“Regional İnkişaf” İctimai Birliyi (RİİB) tərəfindən icra edilən Azad Mirzəcanzadə inkişaf proqramı çərçivəsində Azərbaycan Texniki Universitetində (AzTU) infosessiya keçirilib. İştirakçıları salamlayan AzTU-nun rektoru Vilayət Vəliyev innovativ gənc mühəndislərin aşkar olunması, onların ideyalarıın dəstəklənməsi istiqamətində görülən işləri təqdirəlayiq hesab edib. Tədbir zamanı iştirakçılara proqramın məqsədi, icra mərhələləri, qeydiyyat prosesi barədə ətraflı məlumat verilib. Bildirilib ki, proqrama təqdim edilən layihə təklifləri aktuallığı, reallığı, innovativ və yenilikçi olması əsasında seçiləcək. İkinci mərhələdə iştirakçılara layihələrin hazırlanması və təqdimatı istiqamətində peşəkar dəstək veriləcək, həmçinin onların liderlik bacarıqlarının inkişafı üçün müxtəlif fəaliyyətlər təşkil olunacaq. Sonda qalib olan layihələrin icrası üçün maliyyə vəsaiti ayrılacaq. Qeyd edək ki, Azad Mirzəcanzadə inkişaf proqramı yeni imkanları dəyərləndirməyi, aktual problemlərin yaradıcı həlli yollarını tapmağı bacaran, dayanıqlı gələcəyə töhfə verməyə çalışan, çevik, innovativ yanaşmalara sahib gənclərin üzə çıxarılması və onların inkişafına dəstək verilməsi məqsədi daşıyır. Proqrama qoşulmaq istəyən 18-35 yaşarası hər bir Azərbaycan vətəndaşı  https://bitly.ws/VVKj linki vasitəsilə qeydiyyatdan keçə bilər.

Türkiyənin Milli Müdafiə Nazirliyinin tərkibindəki Makina və Kimya Sənayesi Korporasiyasının (MKEK) baş direktoru Prof. Dr. İlhami Keleşin rəhbərlik etdiyi nümayəndə heyəti ölkəmizə səfəri çərçivəsində Azərbaycan Texniki Universitetində (AzTU) olub. AzTU-nun fəaliyyəti barədə nümayəndə heyətinə geniş məlumat verən rektor Vilayət Vəliyev müasir dövrdə mühəndislik universitetlərində tədris və tədqiqatın keyfiyyətinin yüksəldilməsində universitet-sənaye əməkdaşlığının əhəmiyyətini diqqətə çatdırıb. Nümayəndə heyəti AzTU-da fəaliyyət göstərən “Bilişim Vadisi Bakı”, “Cezeri” laboratoriyası və digər mərkəzləri ziyarət edib. Ziyarət zamanı “Bilşim Vadisi Bakı”da təmsil olunan rezident şirkətlərin AzTU-da aparılan mühəndis hazırlığına faydaları, universitet-sənaye əməkdaşlığının inkişafında rolu, innovasiyaların dəstəklənməsinə verəcəkləri töhfələri barədə fikir mübadiləsi aparılıb. Daha sonra təfərlər gələcək əməkdaşlıq imkanları barədə müzakirələr aparıblar.

Azərbaycan Texniki Universitetinin (AzTU) İctimai Şurasının növbəti iclası keçirilib. İclasda AzTU-da son vaxtlar həyata keçirilən layihələr, görülən işlər və yeniliklər barədə geniş fikir mübadiləsi aparılıb. Müzakirələr zamanı universitetdə yaradılmış “Bilişim Vadisi Bakı”nın fəaliyyətindən də danışılıb. Həmçinin mühəndis hazırlığı istiqamətində AzTU-da tətbiq olunan yeni yanaşmalar təqdirəlayiq hesab olunub. Daha sonra AzTU İctimai Şura üzvləri “Bilişim Vadisi Bakı” ilə tanış olub, bu sahədə perspektivlər müzakirə edilib. Şura üzvləri “Bilşim Vadisi Bakı”da təmsil olunan rezident şirkətlərin AzTU-da aparılan mühəndis hazırlığına faydası barədə maraqlanıb eyni zamanda, innovasiyaların dəstəklənməsi üçün mümkün mexanizmlər haqqında fikirlərini bildiriblər. Universitet-sənaye əməkdaşlığının müasir modelləri, yeni əməkdaşlıq platformaları barədə də geniş müzakirələr aparılıb.

