Azərbaycan Texniki Universitetinin (AzTU) sənaye mühəndisliyi ixtisasının 4-cü kurs tələbələrinin Bakı Gəmiqayırma Zavodunda istehsalat təcrübəsi uğurla davam edir. 

Tələbələrin keyfiyyətli təlimini təmin etmək, müasir  istehsalat prosesləri ilə onları tanış etmək məqsədilə AzTU-nun Maşın dizaynı və sənaye texnologiyaları kafedrası ilə Bakı Gəmiqayırma Zavodunda Tədris Mərkəzinin hazırladığı proqram əsasında təcrübə effektiv təşkil olunub.

Təcrübə proqramı müddətində öyrənməyə açıq, təşəbbüskar, yenilikçi, həvəsli, istehsalat təcrübəsini uğurla başa vuran tələbələr seçilərək onlara sertifikat təqdim olunacaq. Həmçinin onlar zavodda işləmək imkanı qazanacaqlar.