Azərbaycan Texniki Universitetinin (AzTU) tərəfdaşı olduğu “Erasmus+KA2” proqramı üzrə həyata keçirilən “Azərbaycanda institutsional repozitoriyalar (rəqəmsal arxivlər) şəbəkəsi vasitəsilə tədqiqat potensialının inkişaf etdirilməsi” (DIRNA) layihəsi çərçivəsində Gəncə Dövlət Universitetində yay məktəbi təşkil edilib. 5 gün davam edən təlimlərdə AzTU Kitabxana İnformasiya Mərkəzinin direktoru (KİM) Xəyalə Hacıyeva, İnformasiya kommunikasiya texnologiyaları şöbəsinin müdiri İnam Həsənov, kitabxana proseslərinin avtomatlaşdırılması və rəqəmsallaşdırılması üzrə baş məsləhətçi İltifat İbrahimov, metaverilənlər üzrə böyük mütəxəssis Yeganə Cəfərova iştirak edib. Yay məktəbi boyunca AzTU əməkdaşları Türkiyənin İzmir Texniki Universiteti, Finlandiyanın Jyväsklä Universiteti, İtaliyanın L'Aquila Universiteti əməkdaşları tərəfindən təqdim olunan təlim proqramında iştirak edib, Açıq Əlyetərlilik və Açıq Elm prinsipləri, hüquqi tənzimləmələr, “Creative Commons” Lisenziyaları, "European Open Science Cloud" tətbiqləri, açıq nəşr etikası mövzularında çıxışlar dinlənilib.  Təlimin son 2 günü tətbiqi tapşırıqlar üzərindən davam etdirilib. Təlimlər zamanı AzTU-nun Rəqəmsal Repozitoriyası, “Open Access” və “Open Science” hüquqi tənzimləmə sənədləri, Müəlliflər üçün Repozitoriya resurs təqdimat forması təlimçilərə və iştirakçılara nümayiş etdirilib, daha sonra Dublin Core formatı təsvir qaydalarına əsasən metaverilənlər repozitoriyaya daxil edilib.  Qeyd edək ki, AzTU KİM əməkdaşları Avropa Komissiyası yanında Açıq Elm və Açıq Əlyetərlilik təşkilatı olan “OpenAİRE” təşkilatına milli əlaqələndirici (National Open Access Desk) təyin edilib və təşkilatın idarə heyəti nümayəndələri bu barədə məlumatı təlimçilərə rəsmi olaraq elan edib. 

Türkiyə-Azərbaycan Universiteti (TAU) ilə bağlı Azərbaycan Texniki Universitetində (AzTU) təşkil olunan “Açıq qapı” günü davam edir. “Açıq qapı” günündə əsasən qəbul imtahanında yüksək nəticə göstərən abituriyentlər və onların valideynləri iştirak edir. Görüş zamanı TAU-nun prorektoru Mehmet Şimşir və tərəfdaş universitetlərin nümayəndələri abituriyentləri maraqlandıran sualları cavablandırır. Qeyd edək ki, TAU-da tədris prosesinə Türkiyədən Orta Doğu Tekniki Universiteti, İstanbul Tekniki Universiteti və Haccettepe Universiteti, Azərbaycandan isə Azərbaycan Texniki Universiteti tərəfdaş kimi cəlb olunub. Yeni tədris ilində universitetdə kompüter mühəndisliyi, sənaye mühəndisliyi, qida mühəndisliyi ixtisasları üzrə tədris aparılacaq. Bütün ixtisaslar üzrə tədris ingilis dilində həyata keçiriləcək.

Türkiyənin Zonguldak Bülent Ecevit Universitetinin prorektorları professor Servet Karasu və professor Şenol Hakan Kutoğlu Azərbaycan Texniki Universitetində (AzTU) olublar. Qonaqlar AzTU-nun rektoru Vilayət Vəliyev və universitetin nümayəndələri ilə görüşüblər. Rektor Vilayət Vəliyev AzTU-da görülən işlər və həyata keçirilən yeniliklər haqqında qonaqlara ətraflı məlumat verib. Prorektorlar Servet Karasu və Şenol Hakan Kutoğlu təmsil etdikləri ali təhsil müəssisəsinin fəaliyyəti haqqında danışıblar. Görüşdə müvafiq istiqamətlər üzrə tədris və tədqiqat sahəsində əməkdaşlıq imkanları müzakirə olunub. 

Türkiyə-Azərbaycan Universiteti (TAU) ilə bağlı Azərbaycan Texniki Universitetində (AzTU) təşkil olunan “Açıq qapı” günü davam edir. Avqustun 10-da keçirilən “Açıq qapı” günündə də abituriyentlərin TAU-ya böyük marağı müşahidə olunub. Abituriyentlər və onların valideynləri TAU-nun prorektoru Mehmet Şimşir və tərəfdaş universitetlərin nümayəndələri ilə görüşüb. Görüş zamanı abituriyentlərin TAU ilə bağlı sualları cavablandırılıb. Qeyd edək ki, TAU-da tədris prosesinə Türkiyədən Orta Doğu Tekniki Universiteti, İstanbul Tekniki Universiteti və Haccettepe Universiteti, Azərbaycandan isə Azərbaycan Texniki Universiteti tərəfdaş kimi cəlb olunub. Yeni tədris ilində universitetdə kompüter mühəndisliyi, sənaye mühəndisliyi, qida mühəndisliyi ixtisasları üzrə tədris aparılacaq. Bütün ixtisaslar üzrə tədris ingilis dilində həyata keçiriləcək.

