Azərbaycan Texniki Universitetində (AzTU) “Universitetlərdə Süni İntellekt: Dəyişiklik Qapımızda” adlı elmi-praktik tədbir keçirilib. Tədbirdə AzTU-nun professor-müəllim heyəti, təhsil mütəxəssisləri və tələbələr iştirak edib. 

Əsas məruzəçi qismində çıxış edən Türkiyənin Çankaya Universitetinin prorektoru, tanınmış alim Prof. Dr. Buket Akkoyunlu süni intellekt texnologiyalarının ali təhsil müəssisələrində tətbiqi, müəllimlərin bu texnologiyalarla qarşılıqlı fəaliyyəti və yeni rolları, tədris strategiyalarının yenidən qurulması və etik məsələlərə dair dəyərli fikirlərini iştirakçılarla bölüşüb.

Tədbirin sonunda süni intellektin tədris proseslərinə inteqrasiyası, təhsildə yarana biləcək çağırışlar və yeni imkanlar barədə müzakirələr aparılıb.