Azərbaycan Texniki Universitetinin (AzTU) Elmi şurasının növbəti onlayn iclası keçirilib. İclasda rektor Vilayət Vəliyev ötən həftə Türkiyənin Qazi Universiteti ilə imzalanan ikili diplom proqramı haqqında müqavilənin detalları barədə şura üzvlərinə məlumat verib. Rektor may ayında Ukraynaya etdiyi işgüzar səfər və bu ölkənin aparıcı ali təhsil müəssisələri ilə imzalanan müqavilələr haqqında məlumatı da iclas iştirakçılarının diqqətinə çatdırıb. Qeyd edib ki, imzalanan əməkdaşlıq və ikili diplom proqramı haqqında müqavilələrə əsasən, AzTU-da Qazi Universitetinin və Ukrayna ali təhsil müəssisələrinin təcrübələrindən istifadə olunacaq. İclasın gündəliyinə uyğun olaraq 2020-2021-ci il yaz semestrinin imtahan sessiyasına hazırlıqla bağlı məlumat, həmçinin Xüsusi texnika və texnologiya fakültəsinin fəaliyyəti haqqında hesabat dinlənilib. Bundan başqa, Vətən müharibəsində iştirak edən tələbələrə yekun dövlət attestasiyasında güzəşt edilməsi ilə bağlı qərar da yekdilliklə qəbul edilib. İclasda AzTU-nun da tərəfdaş olduğu Erasmus+KA2 proqramının “İnnovasiya və dayanıqlılıq prinsipləri ilə klasterlərin işlənməsinə başlamaqda və iştirakda universitetlərin potensialının artırılması” (UniClaD) layihəsi çərçivəsində universitetdə İnnovativ Texnologiyalar Mərkəzi adlı bilik mərkəzinin yaradılması qərara alınıb. Qeyd olunub ki, UniClaD layihəsi 2020-2023-cü illəri əhatə edir. Məqsəd 9 ölkənin partnyor universitetlərinin Avropanın klaster təcrübəsini öyrənməsi, eyni zamanda universitet-sənaye işbirliyinin gücləndirilməsidir.   

Azərbaycan Texniki Unversitetinin (AzTU) tərəfdaş olduğu Avropa Komissiyasının Erasmus+ proqramı çərçivəsində “Azərbaycanda rektorlar konfrası” layihəsinin  onlayn təqdimatı keçirilib.  Məqsəd Azərbaycanın universitet rəhbərlərini bir şəbəkədə birləşdirməklə onlar arasında əməkdaşlığın artırılmasına və yeni iş birliklərinin qurulmasına, ölkəmizin ali təhsil sisteminin Boloniya prosesinə inteqrasiya edilməsinin sürətləndirilməsinə töhfə verməkdir. Tədbirdə Azərbaycan Respublikası Təhsil Nazirliyinin, Avropa Universitetlər Birliyinin, Polşa, Finlandiya, Litva, Portuqaliya və İspaniya rektorlar konfransının nümayəndələri, Azərbaycan universitetlərinin rektorları və rəhbər şəxsləri, Erasmus+ Azərbaycan ofisinin rəhbəri, bir sıra ölkə səfirliklərinin nümayəndələri və digər qonaqlar iştirak edib.

Azərbaycan Texniki Univeriteti (AzTU) “İnnovasiya və dayanıqlılıq prinsipləri ilə klasterlərin işlənməsinə başlamaqda və iştirakda universitetlərin potensialının artırılması” (UniClaD) layihəsi üzrə təşkil olunan bilik mərkəzinin işi çərçivəsində yerinə yetirilən pilot layihə üzrə ilk koordinasiya görüşü keçirib. Layihə Erasmus + KA2 n° 609944-EPP-1-2019-1-LT-EPPKA2-CBHE-JP proqramı çərçivəsində həyata keçirilir. Görüşdə mərkəzin işçi qrupunun üzvləri və əsas tərəfdaşın - Aqrar Elm və İnnovasiya Mərkəzinin nümayəndəsi iştirak edib. Qeyd olunub ki, pilot layihə çərçivəsində fərdi heyvandarlıq təsərrüfatlarında mövcud olan müxtəlif növlərə aid kənd təsərrüfatı heyvanlarının  yemə olan illik tələbatı, həmin yemlərin istehsal edilməsi üçün tələb olunan əkin sahəsinin hesablanması üzrə kalkulyator işlənib hazırlanacaq və istifadəyə veriləcək.  Görüşdə əldə olunan nəticələr əsasında layihənin texniki şərti işlənib hazırlandıqdan sonra, qiymətləndirilmək və təsdiqlənmək üçün əsas tərəfdaşa təqdim ediləcək. Pilot layihənin işlənməsində magistratura və doktorantura tələbələri də iştirak edəcək. 

