları haqqında tələbələrə geniş məlumat verilib. Ekskursiyanın sonunda dequstasiya zalında məhsulların dad meyarlarının müəyyən olunması xüsusiyyətləri də tələbələrin diqqətinə çatdırılıb. Qida mühəndisliyi ixtisası üzrə bakalavriat səviyyəsində təhsil alan I kurs tələbələri isə Qəbələ şəhərində Gilan Qida Şəhərciyi ilə tanış olub. Burada tələbələr kartof emalı, limonad, şirə istehsalı zavodlarında istehsal proseslərini izləyib, hər bir məhsul üçün texnoloji xüsusiyyətlərlə tanış olublar. Bundan başqa tələbələr məhsulun qəbulu, qablaşdırılması və anbar işlərinin təşkili məsələləri ilə maraqlanıblar. Şəhərciklə tanışlıqdan sonra tələbələr Qəbələ rayonunda yerləşən “Savalan Winery” müəssisəsinə də ekskursiya ediblər. Burada üzüm tarlaları ilə tanışlıq, müxtəlif növ şərab məhsullarının istehsalı prosesini, həmçinin tədqiqat laboratorayiası ilə tanış həyata keçirilib. Qeyd edək ki, Ağsu rayonu və Qəbələ şəhərinə təşkil olunan ekskursiyada Maşın dizaynı və sənaye texnologiyaları kafedrasının müdiri İsa Xəlilov da iştirak edib.

ADA Universitetində Ümummilli Lider Heydər Əliyevin anadan olmasının 100 illiyinə həsr olunmuş "Heydər Əliyev 100 illik yubiley kitab sərgisi: Fədakarlıq, Liderlik və İlham dolu əsrin təntənəsi" adlı kitab sərgisi keçirilib. Sərgidə Azərbaycan Texniki Universitetinin (AzTU) Kitabxana İnformasiya Mərkəzi (KİM) və Yüksək Təhsil İnstitutunun (YTİ) əməkdaşları iştirak edib, həmçinin Energetika və avtomatika fakültəsinin tələbələri Əli Xəlilov və Sübhan Şıxmuradovun hazırladığı startaplar nümayiş olunub. Sərginin keçirildiyi 3 gün ərzində AzTU-nun stendində ulu öndər Heydər Əliyevə həsr olunmuş ədəbiyyatlar nümayiş olunub. Eyni zamanda AzTU-nun professor-müəllim heyətinin müəllifi olduğu nəşrlər də sərgi iştirakçılarına təqdim olunub. Sərgi çərçivəsində təşkil olunan beynəlxalq sessiyada KİM-in əməkdaşı, Qlobal DOİ Agentliyi olan “Crossref”in Azərbaycan üzrə nümayəndəsi İltifat İbrahimov çıxış edib. Çıxışda təşkilatın xidmətləri, üzvlük prosesi, DOİ qeydiyyatı və digər zəruri məlumatlar verilib.

Azərbaycan Texniki Universiteti (AzTU) Həmkərlar İttifaqı Komitəsinin təşkilatçılığı ilə "Gender bərabərliyi və qadın azadlığı" mövzusunda tədbir keçirilib. Tədbirdə çıxış edən “Demokratik Cəmiyyət və Qadın Hüquqlarının Müdafiəsi” İctimai Birliyinin sədri Mehriban Abdullayeva Azərbaycanda kişi və qadın bərabərliyinin təmini, gender balansının qorunması istiqamətində məqsədyönlü işlər aparıldığını bildirib. Qeyd edib ki, son illər dövlət qurumlarında, ölkənin ictimai-siyasi həyatında təmsil olunan qadınların sayının artması bu məsələnin hər zaman dövlətin diqqət mərkəzində olduğunun bariz nümunəsidir. Mehriban Abdullayeva müsəlman Şərqində ilk dəfə məhz Azərbaycan Xalq Cümhuriyyəti dövründə qadına seçmək və seçilmək hüququnun verildiyini də xatırladıb. Daha sonra dünyanın müxtəlif ölkələrində gender bərabərliyi istiqamətində görülən işlər iştirakçıların diqqətinə çatdırılıb. Tədbir sual-cavab formatında davam etdirilib.