Xəbər verdiyimiz kimi, Türkiyə-Azərbaycan Universiteti (TAU) ilə bağlı Azərbaycan Texniki Universitetində (AzTU) “Açıq qapı” günü keçirilir. Avqustun 8-də təşkil olunan “Açıq qapı” günündə qəbul imtahanında yüksək nəticə göstərən abituriyentlər və onların valideynləri iştirak edib. TAU-nun prorektoru Mehmet Şimşir abituriyentlər və onların valideynləri ilə görüşərək universitetlə bağlı onları maraqlandıran sualları cavablandırıb. Qeyd edək ki, TAU-da tədris prosesinə Türkiyədən Orta Doğu Tekniki Universiteti, İstanbul Tekniki Universiteti və Haccettepe Universiteti, Azərbaycandan isə Azərbaycan Texniki Universiteti tərəfdaş kimi cəlb olunub. Yeni tədris ilində universitetdə kompüter mühəndisliyi, sənaye mühəndisliyi, qida mühəndisliyi ixtisasları üzrə tədris aparılacaq. Bütün ixtisaslar üzrə tədris ingilis dilində həyata keçiriləcək.

Türkiyə-Azərbaycan Universiteti (TAU) ilə bağlı Azərbaycan Texniki Universitetində (AzTU) təşkil olunan “Açıq qapı” günü davam edir. “Açıq qapı” günündə iştirak edənlər arasında 600 baldan yüksək nəticə göstərən abituriyentlər çoxluq təşkil edir. TAU-nun prorektoru Mehmet Şimşir abituriyentlərlə görüşərək onların universitetlə bağlı suallarını cavablandırır. Qeyd edək ki, TAU-da tədris prosesinə Türkiyədən Orta Doğu Tekniki Universiteti, İstanbul Tekniki Universiteti və Haccettepe Universiteti, Azərbaycandan isə Azərbaycan Texniki Universiteti tərəfdaş kimi cəlb olunub. Yeni tədris ilində universitetdə kompüter mühəndisliyi, sənaye mühəndisliyi, qida mühəndisliyi ixtisasları üzrə tədris aparılacaq. Bütün ixtisaslar üzrə tədris ingilis dilində həyata keçiriləcək.

Azərbaycan Texniki Universitetinin (AzTU) rektoru Vilayət Vəliyev qəbul imtahanlarında yüksək bal toplayan abituriyentlər və onların valideynləri ilə görüşüb. Rektor universitetdə görülən işlər və həyata keçirilən layihələr, ikili diplom proqramları, beynəlxalq və yerli əməkdaşlıqlar, universitet-sənaye işbirliyi, tələbələr üçün yaradılan karyera imkanları barədə abituriyentlərə məlumat verib. Daha sonra abituriyentlərin seçəcəkləri ixtisaslarla bağlı onları maraqlandıran suallar cavablandırılıb.

Dövlət İmtahan Mərkəzi (DİM) tərəfindən keçirilən qəbul imtahanlarında yüksək bal toplayan abituriyentlər Azərbaycan Texniki Universitetinə (AzTU) ekskursiya edib. Abituriyentlərə AzTU-da görülən işlər, həyata keçirilən layihələr, ikili diplom proqramları, beynəlxalq əlaqələr və s. barədə ətraflı məlumat verilib. Daha sonra abituriyentlər AzTU-nun kampusu ilə tanış olub, laboratoriya və auditoriyalara baxış keçiriblər.

2024-2025-ci tədris ilində Türkiyə-Azərbaycan Universitetinə (TAU) tələbə qəbulu aparılacaq. Bunun üçün abituriyentlər 9-19 avqust tarixlərində ixtisas seçimində iştirak edərək TAU-nun tədris ingilis dilində aparılacaq ixtisaslarını (kompüter mühəndisliyi, sənaye mühəndisliyi, qida mühəndisliyi) seçə bilərlər. TAU-da tədris prosesinə Türkiyədən Orta Doğu Teknik Universiteti, İstanbul Tekniki Universiteti və Haccettepe Universiteti, Azərbaycandan isə Azərbaycan Texniki Universiteti tərəfdaş kimi cəlb olunub.

Azərbaycan Texniki Universitetinin (AzTU) SABAH qrupları tələbələri (bakalavriat və magistratura səviyyəsi üzrə) Rəqəmsal İnkişaf və Nəqliyyat Nazirliyi (RİNN) ilə İsrailin Texnion Universitetinin əməkdaşlığı çərçivəsində keçirilən təhsil layihəsində yüksək nəticə göstəriblər. Belə ki, AzTU “SABAH Magistratura” proqramlarının kibertəhlükəsizlik ixtisasında təhsil alan Əfqan Qədirov Azərbaycan Kibertəhlükəsizlik Mərkəzinin (AKM) 3-cü dalğasında ən yüksək ortalama göstərici ilə 1-ci yerə layiq görülüb. Digər tələbələrə isə fəqrləndikləri üçün sertifikat təqdim olunub. AzTU rektoru Vilayət Vəliyev təlimdə qalib olan və uğur qazanan tələbələrlə görüşüb, onlara uğurlar arzu edib. Qeyd edək ki, təhsil layihəsi çərçivəsində İsrailin Texnion Universitetinin müəllimləri AKM-in 3-cü dalğasına müraciət etmiş 1907 namizədin həm İT biliklərini yoxlayıb, həm də müsahibə bacarıqlarını testdən keçirib. Hər iki mərhələdə uğur qazanmış namizədlərə “Blue team” və “Red team” istiqamətində 6 aylıq təlimlər təşkil edilib.