Türkiyə-Azərbaycan Universitetinin Kompüter mühəndisliyi proqramının laboratoriya saatlarının/faəliyyətlərinin idarə olunması, praktiki dərslərdə tədris və təlim assistentliyi göstərilməsi, həmçinin kompüter laboratoriyalarının fiziki idarə olunması məqsədilə aşağıda göstərilən xüsusiyyətlərə malik mühəndis köməkçisi vəzifəsinə vakansiya elan edilir. 

Tələb olunan xüsusiyyətlər: 

· Ali təhsil: Magistratura və ya doktorantura (Kompüter mühəndisliyi, elektrik-elektronika mühəndisliyi, proqram mühəndisliyi və ya müvafiq sahə üzrə);

· Dil biliyi: Azərbaycan, türk (şifahi və yazılı ünsiyyət), ingilis dili;

· İş təcrübəsi: Qeyd olunan sahələrin birində 1 (bir) -2 (iki) il peşəkar iş təcrübəsinə sahib olmaq;

· İnformasiya sistemləri və şəbəkə təhlükəsizliyi mövzularında yüksək səviyyədə bilik və təcrübəyə sahib olmaq;

· Windows və Linux əməliyyat sistemlərinin idarə edilməsi mövzusunda təcrübəli olmaq və sistem optimallaşdırılması mövzularında təcrübəyə sahibi olmaq;

· Şəbəkə texnologiyaları, TCP/IP protokolları, yönləndirmə (routing) və şəbəkə səviyyələri haqqında dərin biliklərə malik olmaq;

· Texniki sənədləri effektiv şəkildə oxuyub başa düşmək və texniki mövzularda güclü yazılı və şifahi ünsiyyət bacarığına sahib olmaq;

· Mövcud informasiya sistem texnologiyalarını izləyən, araşdırma və inkişaf etməyə açıq, yenilikçi və proaktiv yanaşma nümayiş etdirmək;

· VMware və digər virtualizasiya platformaları ilə bağlı təcrübə sahibi olmaq üstünlükdür;

· Təşəbbüskarlıq, analitik düşünmə və effektiv problem həlletmə bacarıqlarına malik olmaq;

· Tələbələrlə və inzibati bölmələrlə münasibətlərdə yüksək səviyyədə ünsiyyət bacarıqlarına malik olmaq;

· Gərgin və dinamik iş mühitinə uyğunlaşa bilən, komanda işinə meylli və əməkdaşlıq yönümlü olmaq. 

İş təsviri: 

· Kompüter mühəndisliyi laboratoriyalarında mövcud bütün informasiya sistemlərinin idarə edilməsi və dərslərə hazırlıq görülməsi;

· Kompüter mühəndisliyi proqramı dərslərində laboratoriya assistentliyi etmək və laboratoriya dərslərini fənn müəllimi ilə koordinasiya edərək idarə etmək;

· Tədris ilinin əvvəlində kompüter laboratoriyasını tədris planına və dərslərin tələblərinə uyğun hazır vəziyyətə gətirmək, yeniləmək, zəruri proqram təminatını yükləmək, il ərzində yaranacaq problemlərə müdaxilə etmək və texniki dəstək göstərmək;

· Kompüterlərin həm avadanlıq, həm də proqram təminatının quraşdırılmasını həyata keçirmək və konfiqurasiyasına nəzarət etmək;

· Kompüter laboratoriyalarında tələbələrin fəaliyyətlərini və qayda pozuntularını izləmək, hesabat vermək və təhlil etmək;

· Windows və Unix Əməliyyat Sistemlərinin dövri təhlükəsizlik yoxlamalarını aparmaq, izləmək və hesabat vermək;

· Mövcud informasiya sistemləri serverlərini və şəbəkə trafik qeydlərini izləmək və təhlilini aparmaq, hesabat hazırlamaq;

· Kompüter laboratoriya tətbiqləri ilə bağlı Orta Doğu Texniki Universitetinin Kompüter mühəndisliyi fakültəsi ilə əməkdaşlıq edərək koordinasiyalı şəkildə işləmək;

· Məlumat saxlanma cihazlarının idarə olunması, gündəlik yoxlamalar və replikasiya işlərini müvafiq heyətlə birlikdə həyata keçirmək, izləmək və hesabat vermək;

· Şəbəkə cihazları və yönləndiricilərin dövri təhlükəsizlik yoxlamalarını aparmaq, izləmək və hesabat vermək;

· Virtualizasiya infrastrukturunun dövri təhlükəsizlik yoxlamalarını aparmaq, izləmək və hesabat vermək;

· Laboratoriyalar, informasiya sistemləri və şəbəkə təhlükəsizliyi ilə bağlı zəruri yazışmaları hazırlamaq və müvafiq bölmələrə dəstək olmaq;

· Proqram koordinatorunun verdiyi əlavə vəzifələri yerinə yetirmək.

Tələblərə uyğun namizədlər mövzu yerində mövcud vakansiya adını qeyd etməklə öz CV-lərini [email protected] elektron ünvanına göndərə bilərlər.

Müraciət üçün son tarix: 30.09.2024