A contract has been signed between Azerbaijan Technical University (AzTU) and the German Agency for the Accreditation of Higher Education (AQAS) for the international accreditation of 20 AzTU programs. The agreement stipulates that, in 2024-2025, AQAS will carry out the international accreditation process for AzTU’s bachelor’s (10 programs) and master’s (10 programs) degrees. During the signing ceremony, AzTU Rector Professor Vilayat Valiyev provided an overview of the university and emphasized the importance of international program accreditation. He also discussed the discussions held with AQAS in collaboration with the Azerbaijani Ministry of Science and Education’s Quality Assurance Agency (TKTA) over the past year. The rector highlighted that the international accreditation of AzTU’s programs is part of the implementation of the “State Program on Increasing the International Competitiveness of the Higher Education System in the Republic of Azerbaijan for 2019-2023,” the “2022-2026 Social and Economic Development Strategy,” and AzTU’s Development Strategy for the period up to 2030. He stressed that international accreditation would enhance AzTU’s recognition on a global scale and facilitate the admission of more international students. Professor Mentz, the Chairman of AQAS’s Board, expressed the significance of the relationship with AzTU and provided information on future cooperation and the accreditation process. Details about the accreditation schedule and other related matters were also discussed during the meeting. Ilham Humbətov, a member of the TKTA Board and Director of the Quality Assurance Department, also participated in the signing ceremony. He emphasized the importance of the contract between AzTU and AQAS in terms of the global evaluation and recognition of Azerbaijan’s higher education system. He congratulated both parties and wished them success, assuring that TKTA would provide the necessary support to both AzTU and AQAS.

“Erasmus+” çərçivəsində həyata keçirilən “Azərbaycan ali təhsil müəssisələrində davamlı sahibkarlıq ekosisteminin gücləndirilməsi” (ENGAGE) layihəsi üzrə növbəti təlim Polşada keçirilib. Azərbaycanın 11 universitetinin nümayəndə heyətindən ibarət qrup təlimlərdə iştirak etmək üçün Polşanın Bydqoş şəhərində işgüzar səfərdə olub. Polşanın Bydgoszcz İqtisadiyyat Universitetinin (WSG) ev sahibliyi etdiyi təlimlərdə Azərbaycan Texniki Universitetini (AzTU) Beynəlxalq əlaqələr şöbəsinin müdiri Orxan Vətənxah və beynəlxalq layihə qrupunun rəhbəri Mətanət Paşayeva təmsil edib. Təlim çərçivəsində WSG fəaliyyət modelləri və sahibkarlığın saxələndirilməsi istiqamətində akademik heyət və tələbələri üçün yaradılan şərait və şərtlər barədə təcrübəsi öyrənilib. Səfər zamanı nümayəndə heyətinə sahibkarlıq universitetinin strategiyası, universitet-sənaye əməkdaşlığının gücləndirilməsi mövzularında ətraflı məlumat verilib. 

Özbəkistanın Cizzak Politexnik İnstitutunun beynəlxalq əlaqələr üzrə prorektoru Camşid Abdunazarov Azərbaycana səfəri çərçivəsində AzTU-nun qonağı olub. Qonaq AzTU-nun rektoru Vilayət Vəliyevlə görüşüb. Rektor Vilayət Vəliyev AzTU-nun beynəlmiləlləşməsi istiqamətində müxtəlif ölkələr, o cümlədən Özbəkistanın texniki ali təhsil müəssisələri ilə əməkdaşlığın əhəmiyyətini qeyd edib. Camşid Abdunazarov təmsil etdiyi ali təhsil müəssisəsində görülən işlər haqqında geniş məlumat verib. Görüşün sonunda hər iki ali təhsil müəssisəsi arasında əməkdaşlıq haqqında memorandum imzalanıb.

Azərbaycan Texniki Universitetinin (AzTU) logistika və nəqliyyat texnlogiyaları mühəndisliyi ixtisasında təhsil alan bir qrup tələbə Bakı Limanına səfər edib. Səfər zamanı tələbələrə Bakı Limanının geostrateji yerləşmə mövqeyi, tarixi, texniki imkanları və burada yaradılan iş imkanları barədə məlumat verib həmçinin, liman haqqında videoçarxlar göstərilib. Qeyd edək ki, tələbələr Bakı Limanının terminallarını da gəzərək yükaşırma əməliyyatlarını izləyib və onların sualları cavablandırılıb.

