Azərbaycan Texniki Universitetinin (AzTU) bakalavriat və magistratura səviyyəsində təhsil alan tələbələrinin nəzərinə!
Yaponiyanın Xarici İşlər Nazirliyi Yaponiya haqqında bilik və anlayışlarının artırılması məqsədi ilə həyata keçirilən “MIRAI” proqramına iştirakçı qəbulunu elan edir.

Proqramda 20-30 yaş aralığında olan bakalavr və magistr tələbələrinin iştirakı nəzərdə tutulur.

Proqraqma qəbul olunanlar noyabr ayında təşkil olunacaq oriyentasiyada iştirak edəcəklər.
Daha sonra 2026-cı il 1–7 dekabr tarixlərində Yaponiyaya səfər təşkil olunacaq. Proqram tamamilə ingilis dilində keçiriləcək.

1. Proqramın mövzusu: Süni intellekt startapları

2. Proqram tərəfindən qarşılanan xərclər:
– Yaponiyaya gediş-dönüş aviabilet (ekonom sinif; iştirakçının öz hesabına biznes sinfinə dəyişmək mümkündür);
– səyahət sığortası;
– Yaponiyada qalma xərcləri;
– Yaponiya daxilində nəqliyyat xərcləri;
– yemək xərcləri;
– muzeylərə və digər obyektlərə giriş haqları.

3. Müraciət üçün tələblər:
– AzTU-da mühəndislik və informasiya texnologiyaları sahəsində təhsil almaq;

– İngilis dilində sərbəst müzakirə apara bilmək;
– Yüksək akademik göstəricilərə malik olmaq;
– “MIRAI” proqramının məqsədlərini başa düşən və onlayn hazırlıq proqramının başa çatmasından sonra, Yaponiyada olduğu müddətdə və Yaponiyadan qayıtdıqdan sonra sosial media, nəşrlər və digər müxtəlif kommunikasiya vasitələri ilə Yaponiyanın cəlbedici tərəfləri haqqında məlumat paylaşa bilən şəxslər. Paylaşılan materiallar və əldə olunan nəticələr Yaponiyanın Azərbaycandakı Səfirliyi ilə bölüşülməlidir.

Qeyd: Yaponiyada 6 ay və ya daha çox müddət yaşamış şəxslər, həmçinin daha əvvəl “MIRAI” proqramı və ya Yaponiya hökumətinin digər təqaüd proqramları çərçivəsində Yaponiyaya səfər etmiş şəxslər müraciət edə bilməzlər.
Müraciətlə bağlı ətraflı məlumat üçün Müraciət Təlimatına nəzər salın.

4. Müraciət qaydası
Proqramda iştirak etmək istəyən şəxslər əvvəlcə Müraciət Təlimatını nəzərdən keçirməli, daha sonra həmin saytda yerləşdirilmiş xüsusi müraciət forması vasitəsilə müraciət etməlidirlər.
“Müraciət forması” ilə bağlı texniki və ya digər problemlər yarandığı təqdirdə, birbaşa proqramın təşkilatçılarına email vasitəsilə müraciət etməyiniz xahiş olunur.
E-poçt: mirai@jtb.com (Yapon və ya ingilis dilində)
Müraciət formasında müraciət üçün tələb olunan məlumatlar, motivasiya məktubu və digər məlumatlar da vardır.
Müraciət forması vasitəsilə Xarici İşlər Nazirliyinin tələb etdiyi sənədləri, o cümlədən xarici pasportun surətini, akademik transkripti, razılıq sənədi və digər sənədləri yükləmək mümkündür.

Müraciət üçün son tarix: 31.08.2026

Təşkilatçı qurum tərəfindən müraciət edənlərə seçim nəticələrinin
bildirilməsi: 14.10.2026

Onlayn hazırlıq proqramı: Noyabr, 2026-cı il

Yaponiyaya səfər: Dekabr, 2026-cı il