Azərbaycana səfərə gələn Rumıniyanın “1 dekabr 1918” Alba Lulia Universitetinin rektoru professor Daniel Valer Breazın rəhbərlik etdiyi nümayəndə heyəti Azərbaycan Texniki Universitetinin (AzTU) qonağı olub. Qonaqlar AzTU-nun tədris işləri üzrə prorektoru professor Nurəli Yusifbəyli və universitetin nümayəndələri ilə görüşüb.

Prorektor Nurəli Yusifbəyli universitetdə görülən işlər, həyata keçirilən layihələr, AzTU-nun hədəfləri barədə məlumat verib.

Görüş zamanı AzTU ilə “1 dekabr 1918” Universiteti arasında əməkdaşlığın qurulması istiqamətində fikir mübadiləsi aparılıb. Hər iki universitetin uyğun sahələr üzrə birgə tədqiqat aparması, müəllim-tələbə mübadiləsi, birgə layihələrdə iştirak imkanları müzakirə olunub.