SEMİNAR"Metallurgiya və metalşünaslıq" kafedrasının dosenti t.e.n., İsrafilov Telman Davud oğlunun 28 noyabr 2016-cı ildə "Alümin istehsalı üçün zəydaşı filizinin yeni üsullarla emalı" mövzusunda elmi-metodiki seminarı keçirilmişdir.Seminarda

Noyabrın 29-da Azərbaycan Texniki Universiteti  THİK-nin təşkilatçılığı ilə Universitetdə tələbələrarası keçirilən “Əl işləri” sərgisinin açılışı olub. Açılışda iştirak edən Universitetin rektor əvəzi  Xalıq Yahudov bildirib ki, belə tədbirlərin təşkil olunması tələbələrin asudə vaxtlarının  səmərəli keçirilməsinə xidmət edir və bu istiqamətdə tələbələrin abstrakt təfəkkürü daha da genişlənir. Sərgi iki gün müddətində davam edəcək, gizli səsvermə yolu ilə  qaliblər müəyyənləşəcək. Ən çox səs toplayan üç  əl işinin müəllifi  müəyyən olunaraq I, II, III yerlərlə mükafatlandırılacaq.                                                          

Azərbaycan Texniki Universitetində “İnformasiya və kommunikasiya texnologiyalarının müasir vəziyyəti və inkişafı perspektivləri” mövzusunda noyabrın  23-də başlayan Beynəlxalq elmi-texniki konfrans noyabrın  25-də yekunlaşıb. Bölmə iclasları qurtardıqdan sonra yekun toplantısı keçirən rektor əvəzi Xalıq Yahudov bildirib ki, konfransda informasiya və kommunikasiya texnologiyaları sahəsinə aid son dərəcə aktual məsələlər müzakirə olunub. Daha sonra Universitetin elm və texnika üzrə prorektoru İlham Pirməmmədov konfransın uğurlarından danışaraq qeyd edib ki, 6 bölmə üzrə  təşkil olunan konfransa 160 məqalə təqdim olunub. Prorektor bölmə iclaslarını izlədiyini bildirib və iclaslarda məruzələrin maraqla dinlənildiyini vurğulayıb. Tədbirdə bölmə iclası rəhbərlərinin hesabatları dinlənilib. Sonda X.Yahudov Beynəlxalq konfransın uğurlu keçirilməsinə görə təşkilat komitəsinə öz təşəkkürünü bildirib və onlara sertifikatlar təqdim edib.               

  Noyabrın 23-də Azərbaycan Texniki Universitetində “İnformasiya və kommunikasiya texnologiyalarının müasir vəziyyəti və inkişafı perspektivləri” mövzusunda Beynəlxalq elmi-texniki konfrans öz işinə başlayıb. Konfrans iştirakçıları əvvəlcə ümummilli lider Heydər Əliyevin Universitetin foyesindəki büstü önünə güllər düzüb, xatirəsini ehtiramla yad ediblər. Daha sonra konfransın plenar iclası Azərbaycan Respublikasının Dövlət himni ilə başlayıb. Plenar iclası giriş sözü ilə açan AzTU-nun rektor əvəzi Xalıq Yahudov ölkəmizdə İKT-nin mövcud vəziyyətindən və ulu öndər Heydər Əliyevin bu sahəyə diqqətindən danışıb.Xalıq Yahudov vurğulayıb ki, Prezident İlham Əliyev tərəfindən ölkəmizdə İKT-nin inkişafı istiqamətində sərəncamlar imzalanıb, dövlət proqramları qəbul edilib.  Azərbaycan Texniki Universitetinin İKT sahəsindəki fəaliyyətindən söz açan rektor əvəzi qeyd edib ki, bu sahədə peşəkar kadrların yetişdirilməsində aparıcı rol oynayan Universitet İKT istiqamətində yeni dünya trendlərinə cavab verən innovativ texnologiyaların öyrənilməsini prioritet vəzifə kimi qarşıya qoyub. Daha sonra Rabitə və Yüksək Texnologiyalar nazirinin müavini İltimas Məmmədovun “Azərbaycanda İKT infrastrukturunun inkişaf meylləri” mövzusunda məruzəsi dinlənilib. Təhsil Nazirliyinin Təhsilin İnformasiyalaşdırılması İdarəsinin rəisi Samir Məmmədov, Azərbaycan Milli Elmlər Akademiyasının İdarəetmə Sistemləri İnstitutunun direktoru, akademik Telman Əliyev, Nazirlər Kabinetinin  şöbə müdiri Elxan Bağırzadə,Türkiyənin MilSOFT şirkətinin təmsilçisi Tolqa Çelik, AzTU-nun Çoxkanallı telekommunikasiya sistemləri kafedrasının müdiri Mehman Həsənov və digər çıxış edən natiqlər AzTU-nun İKT sahəsinə verdiyi  töhfələrdən danışaraq konfrans iştirakçılarına uğurlar arzulayıblar. Qeyd edək ki, noyabrın 25-ə kimi 6 bölmə üzrə davam edəcək Beynəlxalq konfransın  keçirilməsində məqsəd müasir informasiya və kommunikasiya texnologiyalarının inkişaf ənənələri və perspektivləri sahəsində alimlərin, mütəxəssislərin elmi nailiyyətləri barədə müzakirələr aparmaqdır.                                        

