Azərbaycan Texniki Universitetinin (AzTU) bakalavriat səviyyəsində təhsil alan tələbələri İstanbul Universiteti - Cərrahpaşada Türkiyə beynəlxalq mübadilə təqaüd proqramı (TIES) çərçivəsində 2025/2026 tədris ilinin payız və ya yaz semestrində təhsil almaq üçün müraciət edə bilərlər.

TIES proqramı çərçivəsində tələbələr:

- Təhsil alacağı Türkiyə universitetində təhsil haqqından azad olur;

- Aylıq təqaüd alır;

- Gediş-dönüş səyahət xərci qarşılanır;

- Yataqxana ilə təmin olunur;

- Həmçinin viza, tibbi sığorta və qeydiyyatla bağlı dəstək göstərilir.

Proqramın şərtləri və təqaüdə ayrılan yerlərin sayı haqqında linkə buradan keçid edə bilərsiz: What is TIES?

Tələblər:

● Bakalavr tələbəsi olmaq (1-ci və 2-ci kurs)

● Ərizə forması

● Transkript (ÜOMG minimum 85 bal)

● İngilis dili biliyini təsdiq edən sənəd (minimum B1 səviyyəsi)

Mübadilədə iştirak etmək istəyən tələbələrdən tələb olunan sənədləri international@aztu.edu.az elektron poçt ünvanına göndərmələri xahiş olunur.

● Sənədlər siyahıya uyğun göndərilmədiyi təqdirdə müraciətlər qeydə alınmayacaq.

● IELTS və ya TOEFL sertifikatı olanlara seçim zamanı üstünlük veriləcək.

Müraciət üçün son tarix: 17.06.2025

Əlaqə:

Beynəlxalq əlaqələr şöbəsi (AzTU, əsas korpus, 3-cü mərtəbə, 325-ci otaq)

E-poçt: international@aztu.edu.az

Tel: (+994 12) 539 13 48