Azərbaycan Respublikasının Gənclər Fondunun dəstəyi, Azərbaycan Tələbə Gənclər Təşkilatları İttifaqı (ATGTİ) və “Böyük Qayıdış” Gənclər İctimai Birliyinin birgə təşkilatçılığı, Azərbaycan Texniki Universitetinin (AzTU) tərəfdaşlığı ilə “44 Günün Qəhrəmanları” layihəsi çərçivəsində Vətən müharibəsi iştirakçılarının tələbələrlə görüşü keçirilib. AzTU-da keçirilən görüşdə əvvəlcə torpaqlarımızın ərazi bütövlüyü uğrunda canından keçən Vətən övladlarının xatirəsi bir dəqiqəlik sükutla yad olunub, Azərbaycanın Dövlət Himni səsləndirilib. Tədbirdə AzTU-nun rektoru Vilayət Vəliyev, Elm və innovasiya üzrə prorektor Çetin Elmas, Gənclər Fondunun icraçı direktorunun müavini Qədir Xəlilov, universitetin Vətən müharibəsində qazi olmuş tələbəsi Elşən Mehdiyevin atası Sübut Mehdiyev çıxış edib. Qeyd olunub ki, Prezident, Ali Baş Komandan İlham Əliyevin rəhbərliyi altında 44 günlük Vətən müharibəsində iştirak edib xalqımıza qələbə müjdəsi verən qəhrəmanların gənc nəslə tanıdılması təqdirəlayiqdir. Bildirilib ki, AzTU hər zaman tələbələrin vətənpərvərlik ruhunun inkişaf etdirilməsinə böyük önəm verir. AzTU-nun tələbələri torpaqlarımızın azadlığı uğrunda gedən bütün müharibələrdə ön sıralarda xidmət edib. Vətən müharibəsində universitetin tələbə və məzunları arasında 31 nəfər şəhidlik zirvəsinə ucalıb. Onlarla məzunumuz qazi olub. O da vurğulanıb ki, qalib ölkənin tələbələri bundan sonra da öz təhsilləri, savadları, vətənpərvərlikləri ilə ön sıralarda olmalıdır. Tədbirdə Vətən müharibəsindəki zəfər salnaməsinin əks olunduğu videoçarx nümayiş etdirilib. Daha sonra “Böyük Qayıdış” təşkilatının idarə heyətinin üzvü, bir çox xüsusi döyüş əməliyyatlarının və Aprel döyüşlərinin iştirakçısı, Qarabağ qazisi, Xüsusi Təyinatlı Qüvvələrin ehtiyatda olan baş leytenantı Əhliyət Mehdiyev çıxış edərək 44 günlük Vətən müharibəsində əldə olunan şanlı qələbə barədə fikirlərini bildirib. Tədbirdə iştirak edən Vətən müharibəsi qaziləri müharibə ilə bağlı xatirələrini tələbələrlə bölüşüb. Qeyd olunub ki, ordumuzun Vətən müharibəsində iştirak etdiyi hərbi əməliyyatların dünya hərb tarixinə düşməsi qürurvericidir. Qazilər gənc nəslin vətənpərvərlik ruhunun inkişaf etdirilməsi məqsədilə təşkil olunan görüşün keçirilməsinə görə AzTU rəhbərliyinə təşəkkür ediblər. Çıxışlardan sonra qazilər tələbələrin Vətən müharibəsi ilə bağlı suallarını cavablandırıb. Tədbirin sonunda universitetin tələbələri adından AzTU-nun İnformasiya və telekommunikasiya texnologiyaları fakültəsinin tələbəsi, şəhid Zülfüqar Fərəcovun oğlu Əmrah Fərəcov və AzTU Tələbə Gənclər Təşkilatının sədri Lalə Rüstəmova çıxış edərək qazilərimizə təşəkkür edib.

