Sənaye Dizaynı və Texnologiya İnstitutunun direktoru

professor, texnika elmləri doktoru Uğurlu Məhəmməd oğlu Nadirov

E-poçt: [email protected]  

Uğurlu Məhəmməd oğlu Nadirov 1990-cı ildə Azərbaycan Politexnik İnstitutunu fərqlənmə diplomu ilə bitirmiş gənc mütəxəssis kimi «Maşınqayırma texnologiyası» kafedrasnda saxlanılmışdır. 

1994-cü ildə  aspiranturaya daxil olmuş və 1998-ci ildə 05.02.08 – «Maşınqayırma texnologiyası» ixtisası üzrə namizədlik dissertasiyasını müdafiə edərək texnika elmləri namizədi alimlik dərəcəsini almışdır.

1995-ci ildə AzTU-nun «Mühəndis qrafikası» kafedrasında əvvəlcə assistent, baş müəllim, dosent vəzifələrinə seçilmişdir. U. M. Nadirov 2009-cu ildə Azərbaycan Respublikası Prezidenti yanında Ali Attestasiya Komissiyasının qərarı ilə dosent elmi adını almışdır.

2021-ci ildə 3313.01 – «Maşınqayırma texnologiyası» ixtisası üzrə doktorluq dissertasiyasını müdafiə edərək texnika elmləri doktoru alimlik dərəcəsini almışdır.

U. M. Nadirov 112 elmi əsərin , o cümlədən 1 patent, 1 dərslik, 4 dərs vəsaiti və 3 metodiki göstərişin müəllifidir. Elmi əsərləri Amerika, Rusiya, Türkiyə, Braziliya, Hindistan, Belarusiya və Ukraynanın qabaqcıl beynəlxalq xü­la­sə­lən­­dirmə və indeksləmə sis­tem­­­lə­ri­nə (bazalarına) da­xil olan dövri elmi nəşr­lər­də çap olunmuşdur.

2021-ci ildə Azərbaycan Texniki Universitetində yaradılan Sənaye Dizaynı və Texnologiya İnstitutunun direktoru təyin olunub.