Azərbaycan Texniki Universitetinin (AzTU) bakalavriat səviyyəsində təhsil alan tələbələri Türkiyənin Orta Doğu Texniki Universitetində (ODTÜ) 2025/2026 tədris ilinin payız semestrində təhsil almaq üçün müraciət edə bilərlər.

Qeyd edək ki, ODTÜ-də tədris yalnız ingilis dilində aparılır.

ODTÜ-də tədris olunan ixtisas və fənlərin siyahısı

● İxtisaslar və illər üzrə tədris planları

Mübadilə üçün şərtlər və tələb olunan sənədlər:

● Bakalavr tələbəsi olmaq (1-ci və 2-ci kurs)

● Ərizə forması

● Transkript (ÜOMG minimum 75 bal)

● İngilis dili biliyini təsdiq edən sənəd (minimum B2 səviyyəsi)

QEYD: Mübadilə əməkdaşlıq müqaviləsi çərçivəsində aparıldığına görə ODTÜ-də 1 semestrlik təhsil haqqı istisna olmaqla digər bütün xərclər (yol, qalmaq və gündəlik xərclər) tələbənin özü tərəfindən qarşılanacaq.

Mübadilədə iştirak etmək istəyən tələbələrdən tələb olunan sənədləri international@aztu.edu.az elektron poçt ünvanına göndərmələri xahiş olunur.

● Sənədlər siyahıya uyğun göndərilmədiyi təqdirdə müraciətlər qeydə alınmayacaq.

● IELTS və ya TOEFL sertifikatı olanlara seçim zamanı üstünlük veriləcək.

● Sertifikat təqdim edilmədikdə ingilis dili biliyi üzrə imtahan təşkil olunacaq.

Müraciət üçün son tarix: 16.05.2025

Ətraflı məlumat üçün linkə keçid edə bilərsiniz.

Əlaqə:

Beynəlxalq əlaqələr şöbəsi (AzTU, əsas korpus, 3-cü mərtəbə, 325-ci otaq)

E-poçt: international@aztu.edu.az

Tel: (+994 12) 539 13 48