Martın 14-də Azərbaycan Texniki Universitetində Novruz şənliyi keçirilib. Şənliyi giriş sözü ilə açan universitetin rektor əvəzi Xalıq Yahudov professor-müəllim heyətini və tələbələri Novruz bayramı münasibəti ilə təbrik edib,  ölkədə mühəndis kadrların inkişafından söz açaraq tələbələrə gələcəkdə daha yüksək pillələrdə olmalarını arzulayıb. Təbrik çıxışından sonra rektor əvəzi Xalıq Yahudov universitetin həyətində Novruz tonqalını alovlandırıb. Şənlikdə AzTU-nun yaradıcı tələbələri müxtəlif nömrələr nümayiş etdirərək mahnı oxuyub, rəqs ediblər. Kosa, Keçəl, Bahar qızı obrazında şənliyə Novruz ab-havası gətirən tələbələr şənliyi bu obrazlarla daha möhtəşəm ediblər.                                                                                                

Azərbaycan Texniki Universitetinin (AzTU) tələbələrdən ibarət “Texniki” komandası  Təhsil Nazirliyinin təşkilatçılığı ilə ali məktəblər arasında keçirilən XIII Respublika universiadasında uğurla iştirak edib. Yarışda Cüdo və Sərbəst güləş üzrə 17 ali məktəbin komandası arasında AzTU-nun “Texniki” komandası rəqiblərlə mübarizədə qalib olub.Tələbələrimiz Cüdo üzrə II, sərbəst güləş üzrə III yerlərə layiq görülərək diplom və medallara layiq görülüblər. AzTU-nun məşqçi-müəllimləri Aydın Ağayev və Gülağa Sadıqovun rəhbərliyi ilə yarışlarda iştirak edən tələbələrimiz təhsil aldıqları ali məktəbin adını həmişə ucaldıblar. İdmançı tələbələrimizə daha böyük nailiyyətlər arzulayırıq.                             

  Azərbaycan  Respublikasının  Prezidenti, Azərbaycan Qızıl Aypara Cəmiyyətinin fəxri üzvü cənab İlham Əliyevin 7 aprel 2008-ci il tarixli sərəncamı  ilə  hər ilin 10 mart  tarixi  Azərbaycan Respublikasında Qızıl Aypara Günü kimi qeyd olunur. Bu xeyriyyə aksiyasının keçirilməsində əsas məqsəd  talassemiyalı  və  hemofiliyalı  xəstələrə  yardım  etməkdən  ibarətdir. Hər il olduğu kimi bu il də martın 10-da Azərbaycan Texniki Universitetində qanvermə aksiyası keçirilib. Universitetdə fəaliyyət göstərən bütün işçilər, o cümlədən  tələbələr  qana ehtiyacı olan insanlara  kömək məqsədilə könüllü olaraq qan veriblər. Qanvermə  aksiyasında  iştirak  edənlər müayinədən keçirilib, qan analizi  götürülərək sağlam olub-olmamaları müəyyənləşdirilərək qan götürülüb. Qan verən iştirakçılar daha sonra kofe və şirniyyat süfrəsinə dəvət olunublar. Yığılan qan ehtiyatı yoxlanılaraq talassemiya, hemofiliya və digər qan xəstəliklərindən  əziyyət çəkənlər üçün istifadə olunacaq. Aksiya tədbirində iştirak edən AzTU-nun rektor əvəzi Xalıq Yahudov, Tədris hissə müdiri Zəkay Şayev, universitetin Həmkarlar İttifaqı Komitəsinin sədri Akif Cahangirov və Azərbaycan Qızıl Aypara Cəmiyyəti icra katibi Ceyhun  Mirzəyev  çıxışlarında aksiyanın xeyirxahlıq və mərhəmət naminə keçirildiyini bildirərək qan verən  universitet əməkdaşlarına, tələbələrə tədbirdə fəal iştirak etdiklərinə görə  təşəkkür ediblər. Aksiya çərçivəsində AzTU-nun tələbələri Fəxri Xiyabana gedərək Ulu Öndər Heydər Əliyevin xatirəsini ehtiramla yad edib, məzarına gül dəstələri qoyublar.                                                                                                          