Azərbaycan Texniki Universitetində (AzTU) Özbəkistanın “Transproyekt” MMC şirkəti və Azərbaycan Yerüstü Nəqliyyat Agentliyinin (AYNA) birgə təşkilatçılığı ilə "Nəqliyyat planlaşdırılması və nəqliyyat axınlarının modelləşdirilməsi" mövzusunda konfrans işinə başlayıb. İştirakçıları salamlayan AzTU-nun rektoru Vilayət Vəliyev konfransın işinə uğurlar arzulayıb. Rektor konfransda əldə olunan nəticələrin nəqliyyat sektorunda yeni yanaşmaların tətbiqi baxımından faydalı olacağını qeyd edib. Daha sonra Rəqəmsal İnkişaf və Nəqliyyat Nazirliyi və AYNA-nın nümayəndələri çıxış edərək konfransın əhəmiyyətindən danışıblar. AzTU-nun Logistika və Nəqliyyat İnstitutunun direktoru Fuad Daşdəmirov şəhərdaxili hərəkət (mobillik) planının hazırlanması istiqamətində görülən işlərlə bağlı geniş təqdimatla çıxış edib. Qeyd edək ki, konfransda Rusiya, Belarus, Qazaxıstan, Özbəkistan, Qırğızıstan və Gürcüstandan olan ali təhsil müəssisələri və şirkətlərin nümayəndələri iştirak edirlər. İki gün davam edəcək konfransda nəqliyyat modellərinin inkişafı, ictimai nəqliyyatın inkişafı və planlaşdırılması, nəqliyyat sistemlərinin real vaxt rejimində idarə olunması, işıqforun tənzimlənməsinin optimallaşdırılması kimi bir sıra mövzularda məruzələrlə yanaşı, “PTV Visum 2024”, “PTV Vissim” və “PTV Viswalk 2024” proqram təminatlarının yenilənən imkanlarına dair təqdimatlar dinləniləcək.

Türkiyənin Bursa şəhərində Naim Süleymanoğlu adına İdman Kompleksində təşkil olunan Alpaqut Turan döyüş sənəti üzrə 4-cü dünya çempionatı başa çatıb. 23 ölkənin yığma komandalarının iştirak etdiyi çempionat idmançıların gərgin mübarizəsi ilə yadda qalıb. Çempionatda Azərbaycan Texniki Universitetinin (AzTU) Energetika və avtomatika fakültəsinin 2-ci kurs tələbəsi Toğrul Zeynallı 55 kq çəki dərəcəsində gümüş medala layiq görülüb. Qeyd edək ki, çempionatın ümumi nəticələrinə görə Azərbaycan komandası 3-cü yeri tutub.

Azərbaycan Texniki Universitetinin (AzTU) Rəqəmsal Transformasiya üzrə Məşvərət Şurasının növbəti iclası keçirilib. İclasda AzTU-nun rektoru Vilayət Vəliyev "İT əsaslı mühəndis hazırlığı" mövzusunda geniş təqdimatla çıxış edib. O, əmək bazarının tələblərinə uyğun peşəkar kadrların hazırlanması prosesində rəqəmsal transformasiyanın və texnologiyaların mühüm əhəmiyyət kəsb etdiyini vurğulayıb. Rektor Türkiyə universitetləri və Türk Aviasiya və Kosmik Sənaye Şirkəti (TUSAŞ) ilə əməkdaşlıq çərçivəsində AzTU-da mühəndis hazırlığı istiqamətində tətbiq edilən yeni yanaşmalar, texnologiyalar və rəqəmsal həllər barədə məlumat verib. Müzakirələr zamanı AzTU -nun Rəqəmsal Transformasiya üzrə Məşvərət Şurasının üzvləri tələbələrdə müasir bacarıqların formalaşması, tədris prosesində rəqəmsal həllərin və texnologiyaların tətbiqi, onlardan effektiv istifadə edilməsi üçün atılacaq addımlar ətrafında təklif və rəylərini bildiriblər.

