Azərbaycan Texniki Universitetinin (AzTU) rektoru Vilayət Vəliyev Albaniyanın Tirana Politexnik Universitetində səfərdə olub.

Rektor universitetin rəhbərliyi və əməkdaşları ilə görüşüb, AzTU haqqında geniş təqdimatla çıxış edib.

Təqdimat zamanı AzTU-da təhsil, elmi-tədqiqat, beynəlxalq əməkdaşlıq sahəsində həyata keçirilən fəaliyyətlər, yeniliklər, dünya reytinqində universitetin yeri və digər məsələlər haqqında məlumat verilib.

Səfər çərçivəsində rektor Tirana Politexnik Universitetinin təhsil, tədqiqat və beynəlxalq əməkdaşlıq imkanları ilə tanış olub. Hər iki universitet arasında elmi-tədqiqat, innovasiya və tələbə-müəllim mobilliyi istiqamətlərində əməkdaşlıq imkanları müzakirə olunub.