The 3-week "Manufacturing Technologies" training and internship program organized by the "AzTU-InTech" team at the "CezeriLab" laboratory has been completed for students of the Azerbaijan Technical University (AzTU). During this period, students acquired skills in teamwork, the development of new products from scratch, familiarity with "CNC" technologies, the working mechanism of 3D printers, experience in the fields of mechanics and electronics, and knowledge on distinguishing themselves in startup competitions. Rəşad Aliyev, the Vice-Rector for Finance and Economy of AzTU, congratulated the students who completed the course, stating that the knowledge they gained at the "CezeriLab" laboratory would be beneficial for their careers. He mentioned that such internship programs would be organized regularly. It is worth noting that out of 40 students who participated in the training and internship program, 26 completed the course with distinction and earned the right to participate in the next program. Finally, certificates were presented to the students who participated in and successfully completed the course.

Azərbaycan Basketbol Federasiyasının təşkilatçılığı ilə Azərbaycan Texniki Universitetinin (AzTU) İdman sarayında keçirilən Basketbol üzrə Tələbə Liqasının oyunları davam edir.   Liqanın 19-cu turunda AzTU komandası Azərbaycan Dövlət Neft və Sənaye Universitetinin (ADNSU) komandası ilə qarşılaşıb. Maraqlı mübarizə şəraitində davam edən oyun 110:94 hesabı ilə AzTU komandasının xeyrinə yekunlaşıb.  Qeyd edək ki, liqanın oyunlarında AzTU, ADBTİA, ADAU, ADNSU, UNEC, BMU və Xəzər Universitetinin komandaları iştirak edir. Oyunları “AzTU TV” yutub kanalından canlı izləyə bilərsiniz.

Azərbaycan Texniki Universitetinin (AzTU) tələbələrinə antinarkomaniya mövzusunda seminar keçirilib. Tədbirdə çıxış edən AzTU-nun sosial məsələlər və ictimaiyyətlə əlaqələr üzrə prorektoru Nərmin Rzayeva bildirib ki, gənclər üçün antinarkomaniya mövzusunda seminarların, mühazirələrin keçirilməsi bu sahədə müsbət irəliləyişin olması baxımından çox faydalıdır. Qeyd olunub ki, narkomaniyaya qarşı mübarizədə cəmiyyətin bütün üzvləri fəal olmalıdır.   Daha sonra çıxış edən Daxili İşlər Nazirliyinin Mətbuat xidmətinin əməkdaşı, polis baş leytenantı Nurlan Əliyev və Baş Narkotiklərlə Mübarizə İdarəsinin xüsusilə mühüm işlər üzrə baş əməliyyat müvəkkili Bəxtiyar Abbaszadə bəşəriyyətin ən böyük bəlalarından olan narkomaniyanın törətdiyi fəsadlar və ölkəmizdə bu istiqamətdə aparılan mübarizə tədbirlərindən danışıblar. Xatırladaq ki, AzTU-da antinarkomaniya mövzusunda seminar və mühazirələrin təşkili Prezident İlham Əliyevin imzaladığı Sərəncamla təsdiqlənən “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı”na əsasən həyata keçirilir.

Azərbaycan Texniki Universitetində (AzTU) ümummilli lider Heydər Əliyevin anadan olmasının 100-cü ildönümünə həsr olunan X Spartakiadanın açılış mərasimi keçirilib. Əvvəlcə Azərbaycanın Dövlət Himni səsləndirilib. Daha sonra ümummilli lider Heydər Əliyevə həsr olunan film nümayiş olunub. Tədbirdə çıxış edən AzTU-nun rektoru Vilayət Vəliyev spartakiadaya vəsiqə qazanan komandaları təbrik edib. Bildirib ki, sağlam həyat tərzinin təbliği, eləcə də idman yarışlarına marağın artırılması üçün belə yarışların keçirilməsi faydalıdır. Rektor X Spartakiadanın Ulu Öndərin 100 illik yubileyinə həsr olunmasını xüsusi əhəmiyyətini də qeyd edib. Ulu öndər Heydər Əliyev ölkəyə rəhbərik etdiyi bütün dövrlərdə idmanın inkişafını hər zaman diqqətdə saxlayıb. Bu gün Ümummili Liderin bu siyasətini Prezident İlham Əliyev uğurla davam etdirir. Prezident İlham Əliyevin idmanın inkişafına göstərdiyi diqqət nəticəsində Azərbaycan dünyada idman ölkəsi kimi tanınır. Rektor bir daha spartakiadaya vəsiqə qazanan komandalara uğurlar arzulayıb. Daha sonra Bakı Şəhər Gənclər və İdman Baş İdarəsinin rəisi Raqif Abbasov çıxış edərək komandaları təbrik edib. Tədbir idmançıların nümunəvi çıxışları və konsert proqramı ilə davam edib.  Qeyd edək ki, X Spartakiada basketbol, voleybol, futzal, sərbəst güləş, stolüstü tennis, şahmat idman növü üzrə təşkil olunub. Mayın 5-də yekunlaşacaq yarışlarda müəllim və tələbələrdən ibarət 16 komanda iştirak edəcək.  