2023/2024-cü tədris ilində Azərbaycan Texniki Universitetinin (AzTU) Metallurgiya və materialşünaslıq və Maşınqayırma və robototexnika fakültələrinin IV kurs bakalavr tələblərindən ibarət 3 komanda “TUSAŞ Lift Up” – Sənaye Yönümlü Buraxılış (Məzun) Layihələri Müsabiqəsinin qalibi olublar. Türk Aviasiya və Kosmik Sənaye Şirkəti (TUSAŞ) tərəfindən təşkil olunan müsabiqədə məqsəd sonuncu kursda təhsil alan tələbələrin komanda şəklində buraxılış işi – məzun layihəsi həyata keçirməsidir. Bununla bakalavriat səviyyəsini bitirən tələbələr aviasiya problemlərinin həllinə istiqamətlənən mövzularda diplom rəhbərləri və sənaye üzrə məsləhətçilərlə birlikdə TUSAŞ məhsul qrupları (vertolyot, təyyarə, PUA, milli döyüş təyyarələri, kosmik sistemlər və aviasiya konstruksiyaları) üzrə aktual məsələlərin tədqiqində iştirak edirlər. Ölkəmizin ilk dəfə iştirak etdiyi bu müsabiqədə AzTU-nun 3 layihə komandası Türkiyənin 355 layihə komandası ilə eyni vaxtlı prosesdə iştriak edəcək. Layihə başa çatdıqdan sonra komandaların nəticələri yenidən qiymətləndirilərək ən yaxşı 5 fərdi mükafata layiq görüləcək. Komandalarla keçirilən başlanğıc (kick-off meeting) görüşdə AzTU-nun rektoru Vilayət Vəliyev qalib komanda üzvlərini bu böyük uğurları münasibətlə təbrik edib, layihəyə töhfəsi olan professor-müəllif heyətinə təşəkkürünü bildirib və bunun universitet-sənaye işbirliyinə ciddi töhfə olacağını vurğulayıb. O, TUSAŞ-ın baş direktoru Prof. Dr. Təməl Kotil başda olmaqla TUSAŞ ailəsinə, xüsusilə TUSAŞ-ın Universitet-Sənaye Əməkdaşlığı Departamantində fəaliyyət göstərən komandanın üzvlərinə öz təşəkkürünü bildirib.  Qeyd edək ki, professor Arif Məmmədovun rəhbərliyi ilə 5, dosent Heyran Abbasovanın rəhbərliyi ilə 3 və dosent Malik Qarayevin rəhbərliyi ilə 5 bakalavr tələbəsindən (4-cü kurs) ibarət komandalar iş aparacaqlar. Komandalar müvafiq olaraq “Alətlərin istehsalında istifadə olunan polad lövhələrin və profillərin qaz qaynaq qabiliyyətinə pas, soyuducu və səthin təmizlənməsi təsirinin öyrənilməsi” (Takım Üretiminde Kullanılan Çelik Plaka ve Profillerde Pas, Soğutucu Sıvı ve Yüzey Temizliğinin Gaz altı Kaynak Kabiliyetine Etkisinin incelenmesi), “Aluminium xəlitəsindən hazırlanan hissələrin emalı üçün qüvvə analizi əsasında kəsici alətlərin modelləşdirilməsi” (Alüminyum Alaşım İşlemesinde Kuvvet Analizlerine Bağlı Olarak Kesici Takım Modellenmesi) və “Nazik divarlı səthlərin mexaniki emal əməliyyatlarında yonqar çıxarma prosesinin analizi “ (İnce Cidarlı Yüksek Duvarlarda Talaş Kaldırma Operasyonları) mövzularında diplom işlərini – məzun layihələrini yerinə yetirəcəklər. Hər bir layihənin büdcəsi 20.000 türk lirəsi olmaqla cəmi 60.000 türk lirəsi təşkil edir. Bu məbləğ komandaların material xərclərinin ödənilməsi üçün nəzərdə tutulur. Xatırladaq ki, AzTU-nun TUSAŞ ilə əməkdaşlığı 2022-ci ildən etibarən başlayıb və hazırkı istiqamət Universitet-Sənaye Əməkdaşlığı və Ömürboyu Təhsil Mərkəzi tərəfindən koordinasiya edilir. 

