Azərbaycan Texniki Universitetinin (AzTU) magistr tələbələri “Erasmus+ KA171” mübadilə proqramı çərçivəsində 2023/2024-cü tədris ilinin yaz semestrində Türkiyənin Bursa Texniki Universitetində 2 aylıq təcrübə keçmək üçün müraciət edə bilərlər.

Qeyd edək ki, mübadiləyə 3 istiqamət üzrə ümumilikdə 1 yer ayrılıb:

1. Metallurgiya mühəndisliyi

2. Materialşünaslıq mühəndisliyi

3. Mexanika mühəndisliyi

Mübadilə üçün şərtlər və tələb olunan sənədlər:

· 2-ci kurs magistr tələbəsi olmaq;

· Ərizə formasının doldurulması (Application Form);

· Transkript (ÜOMG minimum 85 bal);

· İngilis dili biliyi minimum B2 səviyyəsi (Seçim zamanı sertifikat təqdim edənlər üstünlük əldə edir).

“Erasmus+ KA171” mübadilə proqramında iştirak etmək istəyən magistrantlardan tələb olunan sənədləri erasmus@aztu.edu.az elektron poçt ünvanına göndərmələri xahiş olunur.

Sənədlər siyahıya uyğun göndərilmədiyi təqdirdə müraciətlər qeydə alınmayacaq.

Müraciət üçün son tarix: 25.02.2024

Əlavə məlumat üçün erasmus@aztu.edu.az elektron poçt ünvanına yaza və ya Beynəlxalq əlaqələr şöbəsinə (AzTU, əsas korpus, 3-cü mərtəbə, 325-ci otaq) yaxınlaşa bilərsiniz.

Əlaqə: (+994 12) 539 13 48