Azərbaycan Texniki Universiteti (AzTU) Türkiyənin Sakarya Tətbiqi Elmlər Universiteti ilə “Erasmus+” mübadilə proqramı çərçivəsində əməkdaşlığı uğurla davam etdirir. Əməkdaşlıq çərçivəsində Sakarya Tətbiqi Elmlər Universitetinin Peşə Məktəbinin Elektronika və avtomatika mühəndisliyi kafedrasının müəllimi Meltem Eyüboğlu Özcan AzTU-da səfərdə olub.

AzTU-nun Mexatronika kafedrasının akademik heyətilə görüşən qonaq kafedranın tədris infrastrukturu, texniki bazası və laboratoriyaları ilə yaxından tanış olub, birgə layihələrin həyata keçirilməsi istiqamətində müzakirələr aparıb. Meltem Eyüboğlu Özcan AzTU-nun mexatronika və robototexnika mühəndisliyi ixtisası üzrə təhsil alan tələbələrinə “Robototexnika konseptləri” və “Robotik proseslərin avtomatlaşdırılması” mövzularında mühazirə oxuyub.