Azərbaycan Texniki Universitetinin (AzTU) Energetika və avtomatika fakültəsinin Enerji effektivliyi və yaşıl enerji texnologiyaları kafedrasının əməkdaşlarının layihəsi Kiçik və Orta Biznesin İnkişafı Agentliyinin (KOBİA) təşkilatçılığı ilə KOB-ların təhsil, elm, tədqiqat və dəstək layihələrinin maliyyələşdirilməsi ilə bağlı elan edilmiş 6-cı qrant müsabiqəsinin qalibi olub.  

“Pyezoelektrik materiallardan istifadə olunmaqla elektrik enerjisi istehsalının və tətbiq sahələrinin tədqiqi” adlı layihənin maliyyə həcmi 16704 manatdır.

Layihənin məqsədi pyezoelektrik materiallarından alınan elektrik enerjisinin tətbiq sahələrinin genişləndirilməsidir.