Nabran İstirahət Mərkəzi

Azərbaycan Politexnik İnstitutunda (İndiki AzTU) 1960-cı ildən başlayaraq tətil zamanı tələbə-gənclərin bədən tərbiyəsinə və idmana cəlb edilməsi, onların sağlamlığının möhkəmləndirilməsi üçün idman-sağlamlıq düşərgəsinin yaradılması zərurəti meydana çıxmışdır.

Belə bir düşərgənin yaradılması məqsədilə Azərbaycan SSR Nazirlər Soveti 28 iyun 1965-ci ildə Politexnik İnsititutu üçün müvafiq torpaq sahəsinin ayrılması haqqında sərəncam verdi.

Həmin ilin iyul ayının 14-də Respublika Meşə Təsərrüfatı Baş İdarəsini əmrinə əsasən bu məqsəd üçün 4 hektar torpaq sahəsi ayrıldı.

Bu sahə Bakı şəhərindən təqribən 250 km aralıda, Xəzər dənizinin şimal sahillərindəki Nabran qəsəbəsinin yaxınlığında yaşıl meşə əhatəsində, təbiətin dilbər bir guşəsində yerləşir.

Burada yeməkxana, diskoteka meydanı, idman meydançaları, həkim müayinə otağı, hamam və digər məişət obyektləri istifadəyə verilib.

İndi AzTU-nun Nabran İstirahət Mərkəzində hər il 500 nəfərədək əməkdaş və tələbə yay mövsümündə istirahət edir.