Azərbaycan Texniki Universitetinin (AzTU) akademik heyəti “Erasmus+ KA171” mübadilə proqramı çərçivəsində Polşanın Powislanski Universitetində bir həftə mühazirə oxumaq üçün müraciət edə bilər.

Mübadilə proqramı haqqında məlumat:

● Tədris ili: 2024/2025 tədris ilinin yaz semestri

● Sahələr: İqtisadiyyat və idarəetmə

● Seçilən iştirakçı 21-25 may tarixlərində Powislanski Universitetində təşkil olunacaq 7-ci beynəlxalq əməkdaşlıq həftəsində iştirak edəcək. Bu tədbirə XII Beynəlxalq Elmi Konfrans, VII Beynəlxalq Tələbə Konfransı, eləcə də 7-ci Beynəlxalq Ali Təhsil Sərgisi daxildir.

Tələb olunan sənədlər:

● Ərizə forması (Application Form)

● CV (ingilis dilində)

● İngilis dili biliyini təsdiq edən sənəd, minimum B2 səviyyəsi

Müraciət qaydası:

“Erasmus+ KA171” mübadilə proqramında iştirak etmək istəyən müəllimlərdən tələb olunan sənədləri erasmus@aztu.edu.az elektron poçt ünvanına göndərmələri xahiş olunur.

Müraciət üçün son tarix: 10.02.2025

- Seçim zamanı tam ştatlı/yarım ştatlı çalışan müəllimlərə üstünlük veriləcək.

Ünvan: AzTU, əsas korpus, 3-cü mərtəbə, 325-ci otaq (Beynəlxalq əlaqələr şöbəsi)

E-poçt: erasmus@aztu.edu.az

Tel: (+994 12) 539 13 48