Avropa Birliyinin maliyyələşdirdiyi ERASMUS+KA2 proqramı çərçivəsində həyata keçirilən  (618860-EPP-1-2020-1-EL-EPPKA2-CBHE-JP)  “Rusiya Federasiyası, Qazaxstan və Azərbaycanda səhiyyədə strateji keyfiyyət menecmenti və risklərin idarə olunması üzrə açıq və distant təhsil formatında peşə bakalavrı və magistr hazırlığı” layihəsi  çərçivəsində işçi görüş keçirilib. Görüş zamanı pandemiya dövründə layihə çərçivəsində həll olunacaq məsələlərin geniş müzakirəsi aparılıb.   Görüşdə layihəyə cəlb olunan tərəfdaşların nümayəndələri - Avropa Birliyinin layihə üzrə baş koordinatorunun nümayəndəsı, Yunanıstanın Qərbi Attika Universitetindən professor Panos Yannakopoulos, Fransadan konsultant, professor Jean Noel Pachoud, Rumıniyanın Cluj-Napoca Texniki Universitetindən Keyfiyyət üzrə Avropa eksperti Catalin İllasku, Azərbaycan Texniki  Univeritetindən (AzTU)  professor Həsən Hüseynov, Xarici əlaqələr şöbəsinin müdiri Orxan Vatanxah, baş mühasib Elşat Bağırov, Mühəndis fizikası və elektronika kafedrasının müəllimləri Telman Əliyev,  Rəhim Rəhimov,  Xədicə Əhmədova, Xanım Səmədova və Səid Rüstəmov iştirak edib.

Avropa Birliyinin maliyyələşdirdiyi ERASMUS+KA2 proqramı çərçivəsində həyata keçirilən  (618860-EPP-1-2020-1-EL-EPPKA2-CBHE-JP)  “Rusiya Federasiyası, Qazaxstan və Azərbaycanda səhiyyədə strateji keyfiyyət menecmenti və risklərin idarə olunması üzrə açıq və distant təhsil formatında peşə bakalavrı və magistr hazırlığı” layihəsi  çərçivəsində işçi görüş keçirilib. Görüş zamanı pandemiya dövründə layihə çərçivəsində həll olunacaq məsələlərin geniş müzakirəsi aparılıb. Görüşdə layihəyə cəlb olunan tərəfdaşların nümayəndələri - Avropa Birliyinin layihə üzrə baş koordinatorunun nümayəndəsı, Yunanıstanın Qərbi Attika Universitetindən professor Panos Yannakopoulos, Fransadan konsultant, professor Jean Noel Pachoud, Rumıniyanın Cluj-Napoca Texniki Universitetindən Keyfiyyət üzrə Avropa eksperti Catalin İllasku, Azərbaycan Texniki  Univeritetindən (AzTU)  professor Həsən Hüseynov, Xarici əlaqələr şöbəsinin müdiri Orxan Vatanxah, baş mühasib Elşat Bağırov, Mühəndis fizikası və elektronika kafedrasının müəllimləri Telman Əliyev,  Rəhim Rəhimov,  Xədicə Əhmədova, Xanım Səmədova və Səid Rüstəmov iştirak edib.