Azərbaycan Texniki Universitetində (AzTU)  “Maşınqayırma və energetika: yeni konsepsiyalar və tex­nologi­ya­lar” II beynəlxalq elmi-praktiki konfrans işinə başlayıb. Konfrans iştirakçıları əvvəlcə universitetin foyesində ulu öndər Heydər Əliyevin büstünün önünə gül dəstələri düzüb. Daha sonra ümummilli lider Heydər Əliyevin və torpaqlarımızın ərazi bütövlüyü və suverenliyi uğrunda canlarından keçən Vətən övladlarının əziz xatirəsi bir dəqiqəlik sükutla yad olunub. Azərbaycanın Dövlət Himni səsləndirilib. AzTU-nun rektoru Vilayət Vəliyev beynəlxalq konfransın plenar iclasında bildirib ki, tədbir Almaniyanın Brandenburq Texniki Universiteti və Türkiyənin Qazi Universiteti ilə birgə təşkil olunub. Qeyd edib ki, konfransın fəaliyyəti maşınqayırma və energetika sahələrinin müəssi­sə­lə­ri­nin inkişaf perspektivlərinin, yeni elmi və istehsal həll yollarının, tex­no­lo­gi­ya­la­rın, mövcud vəziyyətdə iqtisadi cəhətdən səmərəli istehsal sahələrinin axtarı­şı­na, istehsal sektorunda kiçik və orta biznesin formalaşması və inkişafı ilə bağlı geniş müzakirələrin, eləcə də universitet-sənaye iş birliyi, nüfuzlu elm məktəbləri və müəssisə rəhbərləri ilə qarşılıqlı əla­qə­lə­rin yaradılmasına yönəlib. Məqsəd maşınqayırma və enerji sa­hə­lə­ri­nin inkişafının təmini ilə əlaqədar elm, təhsil və tədqiqat sahələrinə ekoloji təhlükəsizlik və bu sahələrin infrastrukturunun iqtisadi səmərəliliyinin artmasını müəyyənləşdirən yeni çağırışların formalaşdırılmasıdır. Daha sonra Brandenburq Texniki Universiteti Cottbus-Senftenbergin (BTU Cottbus-Senftenberg) rektoru Gesine Grande və Qazi Universitenin rektoru  Musa Yıldız konfransa onlayn qoşularaq iştirakçılara uğurlar arzulayıblar. Konfransda 7 ölkənin 37 müəssisəsinin əməkdaşları (Azərbaycan 18, Türkiyə -5, Russiya 7, Almaniya 4, Belarus 1, Qazaxıstan 1, İsveç 1) çıxış edəcək.   Plenar iclasda ümumilikdə 93 məruzə dinləniləcək və  müzakirə ediləcək. Konfransın nəticələrinə əsəsan, konfrans materialları İsveçrənin “Trans Tech Publication” nəşriyyatı tərəfindən nüfuzlu xülasələndirmə və indeksləmə sistemlərinə (bazalarına) daxil olan 6 jurnalda çap olunmaq üçün tövsiyə ediləcək. 6 bölmədə işini davam etdirən konfrans dekabrın 5-də  yekunlaşacaq.  

Türkiyənin Antalya şəhərində “Türkiyə Cümhuriyyətinin 100-cü ildönümündə universitet kitabxanalarını yenidən düşünmək” mövzusunda beynəlxalq konfrans keçirilib. Anadolu Universitet Kitabxanaları Konsorsiumunun (ANKOS) təşkil etdiyi konfransda Azərbaycan Texniki Universitetini (AzTU) Kitabxana İnformasiya Mərkəzinin (KİM) Təlim və tədqiqat xidmətləri şöbəsinin müdiri Lamiyə Miryaqubova təmsil edib. Dünyanın müxtəlif ölkələrindən 500-ə yaxın nümayəndənin iştirak etdiyi konfransın panel və sessiyalarında süni intellektin kitabxanalara təsiri və tətbiqi, akademik kitabxanlarda inkişaf və yeniliklər, informasiyanın davamlılığı, verilənlər bazalarından istifadə, yeni texnoloji yeniliklərin tətbiqi və s. mövzularda çıxışlar olub. Konfrans çərçivəsində AzTU əməkdaşı “IEEE”, “Elsevier”, “EndNote”, “Wiley”,  “EBSCO İnformation Services”, “Springer Nature”, “Edward Elgar” və s. şirkətlərin nümayəndələri ilə görüşüb. Görüşlərdə AzTU KİM ilə yeni əməkdaşlıq əlaqələrinin qurulması haqqında faydalı müzakirələr aparılıb.