Azərbaycan Texniki Universitetində (AzTU) Avropa İttifaqının maliyyə dəstəyi ilə həyata keçirilən Erasmus + KA2 proqramı çərçivəsində “Rusiya Federasiyası, Qazaxıstan və Azərbaycanda səhiyyədə strateji keyfiyyət menecmenti, risklərin idarə olunması üzrə açıq və distant təhsil formatında peşə bakalavrı, peşə magistri hazırlığı” (LMQS) layihəsinin monitorinqi keçirilib. Monitorinqə Azərbaycan Milli Erasmus+ ofisinin direktoru Pərviz Bağırov rəhbərlik edib. Görüşündə layihənin Azərbaycandan olan bütün tərəfdaşları iştirak edib.   AzTU-nun professoru Həsən Hüseynov layihə üzrə həyata keçirilən və nəzərdə tutulan işlərin təqdimatını edib. Daha sonra yerli tərəfdaşlar Milli Erasmus+ Ofisinin Monitorinq və təşviqat üzrə əməkdaşı  Zəfər Həsənovun suallarını cavablandırıb. Tərəfdaşlar layihənin icrası ilə bağlı yaranan çətinliklər, risklər və həlli yolları barədə fikir mübadiləsi aparıblar. Xatırladaq ki, layihə çərçivəsində AzTU-da səhiyyədə keyfiyyət menecmenti ixtisaslaşmasının açılması planlaşdırılır.

Avropa İttifaqının maliyyə dəstəyi ilə həyata keçirilən Erasmus+ KA2 proqramı çərçivəsində “Azərbaycanda rektorlar konfransının yaradılması” (ECAR) layihəsinin monitorinqi aparılıb. Monitorinq Azərbaycan Milli Erasmus+ ofisinin direktoru Pərviz Bağırovun rəhbərliyi ilə keçirilib.  Monitorinqdə Azərbaycan Texniki Universitetinin (AzTU) Xarici əlaqələr şöbəsinin layihələr və mübadilə proqramları üzrə baş mütəxəssisi Mətanət Paşayeva iştirak edib. Layihənin koordinatoru Bakı Biznes Universitetinin nümayəndəsi Gülşən Bayramova layihə üzrə həyata keçirilən işlər barədə məlumat verib.  Tədbirdə tərəfdaşlar layihənin icrası ilə bağlı yaranan çətinliklər, risklər və həlli yolları barədə fikir mübadiləsi aparıblar. Monitorinq sual-cavab formatında davam etdirilib.

Azərbaycan Texniki Universitetində (AzTU) Erasmus + KA2 proqramı çərçivəsində həyata keçirilən “Nəqliyyat xidmətləri üçün risk və böhran mühəndisliyi” (CRENG) layihəsi üzrə yaradılan “CRENG” ofisi və laboratoriyası tələbələrin istifadəsinə verilib. Logistika və Nəqliyyat İnstitutunun nəzdində yaradılan “CRENG” ofisi və laboratoriyası layihə çərçivəsində satınalınan müasir kompüterlərlə təchiz edilib. Layihəyə uyğun olaraq yaradılan “Nəqliyyat xidmətləri üçün risk və böhran mühəndisliyi” magistr proqramı üzrə təhsil alan tələbələr laboratoriya dərslərini “CRENG” laboratoriyasında keçəcəklər.   Ofisin fəaliyyət istiqamətlərinə nəqliyyat sektorunda mövcud problemlərin araşdırılması və tədqiq edilməsi daxildir. Sözügedən işlərin həyata keçirilməsinə tələbələr də cəlb olunacaq. “CRENG” ofisində nəqliyyat sektorunu təmsil edən mütəxəssislərin ixtisasartırma təlimlərinin təşkili də nəzərdə tutulur. Xatırladaq ki, oktyabrın 11-də təhsil naziri Emin Əmrullayevin iştirakı ilə “CRENG” ofisi və laboratoriyasının açılış mərasimi keçirilib. 