Ölkəmizdə səfərdə olan Türkiyənin sənaye və texnologiya naziri Mustafa Varank və rəqəmsal inkişaf və nəqliyyat naziri Rəşad Nəbiyev Azərbaycan Texniki Universitetində (AzTU) görülən işlər və həyata keçirilən yeniliklərlə yaxından tanış olublar. Tanışlıq tədbirində AzTU-nun rektoru Vilayət Vəliyev, Türkiyənin Azərbaycandakı fövqəladə və səlahiyyətli səfiri Cahit Bağçı, Bilişim Vadisinin baş direktoru və idarə heyətinin üzvü Ahmet Serdar İbrahimcioğlu və universitet nümayəndələri iştirak edib. Rektor Vilayət Vəliyev qonaqları AzTU-da Universitet-Sənaye Əməkdaşlığı, “Bilişim Vadisi Bakı”, sahibkarlığın inkişafı istiqamətində KOBİA tərəfindən yaradılacaq mərkəz, o cümlədən müxtəlif sosial infrastrukturlarda aparılan yenidənqurma işləri ilə tanış edib. Həmçinin universitet haqqında qonaqlara ətraflı məlumat verib. Ahmet Serdar İbrahimcioğlu bildirib ki, Bilişim Vadisi tərəfindən AzTU-da qurulan “Bilişim Vadisi Bakı”da universitetin bütün strukturları ilə əlaqələndirilməklə beynəlxalq texnologiyalar üzrə marketinq, texnoloji tədqiqat və transfer fəaliyyətləri, proqram təminatı, dizayn, tədqiqat və inkişaf sahəsində layihələrin həyata keçirilməsinə dəstək göstəriləcək. “CezeriLab” laboratoriyası ilə tanışlıq zamanı qonaqlara burada görülən işlər, tələbələrin layihələri, startap üzrə beynəlxalq yarışlarda göstərdikləri yüksək nəticələr barədə məlumat verilib.    

İnnovasiya və Rəqəmsal İnkişaf Agentliyinin təşəbbüsü ilə Azərbaycan Texniki Universiteti və "Nokia" şirkəti arasında yeni laboratoriyanın təsis olunmasına dair müqavilə imzalanıb. Müqaviləyə əsasən, Azərbaycan Texniki Universitetinin (AzTU) İnformasiya və telekommunikasiya texnologiyaları fakültəsində "Nokia"nın tam təchiz etdiyi yeni laboratoriya açılacaq.   Tərəflər arasında baş tutan görüşdə qurumun sədr əvəzi İnarə Vəliyeva, AzTU-nun rektoru Vilayət Vəliyev, "Nokia" şirkətinin Azərbaycan üzrə rəhbəri Massimiliano Volpe, digər rəsmilər və qurum nümayəndələri iştirak edib. Görüşdə yeni laboratoriyanın ölkənin texnoloji inkişafında əhəmiyyətindən söz açılıb, burada yaradılacaq şərait, görüləcək işlərlə bağlı məlumat verilib. İRİA-nın sədr əvəzi İnarə Vəliyeva laboratoriyanın yaradılmasını irəliyə doğru atılmış mühüm addım kimi qiymətləndirib: "Məqsədimiz ilk olaraq universitet daxili tədqiqat və inkişaf mərkəzlərin formalaşdırılması, eləcə də yeni növ tələblərə cavab verən texniki avadanlıqların iş prinsipi ilə tanışlıq və tətbiq imkanlarının artırılmasını təmin etməkdir. Ümid edirik ki, bu əməkdaşlığın nəticələri bütövlükdə cəmiyyətə fayda verə biləcək yeni həllərin və texnologiyaların inkişaf etdirilməsi üçün geniş imkanlar yaradacaq". Rektor Vilayət Vəliyev AzTU-nun ölkənin qabaqcıl texnologiya universitetinə çevrilməsi üzrə görülən işlərdən danışaraq, açılacaq laboratoriyanın bu istiqamətdə yaradacağı fürsətlərə diqqət çəkib. “Nokia” şirkətinin Azərbaycan üzrə rəhbəri Massimiliano Volpe şirkətin ölkəmizdə gördüyü işlərdən danışıb, laboratoriyada istifadəyə veriləcək avadanlıqlar, tətbiq olunan texnologiyalar barədə məlumat verib. Qeyd edək ki, ilkin mərhələdə universitetin İnformasiya və telekommunikasiya texnologiyaları fakültəsinin 800-ə yaxın tələbəsinə və müəllim heyətinə avadanlıqlardan düzgün istifadə qaydalarına dair təlimatlar veriləcək. “Nokia” şirkətinin ekspertlərinin iştirakı ilə mütəmadi olaraq təlimlər baş tutacaq. Eyni zamanda, istifadəyə veriləcək laboratoriya yerli şirkətlərə açıq olacaq ki, bununla da şirkətlər avadanlıqlar üzərində sınaq və təcrübə prosesləri həyata keçirə biləcəklər.  

