Türk Əməkdaşlıq və Koordinasiya Agentliyinin (TİKA) Bakı nümayəndəliyinin təşkilatçılığı ilə türkiyəli tələbələr Azərbaycan Texniki Universitetinə (AzTU) səfər edib. Türkiyənin müxtəlif ali məktəblərində təhsil alan sonuncu kurs tələbələrinin AzTU-ya səfəri “Təcrübə paylaşım” proqramı çərçivəsində həyata keçirilib. Əvvəlcə  tələbələr AzTU-nun müxtəlif tədris korpusları ilə tanış olublar. Onlar həmçinin TİKA-nın dəstəyi ilə yaradılan “Cezeri Lab” laboratoriyasına baxış keçiriblər. Laboratoriyada tələbələrə burada aparılan sınaqlar barədə ətraflı məlumat verilib.Tələbələr daha sonra AzTU-nun rektoru Vilayət Vəliyevlə görüşüblər. Görüş zamanı AzTU-da görülən işlər, həyata keçirilən innovativ yeniliklər barədə tələbələrə ətraflı məlumat verilib.       

   Əziz abituriyentlər!Hər birinizi Azərbaycan Texniki Universitetinin (AzTU) tələbəsi adını qazanmağınız münasibətilə ürəkdən təbrik edirəm!Sizə təhsilinizdə və gələcək həyatınızda uğurlar, müvəffəqqiyyətlər və bol şans arzulayıram!AzTU ailəsinin üzvü olduğunuz üçün hər birinizi bir daha təbrik edirəm!Tələbə adınız mübarək!

Azərbaycan Texniki Universitetində (AzTU) 2022/2023-cü tədris ili üzrə (əyani və qiyabi) ödənişli əsaslarla təkrar ali təhsil almaq üçün sənəd qəbulunun vaxtı sentyabrın 20-dək uzadılıb.Qəbul yalnız elektron qaydada həyata keçirilir.Təkrar ali təhsil almaq istəyənlər http://tekrar-alitehsil.aztu.edu.az:9594/ linkinə daxil olub qeydiyyatdan keçərək aşağıdakı sənədləri elektron formada təqdim etməlidirlər· rektorun adına ərizə;· ali təhsil haqqında sənədin (diplomun və əlavəsinin) notarial təsdiqi;· 3x4 sm ölçüdə fotoşəkil;· şəxsiyyət vəsiqəsinin surəti.Qeyd: 1993-cü ildən sonra xarici ölkələrdə ali təhsil almış şəxslərin diplomları mövcud qaydada Azərbaycan Respublikası Təhsil Nazirliyi tərəfindən tanındıqdan sonra universitetdə təkrar ali təhsil ala bilərlər.Sənəd qəbulu üçün son tarix: 20.09.2022Əlavə məlumat üçün:Telefon: (+99450) 261-38-16,  (+99412) 539-12-65E-poçt: [email protected]

Azərbaycan Texniki Universitetinin (AzTU) rektoru Vilayət Vəliyev Türk Aviasiya və Kosmos Sənayesinin (TUSAŞ) nümayəndələri ilə görüşüb. Görüşdə universitet-sənaye işbirliyi çərçviəsində TUSAŞ-la əməkdaşlıq istiqamətləri müəyyənləşdirilib.Daha sonra TUSAŞ nümayəndə heyəti AzTU-da aparılan yenidənqurma işləri ilə tanış olub.Qonaqlar universitetin laboratoriya və auditoriyalarına da baxış keçiriblər.               