Erasmus+KA2 çərçivəsində Litvanın Kaunas Tətbiqi Elmlər Universitetinin koordinatorluğu ilə həyata keçirilən “İnnovasiya və dayanıqlılıq prinsipləri ilə klasterlərin işlənməsinə başlamaqda və iştirakda  universitetlərin potensialının artırılması” UNICLaD  layihəsi çərşivəsində onlayn görüş keçirilib. Görüşdə layihənin Azərbaycan üzrə tərəfdaş universitetləri – Azərbaycan Texniki Universiteti (AzTU) və Azərbaycan Dövlət Aqrar Universitetinin (ADAU) işçi qrupu iştirak edib. Görüşdə layihə çərçivəsində əməkdaşlıq ediləcək  təşkilatların  təqdimatları edilib və klaster təcrübəsinin Azərbaycanda verə biləcəyi töhfələr müzakirə olunub. AzTU-nun prorektoru Sübhan Namazov və ADAU-nun prorektoru Anar Hətəmov layihənin universitetlər üçün əhəmiyyəti barədə məlumatl verib. Kənd Təsərrüfatı Nazirliyinin Aqrar Elm və İnnovasiya Mərkəzinin Aqrar İnnovasiya Siyasətinin Təşkili şöbəsinin müdiri Anar Cəfərov aqrar sektorda yerinə yetirilən mövcud innovativ layihələrdən danışıb və layihə çərçivəsində əməkdaşlıq imkanlarını vurğulayıb. Layihə üzrə koordinator olan Litva Kaunas Tətbiqi Elmlər Universitetinin nümayəndəsi Giedrius Geceviciu ölkəsinin klaster təcrübəsindən danışıb.  Görüşdə Azərbaycan üzrə Erasmus+ ofisinin rəhbəri Pərviz Bağırov, Kənd Təsərrüfatı Nazirliyinin, Kənd Təsərrüfatı Nazirliyinin Aqrar Tədqiqatlar Mərkəzinin,  “Aqrar Tədarük və Təchizat” ASC-nin, İqtisadi İslahatlar Elmi Tədqiqat İnstitutunun, Azərbaycan Texniki Universitetinin (AzTU) və Azərbaycan Dövlət Aqrar Universitetinin (ADAU) nümayəndələri  iştirak edib. 

Azərbaycan Texniki Universitetinin (AzTU) də tərəfdaş olduğu Erasmus+KA2 proqramı çərçivəsində “İnnovasiya və dayanıqlılıq prinsipləri ilə klasterlərin işlənməsinə başlamaqda və iştirakda universitetlərin potensialının artırılması”  (UniClaD)  layihəsinin  növbəti işçi görüşü keçirilib. Görüş zamanı layihə üzrə Avropa tərəfdaşlarının klaster təcrübəsi, o cümlədən onların hüquqi təşkilatlanma formaları, idarəetmə strukturları, fəaliyyət istiqamətləri, məqsəd və vəzifələri, gəlir mənbələri, strateji inkişaf planları və hədəfləri, ali təhsillə inteqrasiyası haqqında ətraflı məlumat verilib. Həmçinin  Avstriya, Litva, Polşa, İtaliya və İspaniyada fəaliyyət göstərən klasterlərin nümunəsində təqdimatlar edilib və geniş müzakirələr aparılıb. Daha sonra layihə üzrə Azərbaycan, Moldova və Ukraynada bilik mərkəzlərinin yaradılması üzrə yol xəritlərinin hazırlanması üçün işlərin müzakirəsi aparılıb.  Onlayn işçi görüşdə AzTU-nun Beynəlxalq əlaqələr üzrə prorektoru, professor Sübhan Namazov, Xarici əlaqələr şöbəsinin müdiri Orxan Vətənxah və Layihələr və mübadilə proqramları üzrə baş mütəxəssisi Mətanət Paşayeva iştirak edib.

