Almaniya universitetinin tədqiqatçısı AzTU-da olub

Almaniyanın Brandenburq Texniki Universitetinin (B-TU C-S) Maşınqayırma, elektrik və enerji sistemləri fakültəsinin Metalkəsən dəzgahlar kafedrasının elmi işçisi və doktorantı Məhəbbət Süleymanov AzTU-da olub.

Məhəbbət Süleymanov AzTU-nun beynəlxalq əlaqələr üzrə prorektoru Fariz Məmmədov və universitetin əməkdaşları ilə görüşüb.

Görüşdə AzTU B-TU əlaqələrinin gələcək inkişaf perspektivləri müzakirə olunub.

Səfər çərçivəsində AzTU-nun maşın mühəndisliyi, mexatronika və robototexnika mühəndisliyi və proseslərin avtomatlaşdırılması mühəndisliyi ixtisaslarının alman dili qruplarının tələbələri ilə də görüşlər təşkil edilib, onlara Alman Akademik Mübadilə Xidmətinin (DAAD) təqaüd proqramlarında iştirak və digər məsələlər ətraflı izah olunub.

Görüşlərdə həmçinin B-TU-nun Metalkəsən dəzgahlar kafedrasında aparılan elmi-tədqiqat işləri haqqında da məlumatlar verilib.