Azərbaycan Texniki Universitetinin (AzTU) Beynəlxalq əlaqələr şöbəsinə beynəlxalq əməkdaşlıq və mübadilə üzrə mütəxəssis vəzifəsinə vakansiya elan olunur.

Əmək funksiyaları:

- Xarici universitet və beynəlxalq təşkilatlarla elm və təhsil sahəsində əməkdaşlıq əlaqələri qurur, əməkdaşlığın çərçivəsini işlərin aparılması ilə bağlı mütəmadi olaraq xarici tərəfdaşlarla kommunikasiyanı qurur və aparır;

- Universitetin üzv olduğu xarici assosiasiya və təşkilatlarla əməkdaşlıq kommunikasiyalarını idarə edir;

- Beynəlxalq layihə və mübadilə proqramlarında universitetin iştirakını artırmaq məqsədilə təklif və tövsiyələrini işləyib hazırlayır, universiteti beynəlxalq layihələr və mübadilə proqramları üzrə sərgi, görüş, konfrans və seminarlarda təmsil edir;

- Beynəlxalq mübadilələrdə iştirakla bağla prosedurların icrasını həyata keçirir, mübadilədə iştirak edən akademik və inzibati heyətin, eyni zamanda tələbələrin sənədləşmə və viza məsələlərinə dəstək olur;

- Universitetin beynəlxalq əməkdaşlıq və mübadilə üzrə statistika və hesabatını hazırlayaraq təqdim edir, fəaliyyəti ilə bağlı mütəmadi hesabatlar hazırlayır, mövcud çətinliklər və əngəlləri müəyyən edir, aradan qaldırılması üçün təklif və tövsiyələrini hazırlayır.

Tələblər:

- Ali təhsil;

- Minimum 1 il iş təcrübəsi (Müvafiq sahə və ya təhsil sahəsi üzrə);

- Dil bilikləri: İngilis dilində sərbəst ünsiyyət qurmaq, oxumaq və yazmaq bacarığı;

- Ms Office proqramları üzrə biliklər;

- Ünsiyyətcillik, komanda ilə işləmək bacarığı, liderlik, analitik düşünmə və müstəqil qərar qəbuletmə qabiliyyəti;

- “Elm haqqında” və “Təhsil haqqında” Azərbaycan Respublikasının qanunları, ölkənin strateji inkişaf proritetləri və qanunvercilik bazası haqqında biliklər.

Tələblərə uyğun namizədlər mövzu yerində mövcud vakansiya adını qeyd etməklə öz CV-lərini cv@aztu.edu.az elektron ünvanına göndərə bilərlər.

Müraciət üçün son tarix: 12.08.2024-cü il saat 18:00