Avropa İttifaqının maliyyələşdirdiyi Erasmus+ proqramı çərçivəsində “İnnovasiya və dayanıqlılıq prinsipləri ilə klasterlərin işlənməsinə başlamaqda və iştirakda universitetlərin potensialının artırılması” layihəsi (UniClaD) üzrə icra edilən “Yem kalkulyatoru” pilot layihəsinin növbəti müzakirəsi keçirilib.   Onlayn formatda keçirilən təqdimatda Azərbaycan Texniki Universitetinin (AzTU), Kənd Təsərrüfatı Nazirliyi yanında  Dövlət Aqrar İnkişaf Mərkəzlərinin (DAİM) və iri fermer təsərrüfatlarının nümayəndələri iştirak edib.  Kənd Təsərrüfatı Nazirliyinin Heyvandarlığın təşkili və monitorinqi şöbəsinin müdiri Eldar Həsənov bildirib ki, “Yem kalkulyatoru” layihəsi ölkənin 94%-ni əhatə edən kiçik və orta fermer təsərrüfat sahiblərinin istifadəsi üçün nəzərdə tutulub. Qeyd edib ki, yem kalkulyatoru müxtəlif növ heyvanların yemlənməsi üçün zəruri yem qarışığını müəyyən etməyə imkan verəcək faydalı mobil tətbiqdir.  Layihənin müəllifi Kənd Təsərrüfatı Nazirliyi Heyvandarlığın təşkili və monitorinqi şöbəsinin Zootexniki xidmətlər sektorunun müdiri Tərlan Əskərov yem kalkulyatorunun iş prinsipi və hesablama qaydası barədə məlumat verib. Daha sonra iştirakçıların yem kalkulyatoru layihəsi üzrə rəy və təklifləri dinlənilib.  

Avropa İttifaqının maliyyə dəstəyi ilə həyata keçirilən Erasmus + KA2 proqramı çərçivəsində “Azərbacanda Rektorlar konfransının yaradılması” (ECAR) layihəsi üzrə prorektorlardan ibarət fokus qrupun müsahibəsi keçirilib. Görüş zamanı layihənin gedişatı haqqında ümumi məlumat verilib, sorğu nəticələrindən irəli gələn məsələllərin və görüləcək işlərin  müzakirələri aparılıb. Bakı Biznes Universitetində baş tutan fokus qrup müsahibəsində Azərbaycan Texniki Universitini (AzTU) Beynəlxalq əlaqələr üzrə prorektor Sübhan  Namazov təmsil edib. Müsahibədə Erasmus+  milli ofisinin rəhbəri Pərviz Bağırov da iştirak edib. Növbəti mərhələdə layihənin tərəfdaşı olan universitetlərin rektorlarından ibarət fokus qrup görüşünün keçirilməsi nəzərdə tutulur. 

Avropa İttifaqının maliyyə dəstəyi ilə həyata keçirilən Erasmus + KA2 proqramı çərçivəsində “Azərbacanda Rektorlar konfransının yaradılması” (ECAR) layihəsi üzrə prorektorlardan ibarət fokus qrupun müsahibəsi keçirilib. Görüş zamanı layihənin gedişatı haqqında ümumi məlumat verilib, sorğu nəticələrindən irəli gələn məsələllərin və görüləcək işlərin  müzakirələri aparılıb. Bakı Biznes Universitetində baş tutan fokus qrup müsahibəsində Azərbaycan Texniki Universitini (AzTU) Beynəlxalq əlaqələr üzrə prorektor Sübhan  Namazov təmsil edib. Müsahibədə Erasmus+  milli ofisinin rəhbəri Pərviz Bağırov da iştirak edib. Növbəti mərhələdə layihənin tərəfdaşı olan universitetlərin rektorlarından ibarət fokus qrup görüşünün keçirilməsi nəzərdə tutulur. 