Azərbaycan Texniki Universitetinin (AzTU) rektoru Vilayət Vəliyevin rəhbərlik etdiyi nümayəndə heyəti “Azərenerji” ASC-nin Baş idarəetmə, elm, tədris və laboratoriya kompleksinə səfər edib.Əvvəlcə nümayəndə heyəti kompleksin Tədris və Laboratoriya mərkəzləri ilə tanış olub. Tanışlıq zamanı müvaviq ixtisaslar üzrə təhsil alan tələbələrin mərkəzlərdə praktiki məşğələlər keçməsi və yeni texnologiyalarla yaxından tanış olması istiqamətində faydalı müzakirələr aparılıb.Tanışlıqdan sonra “Azərenerji” ASC-nin prezidentinin ümumi məsələlər üzrə müşaviri Vüqar Əliyev AzTU nümayəndə heyəti ilə görüşüb və kompleks haqqında ətraflı məlumat verib. Bildirib ki, kompleksin Tədris və Laboratoriya mərkəzlərində universitetlərlə əməkdaşlıq çərçivəsində müvafiq ixtisaslar üzrə təhsil alan tələbələr təcrübə keçir. AzTU-nun ixtisasları bu mərkəzlərin profillərinə tam uyğun olduğundan tələbələrin burada müasir texnologiyaları öyrənməsi onların gələcək karyeralarına müsbət təsir göstərə bilər. Bu məqsədlə Tədris Mərkəzində müxtəlif sinif otaqları təşkil edilib. Kompleksin Laboratoriya Mərkəzində isə tələbələrə müxtəlif növ sınaqların aparılması üçün bütün imkanlar yaradılıb. Qeyd olunub ki, bu cür laboratoriyalar ölkədə ilk dəfə yaradılıb.AzTU-nun rektoru Vilayət Vəliyev bildirib ki, universitet kompeksin mərkəzləri ilə əməkdaşlıq etməkdə maraqlıdır. Tələbələrin praktiki məşğələlərinin burada təşkil edilməsi həm də onların bacarıq və vərdişlərinin müasir tələblərə uyğun formalaşmasına mühüm təsir edəcək. Həmçinin tələbələrin burada iştirakı universitet-sənaye işbirliyinin inkişafına da öz töhfəsini verəcək. Rektor qeyd edib ki, magistrlərin də mərkəzlərə cəlb olunması və onların dissertasiya mövzularını buradan götürməsi əsas məqsədlərdən biridir. Bundan başqa, komplekslə universitetin əməkdaşlığı çərçivəsində energetika sektoru üçün yeni ixtisasların açılması da mühüm şərtlərdəndir.              

Qazaxıstanla Azərbaycan arasında diplomatik münasibətlərin qurulmasının 30 illiyi Qazaxıstan Bakıdakı səfirliyi tərəfindən silsilə tədbirlərlə qeyd olunur. Bu tədbirlər çərçivəsində Azərbaycan Texniki Universiteti (AzTU) ilə Cənubi Qazaxıstan Dövlət Universiteti arasında əməkdaşlıq haqqında memorandum imzalanıb. Memorandumu AzTU-nun rektoru Vilayət Vəliyev və Cənubi Qazaxıstan Dövlət Universitetinin rektoru Dariya Kоjаmjarova imzalayıblar. Sənədə əsasən, hər iki universitet birgə tədris və elmi-tədqiqatların aparılması istiqamətində əməkdaşlıq edəcək.  

Azərbaycan Texniki Universitetinin (AzTU) ümumi işlər üzrə prorektoru vəzifəsinə təyin edilən Fariz Mustafayev kollektivə təqdim olunub. Fariz Mustafayevi kollektivə təqdim edən Elm və Təhsil Nazirliyinin aparat rəhbərinin müavini, Elm, ali və orta ixtisas təhsili şöbəsinin müdiri Yaqub Piriyev onun bu vəzifədə böyük təcrübəsinin olduğunu xüsusi qeyd edib. Bildirib ki, ali təhsil müəssisələrində daxili nizam-intizamın yüksək səviyyədə saxlanılması üçün ümumi işlər üzrə prorektorun üzərinə böyük məsuliyyət düşür.AzTU-nun rektoru Vilayət Vəliyev də ümumi işlər üzrə prorektor vəzifəsinə yeni təyin olunan Fariz Mustafayevi təbrik edib, ona fəaliyyətində uğurlar arzulayıb.  Öz növbəsində Fariz Mustafayev ona göstərilən etimada görə təşəkkürlərini bildirib.   