2016-cı ilin martından başlayaraq, Ermənistan silahlı qüvvələrinin birləşmələri cəbhəboyu zonadakı yaşayış məntəqələrini daha sıx atəşə tutmağa başlamışdı.  Ermənistan silahlı qüvvələrinin təxribatlarına cavab olaraq, 2016-cı il aprelin 2-də Azərbaycan Ordusu sürətli əks-hücum əməliyyatı ilə düşməni ağır məğlubiyyətə uğradıb. Ordumuzun qəti zərbələri nəticəsində Ermənistan ordusunun canlı qüvvəsi və hərbi texnikası məhv edilib. Ağdərə-Madagiz istiqamətində yolların nəzarətdə saxlanılması təmin olunub. Ordumuz Aprel döyüşlərində Füzuli, Cəbrayıl və Ağdərə rayonlarının işğal altındakı ərazilərinin 2000 hektardan çox hissəsini azad edib. Həmçinin minlərlə hektar ərazi Azərbaycan Ordusunun tam nəzarətinə keçib.  Dördgünlük Aprel döyüşləri zamanı Ermənistan ordusu haqqında ermənilərin yaratdığı “məğlubedilməzlik” mifi darmadağın edilib. Aprel döyüşləri Azərbaycanın işğalla heç vaxt barışmayacağını dünyaya göstərib və 44 günlük müharibədə qazanılan Şanlı Qələbənin təməli olub. Aprel qələbəsi əsgərlərimizin döyüş ruhunun, ordu ilə xalqın birliyinin təcəssümü olub. Ordumuzun zabit və əsgərləri həmin döyüşlərdə böyük hünər və rəşadət göstəriblər. Azərbaycan Texniki Universitetinin (AzTU) məzunları - Mahir Quliyev, Əbdülməcid Axundov, Müşfiq Orucov və Elvin Mirzəyev də Aprel döyüşləri zamanı qəhrəmanlıqları ilə tarix yazaraq şəhidlik zirvəsinə yüksəliblər. AzTU şəhidlik zirvəsinə yüksələn tələbə və məzunlarını qürurla anır, onların xatirəsini ehtiramla yad edir. Allah bütün şəhidlərimizə rəhmət eləsin!Şəhidlərimizin ruhu qarşısında baş əyirik!

