Azərbaycan Texniki Universitetinin (AzTU) bakalavriat səviyyəsində təhsil alan tələbələri Türkiyənin Niğde Ömer Halisdemir Universitetində Türkiyənin beynəlxalq mübadilə üçün təqaüd proqramı (TIES) çərçivəsində 2026/2027-ci tədris ilinin payız semestrində təhsil almaq üçün müraciət edə bilər. Mübadiləyə bir nəfər tələbə (əlavə bir nəfər tələbə də ehtiyat yer üçün) seçiləcək.

TIES proqramı çərçivəsində tələbələr:

- Təhsil alacağı universitetdə təhsil haqqından azad olur;

- Aylıq təqaüd alır;

- Gediş-dönüş səyahət xərci qarşılanır;

- Yataqxana ilə təmin olunur.

Tələblər:

- AzTU-nun bakalavr (1-ci və 2-ci kurs) tələbəsi olmaq;

- Ərizə forması;

- Transkript (ÜOMG minimum 75 bal);

- İngilis və ya türk dili biliyini təsdiq edən sənəd (minimum B1 səviyyəsi).

Mübadilədə iştirak etmək istəyən tələbələrdən tələb olunan sənədləri [email protected] elektron poçt ünvanına göndərmələri xahiş olunur.

· Sənədlər siyahıya uyğun göndərilmədiyi təqdirdə müraciətlər qeydə alınmayacaq.

· Dil biliyi sertifikatı olanlar və ingilis dili bölməsində təhsil alanlar birbaşa seçiləcək.

Müraciət üçün son tarix: 10.05.2026

Əlaqə: Beynəlxalq əlaqələr şöbəsi (AzTU, əsas korpus, 3-cü mərtəbə, 325-ci otaq)

E-mail: [email protected]