Azərbaycan Texniki Universitetinin (AzTU) bakalavriat səviyyəsində təhsil alan tələbələri Pakistanın Milli Elm və Texnologiya Universitetində 2025/2026 tədris ilinin payız semestrində təhsil almaq üçün müraciət edə bilərlər.

Qeyd edək ki, Milli Elm və Texnologiya Universitetində tədris yalnız ingilis dilində aparılır.

Tədris olunan ixtisas və fənlərin siyahısı

●     İxtisaslar və illər üzrə tədris planları

Mübadilə üçün şərtlər və tələb olunan sənədlər:

●     Bakalavr tələbəsi olmaq (1-ci və 2-ci kurs)

●     Ərizə forması

●     Transkript (ÜOMG minimum 75 bal)

●     İngilis dili biliyini təsdiq edən sənəd (minimum B2 səviyyəsi)

QEYD: Mübadilə əməkdaşlıq müqaviləsi çərçivəsində aparıldığına görə Milli Elm və Texnologiya Universitetində 1 semestrlik təhsil haqqı istisna olmaqla, digər bütün xərclər (yol, qalmaq və gündəlik xərclər) tələbənin özü tərəfindən qarşılanacaq.

Mübadilədə iştirak etmək istəyən tələbələrdən tələb olunan sənədləri [email protected] elektron poçt ünvanına göndərmələri xahiş olunur.

●     Sənədlər siyahıya uyğun göndərilmədiyi təqdirdə müraciətlər qeydə alınmayacaq.

●     IELTS və ya TOEFL sertifikatı olanlara seçim zamanı üstünlük veriləcək.

●     Sertifikat təqdim edilmədikdə ingilis dili biliyi üzrə imtahan təşkil olunacaq.

Müraciət üçün son tarix: 13.04.2025

Əlaqə:

Beynəlxalq əlaqələr şöbəsi (AzTU, əsas korpus, 3-cü mərtəbə, 325-ci otaq)

E-poçt: [email protected]

Tel: (+994 12) 539 13 48