Azərbaycan Texniki Universitetinin (AzTU) rektoru Vilayət Vəliyevin rəhbərlik etdiyi nümayəndə heyəti İspaniyada işgüzar səfərdə olub. Səfər çərçivəsində Madrid Politexnik Universitetinin (MPU) akademik heyəti ilə görüşlər keçirilib, həmçinin universitetin Sənaye Mühəndisliyi Ali Texniki Məktəbi ziyarət olunub. Görüşlər zamanı hər iki universitet arasında akademik heyət və tələbə mobilliyinin genişləndirilməsi istiqamətində əməkdaşlığın inkişaf etdirilməsi, AzTU və MPU-nun müxtəlif mövzularda birgə tədqiqatlar aparması, eləcə də müvafiq sahələrdə ikili diplom müqavilələrinin imzalanması ilə bağlı müzakirələr aparılıb. Səfər çərçivəsində nümayəndə heyəti “Erasmus+ KA171” proqramı çərçivəsində MPU-da tədqiqat aparan AzTU-nun magistr tələbələri - Gülüstan Nəbili, Fərid Nadirov və Sona Nəzərovanın fəaliyyəti ilə də tanış olub. Qeyd edək ki, AzTU rektorunun rəhbərlik etdiyi nümayəndə heyətində beynəlxalq əlaqələr üzrə prorektor Fariz Məmmədov və Universitet-Sənaye Əməkdaşlığı və Ömürboyu Təhsil Mərkəzinin müdiri Aynurə İsmayılova iştirak edib. 

Azərbaycan Texniki Universitetində (AzTU) CTF yarışması keçirilib. Məqsəd kibertəhlükəsizlik sahəsində özünü inkişaf etdirmək, bu istiqamətdə karyera qurmaq istəyən tələbələrin praktiki bilik və bacarıqlarının yoxlanılmasıdır. Yarışda AzTU-nun müxtəlif fakültələrindən ümumilikdə 12 tələbə iştirak edib. İştirakçılar müxtəlif veb-proqram təminatında rast gəlinən və "TOP 10 OWASP" üzrə klassifikasiya olunan təhlükəsizlik boşluqlarını əhatə edən laboratoriya tapşırıqlarını onlara verilən 3 saat ərzində yerinə yetiriblər.Tapşırıqlar əsasən əməliyyat sistemlərində imtiyazların yüksəldilməsi, zərərli proqram təminatının analizi və tərsinə mühəndislik, həmçinin kriptoqrafiya mövzularını əhatə edib. Yarışmanın sonunda ilk 3 yerin qalibi müəyyən olunub. Belə ki, İnformasiya və telekommunikasiya texnologiyaları fakültəsinin tələbəsi Sadiq Qasımov birinci, İnformasiya və telekommunikasiya texnologiyaları fakültəsinin tələbəsi Fariz Məmmədov ikinci, Maşınqayırma və robototexnika fakültəsinin tələbəsi Nicat Allahverdiyev üçüncü yerə layiq görülüb. Mükafatlandırılma mərasimində AzTU-nun maliyyə-təsərrüfat işləri üzrə prorektoru Rəşad Əliyev çıxış edərək qalibləri təbrik edib. Belə yarışların gənclərin dünya görüşünün inkişafında müsbət rol oynadığını bildirib. Daha sonra yarışmanın bütün iştirakçılarına sertifikat, ilk 3 yerin sahibinə isə hədiyyə və pul mükafatı təqdim olunub.Qeyd edək ki, yarış AzTU-nun Kibertəhlükəsizlik İnstitutunun dəstəyi və Tələbə Həmkarlar İttifaqı Komitəsinin təşkilatçılığı və ilə keçirilib.  

Azərbaycan Texniki Universitetinin (AzTU) məzunu, baş leytenant, Vətən müharibəsində şəhidlik zirvəsinə yüksələn Elçin Əzizov 1985-ci il martın 30-da Cəbrayıl rayonunda anadan olub. O, 2002-2006-cı illərdə AzTU-da təhsil alıb. Universiteti bitirdikdən sonra həqiqi hərbi xidmətə yollanıb. Elçin Əzizov 2020-ci il sentyabrın 27-də başlanan Vətən müharibəsində iştirak edib. O, 2020-ci il oktyabrın 13-də Cəbrayıl uğrunda gedən döyüşlərdə şəhidlik zirvəsinə ucalıb.Elçin Əzizov II Fəxri xiyabanda dəfn olunub.Prezident İlham Əliyevin sərəncamlarına əsasən, Elçin Əzizov ölümündən sonra 3-cü dərəcəli “Vətənə xidmətə görə” ordeni və "Vətən uğrunda", "Cəbrayılın azad olunmasına görə" medalları ilə təltif olunub.Allah bütün şəhidlərimizə rəhmət eləsin!Şəhidlərimizin ruhu qarşısında baş əyirik!