Çinin aparıcı universitetlərindən biri olan Sias Universitetinin təşkil etdiyi “2026 Discovery Camp: Experience Amazing China” adlı beynəlxalq düşərgə proqramına müraciətlər qəbul olunur. Proqrama AzTU-nun bakalavr tələbələri (18 yaşını tamamlamış) müraciət edə bilər. Proqrama yalnız iki nəfər tələbə seçiləcək. 

Proqram çərçivəsində həyata keçirilməsi nəzərədə tutulan fəaliyyətlər:

· Mədəniyyətlərin mübadiləsi sessiyaları;

· Liderlik bacarıqlarının inkişafı və komanda quruculuğu üzrə seminarlar;

· Beynəlxalq iştirakçılarla sosiallaşma və şəbəkələşmə tədbirləri;

· Tarixi və mədəni irs məkanlarına mədəni ekskursiyalar;

· Çin tarixi, dili, mədəniyyəti və iqtisadiyyatı haqqında mühazirələr;

· Sənaye və korporativ səfərlər;

· Pekin və Şanxaya turlar.

Proqramın müddəti:

2 həftə – 16-28 iyul 2026

Ödəniş və xərclər:

· Təyyarə biletləri, Sias Universitetində (Çjençjou) qonaqlama və yemək xərcləri, Pekin və Şanxay turu tələbənin özü tərəfindən qarşılanacaq.

· Pekin və Şanxay turunun ödənişi 798 ABŞ dolları təşkil edəcək.

Ödənişə daxildir: Pekin və Şanxayda yerli nəqliyyat, qonaqlama və yemək

Ödənişə daxil deyil: Qatar biletləri (Pekin-Çjençjou-Şanxay)

· Tələbələr proqrama daxil olan aşağıdakı xidmətlərin ödənişindən azad olacaqlar:

Seminarlarda iştirak, proqram materialları və hava limanından transfer xidməti

Müraciət üçün tələb olunan sənədlər:

· Ərizə forması (Application Form);

· İmzalı və möhürlü transkript (ÜOMG minimum 75 bal);

· İngilis dili biliyini təsdiq edən serifikat (minimum B2 səviyyəsi).

Müraciət:

Proqramda iştirak etmək istəyən tələbələrdən tələb olunan sənədləri [email protected] elektron poçt ünvanına göndərmələri xahiş olunur.

Sənədlər siyahıya uyğun göndərilmədiyi təqdirdə müraciətlər qeydə alınmayacaq.

Müraciət üçün son tarix: 20.05.2026 

Əlaqə: Beynəlxalq əlaqələr şöbəsi (AzTU, əsas korpus, 3-cü mərtəbə, 325-ci otaq)

E-mail: [email protected]