XX əsrdə bəşər tarixinə Xocalı soyqırımı kimi daxil olan qanlı faciənin 25-ci ildönümü ilə əlaqədar fevralın 26-da keçirilən ümumxalq yürüşündə Azərbaycan Texniki Universitetinin  professor-müəllim və tələbə heyəti də iştirak edib. AzTU-nun professor-müəllim və tələbə heyəti Xətai rayonunda Xocalı faciəsi qurbanlarının xatirəsinə ucaldılmış "Ana Fəryadı" abidəsini ziyarət edib və abidənin önünə qərənfil dəstələri qoyublar.İştirakçılar insanlığa qarşı törədilmiş bu cinayət qurbanlarının əziz xatirəsini  ehtiramla yad ediblər. Paytaxtın Azadlıq meydanından başlayan  ümumxalq yürüşündə universitetin 500-dən çox müəllim, tələbə və əməkdaşı iştirak edib. Ümumxalq yürüşünün məqsədi Xocalı soyqırımı qurbanlarının xatirəsini ehtiramla yad etmək, erməni faşistləri tərəfindən insanlığa qarşı törədilmiş bu vəhşi cinayəti yenidən dünya ictimaiyyətinin diqqətinə çatdırmaq olub.                                           

Fevralın 24-də Azərbaycan Texniki Universitetində Xocalı Soyqırımının 25-ci ildönümü ilə bağlı anım mərasimi keçirilib.Əvvəlcə Şəhidlərin xatirəsi 1 dəqiqəlik sükutla yad edilib. Mərasimi ilk çıxışı ilə açan AzTU-nun rektor əvəzi Xalıq Yahudov XX əsrin faciəsi olan Xocalı soyqırımının  heç vaxt unudulmadığını və dünyanın bir çox ölkəsində bu faciənin soyqırımı kimi tanındığını bildirib. Rektor həmin faciədə Xocalı  Aeroportunun  müdafiəsində  həlak  olan Milli  Qəhrəmanlar  Hikmət  Nəzərli  və  Elçin  Quliyevin  AzTU-nun məzunları olduğunu vurğulayıb. Daha sonra universitetin “İctimai fənlər” kafedrasının baş müəllimi Arif İbrahimov faciənin tarixi faktlarına nəzər salaraq bildirib ki,1992-ci  il  fevral  ayının 25-dən 26-na  keçən  gecə  erməni  cəlladları  Sovet  ordusunun  Xankəndindəki  366-cı  motoatıcı  alayının  tabor  və  bölmələrinin  hərbi  yardımı, 100-ə  yaxın  zirehli  texnikasının  və  şəxsi  heyətlərinin  bilavasitə  iştirakı  ilə  Əskəran  və  Xankəndi  arasındakı  Xocalı  şəhərini  yerlə  yeksan  etdilər. Bu soyqırım  nəticəsində  613  Xocalı  sakini  öldürülmüş, 487  nəfər  əlil  olmuş, 1275  nəfər  girov  götürülmüşdür. Ölənlər  arasında  63  uşaq,  106  qadın,  70  nəfər  qoca var  idi. 8  ailə  tamamilə  məhv  edilmiş, 23 uşaq  hər  iki  valideynini, 130 uşaq  isə  bir  valideynini  itirmiş, 150  nəfərin  isə taleyi  bu  günə qədər də  məlum  deyil. Tədbirdə iştirak edən Xocalı sakini, Xəzər rayon İcra nümayəndəsi İman Allahverdiyev və faciənin canlı şahidi  Nazim Hüseynov həmin günlərdə baş verən qanlı faciələri bir-bir yada salaraq qeyd ediblər ki, düşmən  tanklarının  altında  qalıb məhv edilən  qocaların,  erməni  süngüsünə  keçirilən  südəmər  körpələrin,  əsirlikdə  döyülən,  söyülən, təhqir edilən azərbaycanlıların fəryadı cavabsız  qalmayacaqdır. Tədbirdə Xocalı faciəsinə həsr olunmuş sənədli film və tələbələrin hazırladığı ədəbi-bədii kompozisiya nümayiş etdirilib. Qeyd edək ki, tədbirdən sonra universitetin Tələbə Gənclər Təşkilatının (TGT) təşkilatçılığı ilə tələbələrın Xocalı soyqırımına həsr olunmuş rəsmləri universitetin foyesində nümayiş olunub.                                                                