Head of the Department of Mechanical Engineering Technology, Professor Nizami Yusubov, has been awarded a DAAD scholarship for his scientific research work titled “Process Modeling for the Planning of Productive Operations in Machining” (“Prozessmodellierung für die Planung von produktiven Arbeitsgängen in der spanenden Fertigung”), which he submitted to the 2023 grant competition held by the German Academic Exchange Service (DAAD).Nizami Yusubov, invited by DAAD, conducted scientific research on the same topic at the Fraunhofer Institute for Large Structures in Production Technology and the Department of Production Technologies at the University of Rostock, Germany, from July 1 to September 30, 2023. During the trip, the professor from AzTU conducted experimental research in collaboration with the Institute Director and Head of the Department, Professor Wilko Flügge, to verify the application of these mathematical models to both mathematical and real machining processes. The aim of the scientific research was to enhance machining efficiency on automated CNC machines through adaptive control methods. Nizami Yusubov also presented at a seminar on “Increasing the Efficiency of Multipoint Machining in Automated CNC Machining Centers” at the Fraunhofer Institute for Large Structures in Production Technology and the Department of Production Technologies at the University of Rostock.To expand collaboration, discussions were held in Rostock with Professor Wilko Flügge, professors Silvio Simon and Andreas Burger from Brandenburg University of Technology Cottbus-Senftenberg (BTU Cottbus-Senftenberg), AzTU Professor Nizami Yusubov, and Dean of the Faculty of German Engineering, Arastun Mammadov, regarding joint participation in the development of master’s and doctoral programs, as well as other matters. It was noted that in the future, joint research work between German universities and AzTU is planned to further develop this collaboration.

Azərbaycan Texniki Universitetində (AzTU) Mediasiya Şurasının üzvləri ilə tələbələrin görüşü keçirilib. Görüşdə Mediasiya Şurasını Bakı 10 saylı Mediasiya Təşkilatının nümayəndələri təmsil edib. Bakı 10 saylı Mediasiya Təşkilatının rəhbəri Rauf Əzimov, təşkilatın mediatorları Orxan Abbasov və Natiq Məmmədov tələblərlə mediasiya ilə bağlı zəruri məlumatlar veriblər. Görüşdə mediasiyanın rolu və əhəmiyyəti müzakirə olunub, tələbələri bu istiqamətdə maraqlandıran suallar cavablandırılıb.

Azərbaycan Texniki Universitetinin (AzTU) Beynəlxalq ticarət, logistika və marketinq kafedrasının müəllimi Nigar Qurbanzadə “Erasmus+ KA171” mobillik proqramı çərçivəsində İtaliyanın Roma Sapienza Universitetində akademik heyət üçün nəzərdə tutulmuş iki həftəlik mobillikdə iştirak edib. Proqram çərçivəsində o, beynəlxalq tədris metodologiyası ilə tanış olub, Sapienza Universitetinin Menecment kafedrasının professorları ilə birgə çalışmaq fürsəti əldə edib. Nigar Qurbanzadə həmçinin İqtisadiyyat fakültəsinin tələbələrinə performansın idarəedilməsi, innovativ texnologiyanın inkişafı və iqtisadiyyatda rolu fənlərindən mühazirə deyib.

