Azərbaycan Texniki Universitetinin (AzTU) Beynəlxalq əlaqələr şöbəsinə beynəlxalq layihələr üzrə aparıcı mütəxəssis vəzifəsinə vakansiya elan olunur.

Tələblər:

· Ali təhsil səviyyəsi: Magistr dərəcəsi;

· Minimum 2 il iş təcrübəsi (Müvafiq sahə və ya təhsil sahəsi üzrə);

· Dil bilikləri: İngilis və türk dillərində sərbəst şəkildə ünsiyyət qurmaq, oxumaq və yazmaq bacarığı (rus dili vəya əlavə dil biliyi üstünlük olaraq qəbul ediləcək);

· Ms Office proqramları üzrə biliklər;

· Yüksək ünsiyyət bacarığı, komandada işləmək və liderlik qabiliyyəti;

· Analitik düşüncə, təşəbbüskarlıq və müstəqil qərarvermə bacarığı;

· “Təhsil haqqında” və “Elm haqqında” Azərbaycan Respublikasının qanunları, ölkənin strateji inkişaf prioritetləri və müvafiq qanunvericilik bazası üzrə biliklər.

Əmək funksiyaları:

· Təhsil, təcrübə və tədqiqat sahələrində universitetin ixtisaslaşmasına uyğun beynəlxalq qrant layihələri üzrə çağırışları izləmək, onların təşviqatını aparmaq və universitetin iştirakını təmin etmək;

· Universitetin beynəlxalq elm və təhsilyönümlü qrant proqramlarında iştirakını təşviq etmək və müraciətlərin qaydalara uyğun şəkildə icrasını təmin etmək;

· Beynəlxalq layihələrin idarə olunması və icrası ilə bağlı tədbir və seminarların təşkilini həyata keçirmək;

· Universitet əməkdaşlarının beynəlxalq qrant layihələrinə müraciətləri zamanı tələb olunan texniki dəstəyi göstərmək;

· Layihələrin icra prosesində hesabatların hazırlanmasına, sənədləşməyə və komanda işinə dəstək vermək;

· Universiteti beynəlxalq layihələrlə bağlı sərgi, görüş, konfrans və seminarlarda təmsil etmək;

· Beynəlxalq layihələr üzrə xarici tərəfdaşlarla effektiv kommunikasiya qurmaq və əlaqələri təmin etmək;

· Layihə fəaliyyəti üzrə illik statistik məlumatları toplamaq, müqayisəli təhlillər aparmaq və hesabatlar hazırlamaq.

Tələblərə uyğun namizədlər mövzu yerində mövcud vakansiya adını qeyd etməklə öz CV-lərini cv@aztu.edu.az elektron ünvanına göndərə bilərlər.

Müraciət üçün son tarix: 22.09.2025-ci il saat 18:00