Azərbaycan Texniki Universitetinin (AzTU) Həmkarlar İttifaqı Komitəsinin təşkilatçılığı ilə “AzTU Gəncləri-2025” layihəsinə start verilib.

Layihənin məqsədi:

- Universitetdə çalışan gənc əməkdaşların əməyinin stimullaşdırılması;

- Gənclərin elmə təşviqi;

- Gənclərin şəxsi inkişaflarının dəstəklənməsi;

- Gənclərin idealarının dəstəklənməsi;

- Gənclərin liderlik, innovasiya və problem həlletmə bacarıqlarının inkişaf etdirilməsi;

- Universitetdə çalışan gəncləri bir araya gətirərək sosial əlaqə qurmaq;

- Gənclərin əməyinin stimullaşdırılması.

Layihənin hədəf kütləsi:

- Universitetdə çalışan bütün gənclər.

Layihənin formatı:

Layihə haqqında 2 həftə əvvəldən universitetin saytında və Həmkarlar İttifaqı Komitəsinin sosial media hesablarında elanlar paylaşılır və AzTU-da çalışan əməkdaşlar il ərzində fəaliyyətlərini şərtlərə uyğun olaraq elektron qaydada komitəyə təqdim edirlər. 

Meyarlar:

- Gəncin il ərzində namizədlik və ya doktorluq dissertasiyası müdafiə etməsi;

- Gəncin indeksli jurnallarda məqalə çapı, dərslik və ya dərs vəsaiti hazırlaması (müəllif və ya həmmüəllif olması);

- Gəncin kollektivin inkişafına verdiyi dəstək (komanda ilə iş bacarığı, qurumun imicinə verdiyi töhfə);

- Gəncin Həmkarlar İttifaqı Komitəsinin və universitetin ictimai həyatında, tədbirlərində fəal iştirakı;

- Gəncin nizam-intizamı. 

Qeyd olunan meyarlara uyğun namizədlərdən sənədlərini 24 yanvar 2025-ci il tarixinədək [email protected] elektron ünvanına göndərmələri xahiş olunur.

Nominasiyalar:

I yer- AzTU-da ilin gənci

II yer – AzTU-da ilin peşəkar gənci

III yer – AzTU -da İlin gələcək vəd edən gənci

Qalib və mükafatçılara Həmkarlar İttifaqı Komitəsi tərəfindən pul mükafatının verilməsi nəzərdə tutulur.

Əlaqə: +99412 5391238

E-mail: [email protected]