Azərbaycan Texniki Universitetində (AzTU) Türkiyənin laboratoriya avadanlıqlarının istehsalı ilə məşğul olan “Argemsan” şirkətinin nümayəndələri ilə görüş keçirilib.
Görüşdə tərəflər arasında texniki əməkdaşlıq imkanları, müxtəlif ixtisaslar üzrə laboratoriyaların təchizatı, həmçinin birgə layihələrin həyata keçirilməsi müzakirə olunub.
Sonda tərəflər gələcək əməkdaşlıq istiqamətlərinin müəyyənləşdirilməsi üçün işçi görüşlərin davam etdirilməsi barədə razılığa gəlib.