Azərbaycan Texniki Universitetinin (AzTU) də tərəfdaş olduğu ERASMUS + KA2 proqramı çərçivəsində həyata keçirilən “İnnovasiya və dayanıqlılıq prinsipləri ilə klasterlərin işlənməsinə başlamaqda və iştirakda  universitetlərin potensialının artırılması” layihəsi  (UniClaD) çərçivəsində Avropanın klaster təcrübəsi ilə tanışlığa həsr olunmuş növbəti onlayn işçi görüş keçirilib. İşçi görüşdə layihə çərçivəsində Avstriya, İtaliya və İspaniya tərəfdaşlarının klaster təcrübələri, milli klaster modelləri, onların fəaliyyət istiqamətləri və tərəfdaşların klasterlərin fəaliyyətində iştirakları haqqında ətraflı məlumat verilib. Onlayn işçi görüşdə AzTU-dan Beynəlxalq əlaqələr üzrə prorektor, professor Sübhan Namazov, Tədqiqat və inkişaf şöbəsinin müdiri, dosent Mərziyyə Ağayeva, Layihələr və mübadilə proqramları üzrə baş mütəxəssis Mətanət Paşayeva və Beynəlxalq qrant və layihələr üzrə mütəxəssis Mənzər Kazımova iştirak edib.   

Azərbaycan Texniki Universitetinin (AzTU) rektoru Vilayət Vəliyev “Azəralüminium” MMC-nin direktoru Maksim Cavadovla görüşüb. Görüşdə universitetlə müəssisə arasında metallurgiya sahəsi üzrə birgə elmi-tədqiqat işlərinin aparılması, Metallurgiya mühəndisliyi və  Materialşünaslıq mühəndisliyi ixtisasları üzrə kadr hazırlığına diqqətin artırılması müzakirə olunub. Görüşdən sonra tərəflər arasında əməkdaşlıq haqqında saziş imzalanıb. Sazişə əsasən “Azəralüminium” MMC-də AzTU-nun “Metallurgiya və materialşünaslıq” fakültəsinin filialı açılacaq.                     

İyunun 8-də Təhsil naziri Ceyhun Bayramov ali təhsil müəssisələrinin rəhbərləri ilə yaz imtahan sessiyasının başlanması ilə bağlı videogörüş keçirib. Videogörüşdə Ceyhun Bayramov qeyd edib ki, yaz imtahan sessiyası Nazirlər Kabinetinin 2020-ci il 18 may tarixli 179 nömrəli Qərarında, eləcə də Təhsil Nazirliyinin müvafiq əmr və təlimati məktublarında göstərilən şərt və tələblərə riayət olunmaqla təşkil edilir. Belə ki, COVID-19 pandemiyası ilə əlaqədar imtahanların texniki vasitələrdən istifadə olunmaqla onlayn rejimdə keçirilməsinə üstünlük verilir, eyni zamanda canlı imtahan sessiyası və ixtisaslar üzrə yekun dövlət attestasiyasının təşkili zamanı “Tibbi Ərazi Bölmələrini İdarəetmə Birliyi” publik hüquqi şəxs tərəfindən hazırlanmış “İmtahanlar zamanı koronavirus infeksiyasının (COVID-19) profilaktikasına dair metodiki göstərişlər”ə ciddi riayət olunması təmin edilir. Qeyd edilib ki, təhsil müəssisələrində imtahan qərargahları yaradılıb və imtahan sessiyası müddətində tələbələrdən daxil olan şikayətlərin operativ araşdırılması,  onların yerində həll edilməsi təmin edilir. Yaz imtahan sessiyasında iştirak etməyə hazır olmayan tələbələr üçün isə avqust-sentyabr aylarında ödənişsiz şəkildə icmal mühazirələrin təşkili və sentyabrın 15-dək bu tələbələr üçün yenidən imtahanlarda iştirak etmək imkanının yaradılması tapşırılıb. Nazir həmçinin sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin bu il dövlət tərəfindən ödənilməsi ilə bağlı daxil olan müraciətlərin baxılmasının ilkin nəticələrinin bu həftədən etibarən açıqlanması barədə məlumat verib, məsələnin ali təhsil müəssisələrinin rəhbərləri tərəfindən nəzarətdə saxlanmasını tapşırıb. Bildirilib ki, ali təhsil müəssisələri imtahan sessiyasının gedişatı barədə ictimaiyyəti müntəzəm olaraq məlumatlandırmalı və tələbələrlə kommunikasiya işinin səmərəliliyini artırmalıdır.