ETİHİ Respublika Komitəsinin təşkilatçılığı ilə Elm və Təhsil İşçiləri Həmkarlar İttifaqı Komitəsinin Təhsil-İstirahət Mərkəzində keçirilən “Novruz 2026” düşərgəsi çərçivəsində müxtəlif idman və intellektual yarışlar təşkil olunub.

Düşərgə proqramına uyğun olaraq keçirilən voleybol yarışında Azərbaycan Texniki Universitetini (AzTU) təmsil edən “AZTU-1” və “AZTU-2” komandaları uğurla çıxış edib. Nəticədə komandalar müvafiq olaraq 1-ci və 2-ci yerlərə layiq görülüblər.

Bununla yanaşı, düşərgə çərçivəsində təşkil olunan intellektual yarışda I yerə media komandası, II yerə isə AzTU-nu təmsil edən “AzTex” komandası layiq görülüb.

Tədbirin yüksək səviyyədə təşkilində Elm və Təhsil İşçiləri Həmkarlar İttifaqı Komitəsinin sədri Araz Paşayevin, həmçinin təşkilatçılıqda əməyi olan kollektiv üzvlərinin və könüllülərin fəaliyyəti xüsusi qeyd olunub.