AzTU-nun professor-müəllim heyəti və tələbələri Azərbaycan Kitabxana İnformasiya Konsorsiumu çərçivəsində “Dünya E-kitab” kitabxanasının , “Qlobal E-jurnal” kitabxanasının kitabxanaya verdiyi iki aylıq imkanlardan yararlanaraq 4 milyon kitab bazasından, 22 min adda jurnal bazasından və 9 milyona yaxın jurnal məqaləsindən tam açıq şəkildə yararlana biləcəklər.   Maraqlananlar aşağıdakı linklərə daxil olaraq həmin bazalarda yer almış  elektron resurslardan istifadə edə biləcəklər. World eBook Library.  URL:  http://Community.eBookLibrary.org/?AffiliateKey=WEL-AzeStaUniOil Username: atuuser Password: atuuser Global eJournal Library URL: http://www.global-ejournals-library.com/ Username: atuuser Password:atuuser

Tədbirdə Universitetin prorektoru İsa Xəlilov tələbələrə Könüllü Gənclər Təşkilatının nümayəndələrini təqdim edib və “Bir Tələbə Könüllü” Proqramının əhəmiyyətindən danışıb.  Daha sonra nümayəndələr təmsil etdikləri Proqram haqqında ətraflı məlumat verib və bildiriblər  ki, bu Proqram Azərbaycan tələbələrinin könüllülük fəlsəfəsi, prinsipləri, dəyərləri çərçivəsində dostluq şəbəkəsidir. Cıxışlarda qeyd olunub ki,adını başlanğıc, dostluq, birlik və həmrəylikdən alan “Bir Tələbə Könüllü” Proqramındakı bir-birindən maraqlı layihə, proqram, tədbirlər bir gəncin arzuladığı bilik və bacarıqları əldə etməyə, digər insanlara yardım əlini uzatmağa imkan yaradacaqdır. Qeyd olunub ki, 2 illik fəaliyyətində təşkilat artıq müəyyən uğurlar əldə edib və genişlənib. Ölkədə keçirilən irimiqyaslı tədbirlərin açılış və bağlanışında könüllü gənclərin əməyi böyükdür. Proqrama üzv olan tələbə-könüllülərin dünyagörüşünü artırmaq, yeni dostlar qazanmaq və unudulmaz anlar yaşatmaq, tələbəlik həyatını rəngarəng və faydalı keçirmək, fərdi və ictimai fəaliyyətin inkişafına şərait yaratmaq, asudə vaxtı səmərəli təşkil etmək həmin Proqramda qarşıya qoyulmuş başlıca məqsəddir.                                

sdfds