Azərbaycan Texniki Universitetinin (AzTU) İnformasiya texnologiyaları və telekommunikasiya fakültəsinin “Peerstack Academy”də proqramlaşdırma kursu keçən tələbələrinin layihələrinin təqdimatı olub.

Layihə rəhbəri Camal Rzayev və əməliyyatlar üzrə direktor Məryəm Abbaszadə-Poladova fənn əvəzləməsi çərçivəsində kurs keçən tələbələrin layihə müddətində komanda ilə işləmə bacarığını, fəallığını yüksək qiymətləndirib və bütün tələbələri proqramlaşdırma kursunu müvəffəqiyyətlə başa vurmaları münasibətilə təbrik edib.

İnformasiya texnologiyaları və telekommunikasiya fakültəsinin dekanı Leyla Məmmədova tələbələrin proqramlaşdırma sahəsində praktik təcrübə qazanmasının əhəmiyyətini vurğulayıb və iştirakçılara uğurlar arzu edib.

Daha sonra tələbələr öz layihələrini təqdim edib və qazandıqları təcrübə haqqında təəssüratlarını bölüşüblər.

Sonda tələbələrə sertifikatlar təqdim olunub.