Mirzə Uluqbəy adına Özbəkistan Milli Universitetinin İnformasiya təhlükəsizliyi kafedrasının professoru İbrahimali Normatov Azərbaycan Texniki Universitetində (AzTU) olub.

Professor İbrahimali Normatov AzTU-nun İnformasiya texnologiyaları və telekommunikasiya fakültəsinin tələbələri və professor-müəllim heyəti üçün “İnformasiya təhlükəsizliyində riyazi yanaşmaların tətbiqləri”, “Fəaliyyət cədvəlləri əsasında təhdidlərin aşkarlanması və zərərsizləşdirilməsi sisteminin işlənməsi”, “Sonlu qraflarda bəzi paylanmalar üzrə kvadratik stoxastik operatorların qurulması alqoritmləri” mövzularında mühazirələr oxuyub.

Səfər çərçivəsində İnformasiya texnologiyaları və telekommunikasiya fakultəsinin dekanı Leyla Məmmədova və fakültənin professor-müəllim heyəti ilə görüşən özbəkistanlı professor birgə tədqiqatların həyata keçirilməsi ilə bağlı müzakirələr aparıb.