Polşa Jeşuv Texnologiya Universitetinin Beynəlxalq əlaqələr şöbəsinin əməkdaşı Monika Stanisz "Erasmus+" mübadilə proqramı çərçivəsində Azərbaycan Texniki Universitetinə (AzTU) səfər edib. Səfər çərçivəsində Monika Stanisz bir həftə boyunca AzTU-nun Beynəlxalq əlaqələr şöbəsində təlim keçib və burada şöbənin fəaliyyəti, beynəlxalq əməkdaşlıqlar, həyata keçirilən layihələrlə yaxından tanış olub.

Həmçinin səfər müddətində iki universitet arasında mövcud olan əməkdaşlığın daha da genişləndirilməsi müzakirə olunub. 

Monika Stanisz və AzTU-nun Beynəlxalq əlaqələr şöbəsinin əməkdaşları gələcəkdə birgə layihələrin həyata keçirilməsi, yeni mübadilə proqramlarının təşkili və akademik təcrübə mübadiləsi kimi mövzularda fikir mübadiləsi aparıblar.