Qazaxıstanlı tələbə AzTU-da təcrübə proqramını uğurla başa vurub
Qazaxıstan Respublikasının Karaqanda Texniki Universitetinin magistrantı Nikita Tişkin Azərbaycan Texniki Universitetində (AzTU) iki həftəlik elmi-tədqiqat təcrübəsi keçib.
AzTU-nun Sənaye Dizaynı və Texnologiyaları İnstitutunda təşkil olunan təcrübə müddətində tələbəyə elmi-tədqiqat prosesinin müxtəlif mərhələlərində dəstək göstərilib. O, təcrübə proqramının mövzusu çərçivəsində geofiziki üsulların tətbiqi, məlumatların təhlili və əldə olunan nəticələrin sistemləşdirilməsi istiqamətində praktiki bilik və təcrübə qazanıb.
Təcrübə proqramını uğurla başa vuran tələbəyə sonda sertifikat təqdim olunub.