Avropa Birliyinin maliyyələşdirdiyi Erasmus+KA 2 proqramı çərçivəsində “İnnovasiya və dayanıqlılıq prinsipləri ilə klasterlərin işlənməsinə başlamaqda və iştirakda universitetlərin potensialının artırılması” layihəsi (UniClaD) üzrə işlər davam etdirilir. Layihəyə uyğun olaraq Azərbaycan Texniki Universiteti (AzTU) ilə Aqrar Elm və İnnovasiya Mərkəzi arasında onlayn işçi görüş keçirilib.  Görüşdə universitetdə yaradılan İnnovativ Texnologiyalar Mərkəzinin fəaliyyətinin təmin olunması istiqamətində bir sıra məsələlər müzakirə olunub. Müzakirə zamanı layihə üzrə görülən işlər, elmi-tədqiqat mövzusunun müəyyən olunması, keçiriləcək təlimlərin mövzuları, Mərkəzin fəaliyyəti üzrə potensial əməkdaşlıq müəssisələrinin seçilməsi, onlarla əməkdaşlıq sənədlərinin imzalanması və bir sıra digər inzibati işlər barədə fikir mübadiləsi aparılıb. Pandemiya ilə əlaqədar layihənin müddətinin bir il uzadılmasının Avropa Birliyi tərəfindən təsdiqlənməsini nəzərə alaraq, tərəflər işçi qaydada ikitərəfli müqavilənin qeyd olunan vaxta qədər uzadılması barədə razılığa gəliblər. Görüşdə İnnovativ Texnologiyalar Mərkəzinin işi çərçivəsində klasterlərin yaradılması üçün AzTU-ya təhkim olunan Avropa partnoyorunun müəyyən olunduğu və yaxın gələcəkdə onların iştirakı ilə işçi görüşlərin keçiriləcəyi də qeyd olunub.

Erasmus+ KA2 proqramı çərçivəsində yerinə yetirilən “Rusiya Federasiyası, Qazaxstan və Azərbaycanda səhiyyədə strateji keyfiyyət menecmenti, risklərin idarə olunması üzrə açıq və distant təhsil formatında peşə bakalavrı, peşə magistri hazırlığı” (LMQS) layihəsi çərçivəsində növbəti onlayn görüş təşkil edilib. Müzakirələr layihə üzrə koordinator universitet olan Qərbi Attika Universitetinin işçi komandası ilə Azərbaycan Texniki Universitetinin (AzTU) işçi komandası arasında keçirilib. Görüşdə Səhiyyə Nazirliyinin analitik ekspertiza mərkəzinin nümayəndəsi də iştirak edib. Müzakirələrdə layihə çərçivəsində AzTU-da bakalavr və magistratura səviyyələrində yerinə yetiriləcək ixtisasların adları müəyyən edilib və bu istiqamətində universitetdaxili görüləcək işlər diqqətə çatdırılıb.  Qeyd edilib ki, layihə çərçivəsində AzTU-da səhiyyədə keyfiyyət menecmenti ixtisaslaşması açılacaq. Görüş zamanı 2021-ci ilin dekabrında layihə tərəfdaşlarının rəhbər işçiləri üçün keçirilməsi nəzərdə tutulan strateji təlimlərin təşkili ilə bağlı müzakirələr aparılıb və hazırlıqlara başlanılması üçün müvafiq təlimatlar verilib.   

Azərbaycan Texniki Universitetində (AzTU) yeni açılan “Nəqliyyat xidmətləri üçün böhran və risklərin idarə edilməsi” ixtisasına 2021/2022-ci il tədris ili üzrə ilk dəfə olaraq magistratura səviyyəsində tələbə qəbulu aparılıb. Avropa İttifaqının maliyyələşdirdyi Erasmus+ KA2 proqramının “Nəqliyyat xidmətlərində risk və böhran mühəndisliyi” (CRENG) layihəsi çərçivəsində yaradılan ixtisas üzrə AzTU-ya 6 magistrant qəbul edilib. Qeyd edək ki, “Nəqliyyat xidmətləri üçün böhran və risklərin idarə edilməsi” ixtisaslaşması üzrə yeni və müasir tədris proqramı əsasında müvafiq təlim keçmiş professor-müəllim heyəti tərəfindən 13 fənn tədris ediləcək. Xatırladaq ki, Nazirlər Kabinetinin 8 avqust 2020-ci il qərarı ilə CRENG layihəsi çərçivəsində AzTU-da “Nəqliyyat xidmətləri üçün böhran və risklərin idarəedilməsi” ixtisaslaşması ixtisas siyahısına daxil edilib. Universitetdə yeni ixtisas üzrə 2020/2021-ci tədris ili üçün “Nəqliyyatda daşımaların və idarəetmənin təşkili mühəndisliyi” proqramının “Nəqliyyat logistikası” ixtisaslaşması üzrə pilot tədris təşkil edilib. 2020/2021-ci tədris ilinin yaz semestrində 5 fənn üzrə tədris müvəffəqiyyətlə yerinə yetirilib.