  Videonu izlə: BURADAN DAXIL OLARAQ IZLƏYİN                    

TVİNNİNQ layihəsinin xarici ekspertləri fevralın 23-də Azərbaycan Texniki Universiteti tərəfindən layihədə iştirak edən nümayəndələr ilə görüşüblər. Ekspertləri əvvəlcə universitetin rektor əvəzi Xalıq Yahudov qəbul edib və universitetdə layihə üzrə görülən işlərə görə onlara təşəkkür edib. Görüşdə  əsasən universitetdə qiymətləndirmə qrupunun yaradılması, idarəetmə, strateji planlaşdırma, insan resursları və tədqiqat fəaliyyəti üzrə  görülən işlər müzakirə edilib. Qeyd edək ki, Azərbaycan Respublikası Təhsil Nazirliyinin dəstəyi ilə  TVİNNİNQ layihəsini Finlandiya Təhsilin Qiymətləndirilməsi Mərkəzi, Estoniya Ali Təhsildə Keyfiyyətin təmin olunması üzrə Agentlik həyata  keçirir.                              

1. http://modern.az/az/news/125874/#gsc.tab=0MODERN2. http://www.adalet.az/w121484/AzTU-da_%C9%99m%C9%99khaqlar%C4%B1_art%C4%B1r%C4%B1ld%C4%B1_/#.WK19_dKLRp8ADALET3. http://vediinfo.az/index.php?newsid=22779VEDİİNFO4. http://www.salamnews.org/az/news/read/259536SALAMNEWS5. http://fins.az/sosium/916697/daha-bir-universitet-maaslari-artirdi.htmlFİNS.AZ6. http://resmi.az/news/642099/bu-universitetin-muellimlerinin-maasi-artirildi.htmlRESMİ.AZ7. http://publika.az/news/bilik/188873.htmlPUBLİKA.AZ8. http://kaspi.az/az/aztu-da-emekhaqlari-artirildi/KASPİ9. http://turkustan.info/2017/02/22/daha-bir-universitetd%C9%99-%C9%99m%C9%99khaqlari-artirildi/TURKUSTAN.İNFO10. http://vetenim.info/?p=24010VETENIM.INFO11. http://hurriyyet.org/21732-bu-universitetin-muellimlerinin-maashi-artirildi.htmlHURRIYET.ORG12. http://mynews.az/news/social/2996-bu-universitetin-muellimlerinin-maasi-artirildiMYNEWS

Texniki Universitetin oxu zalında 3 korpus ikinci mərtəbə (Tələbələrin oxu zalında ) Xocalı soyqırımını əks etdirən sərgi qurulmuşdur. Sərgidə 1992-ci il Xocalıda baş verən bədnam qonşularımız, erməni faşistlərinin törətdiyi soyqırım faktları şəkillər, kitablar, qəzet və jurnal məqalələri ilə əks etdirən sərgi düzəldilmişdir. Oxu zalın gələn tələbələr, sərgi ilə yaxından maraqlanmış sərgi ətrafinda geniş disskussiyalar aparmışlar.2017.02.23.Kitabxananın İnformasiya biblioqrafiya şöbəsi.

1.  http://azertag.az/xeber/Azerbaycan_Texniki_Universitetinde_Movlane_Mubadile_Proqraminin_teqdimati_kechirilib-1037218 AZERTAG 2.  http://www.kaspi.az/az/mvlane-mubadile-proqraminin-teqdimati-kecirilib/ KASPİ 3.  http://www.adalet.az/w121402/AzTU-nun_t%C9%99l%C9%99b%C9%99l%C9%99ri_%C3%BC%C3%A7%C3%BCn_%22M%C3%B6vlan%C9%99_M%C3%BCbadil%C9%99%22_Proqram%C4%B1n%C4%B1n_t%C9%99qdimat%C4%B1_ke%C3%A7irilib_/#.WK0fP9KLRp8 ADALET 4.  http://tehsil-press.az/index.php?newsid=18061 TEHSİL-PRESS 5.  http://vediinfo.az/sosial/22739-aztu-nun-telebeleri-uchun-movlane-mubadile-proqraminin-teqdimati-kechirilib.html VEDİİNFO 6.  http://olaylar.az/news/sosial/212038 OLAYLAR 7.  http://voicepress.az/olke/14816-aztu-nun-telebeleri-uchun-movlane-mubadile-proqraminin-teqdimati-kechirilib.html VOİCEPRESS 8.  http://az.arguspost.com/az/linkto/661319 ARGUSPOST 9.  http://azerbaijan.shafaqna.com/AZ/AZ/364840 AZERBAIJAN.SHAFAQNA 10.  http://www.proline-az.com/?id=673825&p=22 PROLİNE-AZ 11.  http://www.azpress.az/index.php?lang=az§ionid=news&id=66718 AZPRESS