Biotibbi Mühəndislik İnstitutu, biotibbi mühəndislik sahəsində elmi tədqiqatların aparılması və tətbiqi məqsədilə fəaliyyət göstərir. İnstitutun əsas istiqamətləri aşağıdakılardır:
- Elmi tədqiqatların təşkili və dəstəklənməsi: Magistr dissertasiyaları və fəlsəfə doktoru dissertasiyalarının səhiyyə sektorunun tələblərinə uyğun mövzular əsasında həyata keçirilməsinə nəzarət edir və dəstək verir.
- Səhiyyədə data elmi və süni intellekt həllərinin inkişafı: Data mühəndisliyinin inkişafı və süni intellekt həllərinin yaradılması istiqamətində tədqiqatların formalaşması və kadr hazırlığı, xüsusilə bu sahədə doktorantlara elmi rəhbərlik etməklə tədqiqat məktəbinin təşkilinə dəstək verir.
- Beynəlxalq və yerli layihələrdə iştirak: Səhiyyə sahəsində həyata keçirilən beynəlxalq və yerli layihələrdə iştirak etməyi əsas tutur.
- Sənaye və səhiyyə qurumları ilə əməkdaşlıq: Respublikanın aparıcı səhiyyə təşkilatları və onların müvafiq strukturları ilə yaxından əməkdaşlıq edir.
- Təcrübəli mütəxəssislərin cəlb edilməsi: İnstitutun yerinə yetirdiyi layihələrə respublikanın müvafiq sahə üzrə təcrübəli mütəxəssisləri, o cümlədən biotibbi mühəndislik və əlaqəli sahələrin professor-müəllim heyəti cəlb olunur.
- Səhiyyə texnologiyalarının inkişafı: Səhiyyə texnologiyalarının inkişafı və tətbiqi sahəsində layihələrin həyata keçirilməsində iştirak edir.
Biotibbi Mühəndislik İnstitutu bu istiqamətlər üzrə fəaliyyət göstərərək, ölkədə biotibbi mühəndislik sahəsinin inkişafına və səhiyyə sektorunun müasirləşməsinə töhfə verməyi hədəfləyir.
