Ümumi məlumat
Haqqında
Azərbaycan Texniki Universiteti PHŞ Karyera və Məşğulluq Mərkəzi 7 aprel 2016-cı il tarixində yaradılmışdır. Mərkəz öz fəaliyyətində Azərbaycan Respublikası Elm və Təhsil Nazirliyinin müvafiq əmr və sərəncamlarını, Azərbaycan Texniki Universiteti PHŞ-nin Nizamnaməsini və Karyera və Məşğulluq Mərkəzinin Əsasnaməsini rəhbər tutur.
Karyera və Məşğulluq Mərkəzi universitetin tələbə və magistrantlarının karyera inkişafının dəstəklənməsi, ixtisas üzrə istehsalat təcrübələrinin təşkili, praktiki bacarıqların və peşə səriştələrinin artırılması, məşğulluq imkanlarının genişləndirilməsi və əmək bazarına inteqrasiyasının asanlaşdırılması istiqamətində fəaliyyət göstərir.
Mərkəzin əsas məqsədlərindən biri məzunlarla universitet arasında davamlı əməkdaşlığın təmin olunması və onların əmək bazarındakı mövqelərinin izlənməsidir. Bu istiqamətdə fəxri məzunlarla iş, tələbələrə fərdi karyera məsləhətləri verilməsi, universitet-sənaye əməkdaşlığının gücləndirilməsi və innovativ tərəfdaşlıqların təşviqi kimi fəaliyyətlər həyata keçirilir.
Məzunlarla əlaqələrin sistemli şəkildə qurulması məqsədilə Elmi Şuranın 08 iyun 2025-ci il tarixli 10 saylı protokoluna əsasən Karyera və Məşğulluq Mərkəzinin nəzdində Məzunlar Assosiasiyası yaradılmışdır.
Nəyə çalışırıq
Məqsədlər
- 01Tələbə və magistrantların karyera inkişafını dəstəkləmək
- 02Praktiki bacarıq və peşə səriştələrinin artırılmasını təmin etmək
- 03İstehsalat təcrübələrinin təşkili
- 04Məşğulluq imkanlarını genişləndirmək
- 05Tələbələrin əmək bazarına inteqrasiyasını asanlaşdırmaq
- 06Məzunlarla universitet arasında davamlı əməkdaşlığı təmin etmək
- 07Məzunların əmək bazarındakı mövqelərini izləmək
- 08Tələbələrə fərdi karyera məsləhətləri vermək
- 09Universitet-sənaye əməkdaşlığını gücləndirmək
- 10İnnovativ tərəfdaşlıqları təşviq etmək
- 11Məzunlarla sistemli əlaqələri qurmaq və inkişaf etdirmək
Nə edirik
Əsas Funksiyalar
- 01
Karyera planlaması və fərdi konsultasiya
Tələbə və məzunlara şəxsi və peşəkar inkişaf strategiyasının qurulmasında dəstək.
- 02
Karyera təlim proqramları və karyera sərgiləri
Tələbələrin ixtisas və maraqlarına uyğun praktik imkanların təmin edilməsi.
- 03
İş axtarışı və təcrübə proqramları
Tələbələrin ixtisas və maraqlarına uyğun təcrübə imkanlarının təmin olunması.
- 04
Rezüme və niyyət məktubu hazırlığı, müsahibəyə hazırlıq
Peşəkar sənədlərin hazırlanması və müsahibə bacarıqlarının təkmilləşdirilməsi.
- 05
Müəssisələrlə əlaqələrin qurulması və şəbəkələşmə tədbirləri
Tələbə və məzunların potensial işəgötürənlərlə əlaqəsinin gücləndirilməsi.
- 06
Məzunlarla əməkdaşlıq və ilhamlandırma
Məzun uğur hekayələri və mentorluq proqramları vasitəsilə tələbələrin motivasiyasının artırılması.
- 07
İstehsalat təcrübəsi
Tələbələrin real iş mühitində praktik bilik və bacarıqlarını inkişaf etdirməsi üçün müəssisələrlə əməkdaşlıq çərçivəsində təcrübə imkanlarının təşkil edilməsi.
Şöbə Müdiri
Rəsulova Ülviyyə Zakir qızı
Bioqrafiya
Ülviyyə Zakir qızı Rəsulovanın elmi tədqiqatlarının əsas istiqamətlərinə mexaniki sistemlərin idarə olunması alqoritmləri, sistemli analiz, dinamik sistemlərdə idarəetmə və informasiyanın işlənməsi daxildir. Bu sahələr üzrə apardığı tədqiqatların nəticələri elmi nəşrlərdə dərc olunmuş və müvafiq sahənin inkişafına töhfə vermişdir.
Ü. Z. Rəsulova ali təhsilini Azərbaycan Memarlıq və İnşaat Universiteti-nin "İnformasiya sistemləri" ixtisası üzrə almış, 2010-cu ildə bakalavr, 2012-ci ildə isə magistr pilləsini fərqlənmə diplomu ilə bitirmişdir.
O, 2012–2023-cü illərdə həmin universitetdə müxtəlif vəzifələrdə çalışmışdır. 2024-cü ildən etibarən Ülviyyə Rəsulova Azərbaycan Texniki Universiteti-nin Karyera və məşğulluq mərkəzinin müdiri vəzifəsində fəaliyyət göstərir.
Akademik yol
Təhsil
- 2014–2025
Doktorantura — Azərbaycan Memarlıq və İnşaat Universiteti
- 2010–2012
Magistr (fərqlənmə ilə) — Azərbaycan Memarlıq və İnşaat Universiteti
- 2006–2010
Bakalavr — Azərbaycan Memarlıq və İnşaat Universiteti
İnzibati heyət
Əməkdaşlar
Bizə yazın