Türk Əməkdaşlıq və Koordinasiya Agentliyinin (TİKA) Bakı nümayəndəliyinin koordinatoru Fatih Yılmazın başçılıq etdiyi nümayəndə heyəti Azərbaycan Texniki Universitetinə (AzTU) səfər edib. Qonaqlar AzTU-nun rektoru Vilayət Vəliyev və universitetin nümayəndələri ilə görüşüb. Qonaqları salamlayan rektor Vilayət Vəliyev bu yaxınlarda TİKA-nın Bakı nümayəndəliyində olduğunu və əməkdaşlıqla bağlı faydalı müzakirələrin aparıldığını xatırladıb. Bildirib ki, AzTU TİKA ilə müxtəlif istiqamətlərdə əməkdaşlığı genişləndirməkdə maraqlıdır. Bu əməkdaşlıq əlaqələri universitet-sənaye işbirliyinin inkişafına da öz töhfəsini verə bilər. Rektor TİKA tərəfindən universitetə hədiyyə edilən “ezAFM+” Atomik Mikroskopuna görə də təşəkkürlərini bildirib. Qeyd olunub ki, mikroskopdan fizika, nanotexnologiya, materialşünaslıq, biologiya, yarımkeçirici texnologiyaları, molekulyar mühəndislik kimi sahələrdə, tədrisdə və elmi-tədqiqatlarda istifadə ediləcək. Rektor bildirib ki, hazırda mikroskopun istifadə ediləcəyi auditoriyanın seçilməsi istiqamətində işlər aparılır. Yaxın aylarda Türkiyədən dəvət olunan mütəxəssislər sözügedən qurğunun istifadəsi ilə bağlı AzTU-da təlimlər təşkil edəcək.TİKA Bakı nümayəndəliyinin koordinatoru Fatih Yılmaz bildirib ki, səfərin məqsədi həm AzTU-da görülən işlərlə tanış olmaq, həm də yeni əməkdaşlıq istiqamətlərini müəyyənləşdirməkdən ibarətdir. Fatih Yılmaz universitetə təqdim olunan mikroskopun tədris və tədqiqatın keyfiyyətinin yüksəldilməsi istiqamətində mühüm əhəmiyyətə malik olacağına da ümid etdiyini deyib.Daha sonra qonaqlar AzTU-da görülən yenidənqurma işləri ilə tanış olublar.    

Daşkənd Dövlət Nəqliyyat Universitetinin rektoru Odil Abdurahmanov Azərbaycan Texniki Universitetinə (AzTU) səfər edib. Səfər çərçivəsində qonaq AzTU-nun rektoru Vilayət Vəliyevlə görüşüb. Görüşdə rektorlar rəhbərlik etdikləri universitetlərdə görülən işlər haqqında ətraflı məlumat veriblər. Söhbət zamanı AzTU ilə Daşkənd Dövlət Nəqliyyat Universiteti arasında müvafiq sahələr üzrə əməkdaşlıq istiqamətləri müəyyənləşib. Qeyd olunub ki, hər iki universitet logistika və nəqliyyat problemləri üzrə birgə tədqiqat mərkəzinin yaradılması, Azərbaycan və Özbəkistan şəhərləri üçün mobillik planlarının hazırlanması, elektrik avtomobilinin prototipinin birgə hazırlanması ilə bağlı əməkdaşlıq edə bilər. Bu layihələrin həyata keçirilməsində AzTU-nun Logistika və Nəqliyyat İnstitutu və Nəqliyyat və logistika fakültəsi ilə Daşkənd Dövlət Nəqliyyat Universitetinin Avtomobil mühəndisliyi və İntellektual nəqliyyat sistemləri mühəndisliyi kafedralarının birgə fəaliyyət göstərəcəyi də diqqətə çatdırılıb.Görüşdən sonra qonaq AzTU-da görülən işlərlə yaxından tanış olub.  

             Azərbaycan Texniki Universitetinin (AzTU) məzunu, Vətən müharibəsində şəhidlik zirvəsinə yüksələn Elcan Məmmədov 1989-cu il avqustun 9-da Tərtər şəhərində anadan olub. 1996- cı ildə Sabunçu rayonunda 169 nömrəli tam orta məktəbə gedib. 2007-ci ildə orta məktəbi bitirib və AzTU-ya qəbul olunub.   Elcan Məmmədov universiteti bitirdikdən sonra 2011-ci ildə həqiqi hərbi xidmətdə olub. 2018-ci ildə öz istəyi ilə xüsusi kurs keçərək leytenant hərbi rütbəsi alıb və hərbi xidmətini davam etdirib. Elcan Məmmədov 2020-ci ildə Vətən müharibəsində iştirak edib. O, sentyabrın 27-də Talış yüksəkliyi istiqamətində gedən döyüşlərdə qəhrəmancasına şəhidlik zirvəsinə yüksəlib. Prezident İlham Əliyevin sərəncamları ilə Elcan Məmmədov ölümündən sonra “Vətən uğrunda”, “Suqovuşanın azad olunmasına görə” və “Laçının azad olunmasına görə” medalları ilə təltif olunub. Allah bütün şəhidlərimizə rəhmət eləsin! Şəhidlərimizin ruhu qarşısında baş əyirik!