Azərbaycan Texniki Universitetinin (AzTU) Kitabxana İnformasiya Mərkəzinin (KİM) nəzdində fəaliyyət göstərən AzTU Kitab Klubunun təşkilatçılığı ilə "Effektiv ünsiyyət və kommunikasiya bacarıqları" adlı seminar keçirilib. Əvvəlcə KİM-in direktoru Xəyalə Hacıyeva AzTU Kitab Klubunun fəaliyyəti haqqında məlumat verib. Bildirib ki, klub mütəmadi olaraq tələbələr və əməkdaşlar üçün müxtəlif mövzularda təlim və seminarlar təşkil edir. Məqsəd mütaliəyə marağın artırılması, gənclərin özünüifadə bacarıqlarının inkişaf etdirilməsi, həmçinin kitabxanadan və kitabdan düzgün istifadə qaydalarını formalaşdırmaqdır. Daha sonra KİM-in Təlim və tədqiqat xidmətləri şöbəsinin müdiri, psixoloq, təlimçi Lamiyə Miryaqubova, klinik psixoloq, Psixologiya Elmi Tədqiqat İnstitutunun əməkdaşı Fuad Əsədov, psixoloq, təlimçi, “LANDAU School”un əməkdaşı Leyla Sultan iştirakçılara mövzu üzrə zəruri məlumatlar veriblər. Sonda iştirakçıların sualları cavablandırılıb. 

Elm və Təhsil Nazirliyinin təşkilatçılığı ilə “Elsevier” şirkəti tərəfindən Azərbaycan Texniki Universitetinin (AzTU) əməkdaşları üçün “Scopus” və “ScienceDirect” bazalarından istifadə ilə bağlı təlim keçirilib. Əvvəlcə AzTU-nun elm və innovasiyalar üzrə prorektoru Sübhan Namazov təlimin mahiyyəti barədə iştirakçılara məlumat verib. Daha sonra “Elsevier” şirkətinin nümayəndəsi Kirill İvanov “Scopus” və “ScienceDirect” bazalarından istifadə ilə bağlı zəruri məlumatları diqqətə çatdırıb. Təlimdə “Özünü qiymətləndirmə, hədəf müəyyən etmə və uzun müddətli planlaşdırma”, “Data əsaslı qərar qəbuletmə”, “Tədqiqat infrastrukturunun inkişafı üçün potensialın yaradılması”, “Akademik heyət və tədqiqatçılar üçün baza kompetensiyaları” və digər mövzularda iştirakçılara ətraflı məlumat verilib.

Pakistan İslam Respublikasının Milli Elm və Texnologiya Universitetinin (METU) nümayəndə heyəti Azərbaycan Texniki Universitetinin (AzTU) qonağı olub. Qonaqlar AzTU-nun rektoru Vilayət Vəliyev və universitetin nümayəndələri ilə görüşüb. Qonaqları salamlayan AzTU-nun rektoru Vilayət Vəliyev universitetdə son illər həyata keçirilən yeniliklərdən danışıb. Rektor Azərbaycanla Pakistanın texniki universitetləri arasında tədris və tədqiqat sahəsində əməkdaşlığın daha da genişləndirilməsinin vacibliyini vurğulayıb. METU nümayəndə heyətinin rəhbəri, tədqiqat, innovasiya və kommersiyalaşdırma üzrə prorektor Rizvan Riazın təmsil etdiyi ali təhsil müəssisəsi haqqında məlumat verib. Bildirib ki, METU innovasiya və startap ekosisteminin inkişafına xüsusi önəm verir. Görüşdən sonra universitetlər arasında əməkdaşlıq haqqında anlaşma memorandumu imzalanıb.

Azərbaycan Texniki Universitetinin (AzTU) Xüsusi texnika və texnologiya fakültəsinin birinci kurs tələbəsi Bəxtiyar Paşayev ürəktutmasından vəfat edib. AzTU-nun rəhbərliyi və kollektivi Bəxtiyar Paşayevin vaxtsız vəfatından kədərlənir, ailəsinə və yaxınlarına başsağlığı verir. Allah rəhmət eləsin!